我之前係新加坡時幫襯過亞坤，食過佢既咖央多，當然就係好好食。近日睇報紙，知道佢係香港開分店。我就即時佢想幫襯佢，但心諗，一開張一定會好多人去，佢又唔係十分十分吸引，所以我等到今日行開尖沙咀時，見到門口無乜人，咁先去食。
食後感就真係強差人意。
先講下間舖先，門口寫到明要排隊入座，我呢D成日排隊等食飯既人，唔mind，門口等，等左十分鐘，眼見超多吉位都無Waiter 叫我地入座，跟手問佢，佢叫我自己搵位坐，算。無人執檯，足足等左十分鐘，我自己執檯，我自己拎Menu 。全部自己做晒。
我叫左三樣野食，得一樣係OK。其他既就算啦。始終佢都係番新加坡好D，香港真係唔適合佢。
咖央多 ($18)
全晚最好食既就係佢，佢烘出黎即上檯，麵包都仲係脆同熱。個咖央多既咖央醬味唔係好濃，食落口唔會太甜，同唔會太油既感覺。但話分兩頭，其實我係叫左個蒸咖央包，但佢黎錯左，我就免為其難要左佢，話晒兩個都係$18。見個價無分別就算啦。但呢個風味同新加坡食到既係好大差別。
