阿芳餛飩 (即包餃子)

人均消費：HKD$39

我個人都鐘意同朋友去酒吧飲番兩杯，有次去到M1酒吧，同個拳手吹左兩咀，佢就話附近有間餛飩餃子幾好。我自己食過八x雲集都中左伏，我相信好多食過八x雲集都好失望。咁就搵餃子食，日式餃子多數都係炸。所以都係搵D港式算喇。

我未入門口時就已經發覺左佢reserve 左一張檯黎包餛飩/餃子，佢咁有heart，我更加無理由唔幫襯下，話晒我都有同行朋友，佢都餓。餛飩、餃子、上海麵及上海小食都有提供佢仲寫送豆槳。睇落都唔係好貴，$36都可以有交易，仲要係佢寫就話不含味精。呢個先係正，有時出街食野都幾risky，就係太咸或太濃都會影響到。

你睇住佢包，唔計野食當睇表演

東寶小館 (香港美食)

人均消費：HKD$182

香港好多人都係食大排檔長大，好多野都好好食，佢唔同大酒樓，但個價都唔算平。一個

不過從咁耐既hit rate黎睇，作為上網既user，你concern 既都好少會睇中菜。所以我都係打多幾粒字就算。俾多D圖片你地睇。

呢餐我食左好多出面食唔到咁好味既野，我衷心recommend 呢間野俾朋友Gathering，因為多人先可以去，太少人去好難叫餸。

風沙雞係我食過最好食既炸子雞。出面d雞一係就雞皮唔得，一係就雞肉唔得。今次皮脆肉嫩，正(love struck)

今次推介 ─ 風沙雞

哈囉茶餐廳 (小島風情)[已結業]

人均消費：HKD$39

工作一整天，放工食一口飯就係一日既成果。辛苦搵黎旨在食。有時工作地點令人心灰，但去一間恬靜又舒適既餐館，好比中六合彩五獎既喜悅。今次講緊既係佐敦附近一間茶餐廳。柯士甸道即童軍中心果條街。舖名都已經好正，Hello。再望入去有魚缸，仲有埋壁畫，以一間茶餐廳，佢都唔算話太差，佢都係$50有找，但我呢D窮人，慳得一蚊得一蚊。其實以$50食一間茶記，點解唔搵間有景睇下呢？

壁畫上有樹有雀，仲有豬豬愛愛之類，真係食「裝修」的一餐。望住咁既環境，有如置身小島上。放鬆心情。

不過呢間唔係推介，只係忘卻煩惱的一間平價茶餐廳。

壁畫

新仙清湯腩 (油麻地米芝蓮)

人均消費：HKD$37

成日都話車軚人好多正野，我又係一個窮人，無理由搵間幾百蚊埋單既好食餐廳，所以今次就搵間$40有找既車軚人，去油麻地，食牛腩。每一間成功既餐廳都一定有佢出位之處，唔係間間都好似添好運咁好運。呢間新仙主要Sell 牛腩。佢既好處就係可以自己選擇要瘦，半肥瘦或肥。唔係講笑叫牛腩好似叫叉燒咁。問你死未。

友勢日本料理 (平價日式) (已結業)

人均消費：HKD$52

朋友成日話想食平野，我就帶佢去荃灣食粥，點知間粥店唔知做乜事，佢又唔開門，諗起中染新城果頭有三間平野。地下一層有扒餐around $70，樓上有友勢同埋薩莉亞意式餐廳，三間都唔貴。人均消費都係$50~$70。Acceptable。薩莉亞意式餐廳就連鎖野，唔洗點講，大家都會去。友勢日本料理入去前就已經見到佢show 出黎話壽司半價。ok ，就食呢間。

我order 左 10件壽司、清酒煮蜆同牛肉拉麵。三樣野食黎計壽司最抵，佢以原價加一，計落都係$30就有10件。平過爭鮮。唔洗同人爭。又可以慢慢食。個碟都靚d啦。

食完埋單都係$103，兩個人食到捧住個肚走。超值，可以推介。(thumbs up)

10件壽司 ($25)

德成號 (北角蛋卷)

北角出名蛋卷，無啦啦食評都加插呢個Topic，事關小弟有D野想同大家分享就想Post 出黎。

德成號蛋卷係手造，鬆化，有層次感，原味都夠香。

德成號係北角都好多年，上幾年被阿蘇介紹同大陸自由行既書介紹後，我地香港人老食，一係排隊自己買，一係就俾錢人買，我見過銅鑼灣有舖頭將一罐原價$61賣$90，markup 左47.5%。如果新年想送禮，你就要係中秋左近去預訂。

排隊攻略，星期一至六8:15am 去到，一人限買4磅，9:30am開門，分分鐘可以走兩轉，買8磅。我自己買過，4磅一星期食晒。

隆姐泰國美食館 (泰國風味)

人均消費：HKD$95

想食泰國野唔洗一定要去泰國，係香港都可以食到好既泰國菜。如果你係食得辣之人就更加唔洗講。我自己食泰國菜多數都會叫生蝦食。事關d泰式生蝦醬先係焦點所在。非九龍城既泰式生蝦醬食係有落適量或少許紗糖。而九龍城既泰式生蝦醬係用香草，我食兩啖，辣味已滲透出黎。醬先係一絕。

平時去City Super, JUSCO, 買生蝦，大約$3.5~$5/隻。話雖同食肆食可以平一大截。但係九龍城食就有泰國人既生蝦醬，咁已經值回票價。出面生蝦及雞醬多數係紅紅地色，但呢間係青青地色。食落就知正野。第一啖唔辣，但d辣係慢慢滲出黎。堅。一定要食(love struck)

生蝦 ($80)

紅點 (長洲的世界美食)

人均消費：HKD$58

長洲近年都有好多旅客，真係要多謝d自遊行，搞到香港人被迫走入離島避世，每逢星期六日，中環碼頭都大把人排隊等船入長洲。久而久之，長洲就變得好熱鬧，好多商店都變左做食店。

我之前都成日入長洲渡下假，但食黎食去都係茶餐廳、大魚旦、菠蘿冰、腸粉、芒果糯米糍。食都食到厭，近期入去又有新surprise。就係有間叫紅點既野，有芝士撈丁、叻沙、咖喱、越南粉、定食。睇見個餐牌都已經笑左出黎。At least 之後都可以有新野試。

外面

炳記茶檔 (名人大排檔)

人均消費：HKD$23

大坑有名人食堂之稱，有時入去都係想碰碰運氣，睇下會唔會見到名人，小弟今次專程入去食豬扒麵。上網都Search 過，陳奕迅都係座上客。如果俾我有一次機會同佢一齊食豬扒麵就開心死我。

講番間野先，豬扒出前一丁麵，點可以無支麻油，而佢支麻油係日版，唔係港式，我唔係祟日，但日清麻油係日本野好食d。係香港，我自己都有用，最平都要$17.80先可以買到一支。

今次推介 ─ 豬扒出前一丁麵

佢既豬扒係鬯過，超好食，有味於日本炸。好食到我寅係唔識點講。佢既豬扒麵有豬扒汁，有少少似和風汁。不過以$23就可以食到，我一定再食。(其實我都食左好多次，嘩哈哈哈哈哈

豬扒麵(出前一丁) ($23)

皇室甜品 (渡船街一點甜)

人均消費：HKD$30

香港呢期吹起綠茶風，連Circle K，7 eleven 都有賣綠茶。就知宜家好heat 綠茶，皇室甜品話晒都有兩間分店，佢又點會唔推。佢仲有搞埋團購，但我自己就唔係用團購買，肉都赤埋。我今次去完Element之後行過去。之前係九龍地都見過佢，今次係白民樓附近見到，就入左去啦。

本Menu好靚，d相昒得好靚，真不愧為九龍地有分店，睇個Menu 時個宇治金時好吸引啦，叫左，黎到都仲好ok，話晒個甜品同Menu差唔多，但睇落多一陣就知中招。個雪糕佢係買番黎而唔係自己整；紅豆, 一粒粒又唔係好茸；綠茶刨冰又唔入味；唯有白玉好咬口。

佢整個甜品出黎，應該係俾部相機食多過俾人食。所以我都唔會再去皇室。

宇治金時 ($30)

大記攦粉糕點專門店 (蔡瀾介紹獨特攦粉)

人均消費：HKD$35

好多年前都已經經過呢間野，但我又唔會入去食。上排睇左金剛小儀個節目見到佢講呢間野。我即時叮一聲，好似平時都唔多人，今次係我第一次入去試。一試就知點解有人讚但又少客。

如果老細有睇我個BLOG，我唔介意同佢講。攦粉really 好special, 佢有少少似烏冬，但條粉既密度低過烏冬。講到咁，攦粉都幾好食。叱間野既野食係熱，even 鮮炸墨魚卷都係熱，聽我講到咁，你都唔會明點解無乜客。

其實Main Point 係間野好隔涉，唔係咁易搵到。唔係熟呢頭係唔係行過去。再者係無服務可言，十叫佢十唔應。同埋問佢野，全部既回應都好簡短，一兩個字，落單又唔多對話。所以唔多客係正常。

我係一個食野大過Service 既人，所以我都會再幫襯。因為每個攦粉疥會加d配菜+肉絲+紫菜，都幾Colorful。炸墨魚卷都熱同脆。配加腍既「烏冬」加上港式既泰色辣醬，其實$35係好平。

鮮炸墨魚卷攦粉($35)

得龍大飯店 (新蒲崗米芝蓮懷舊菜)

人均消費：HKD$130

2010年當年已經有米芝蓮，當年都係推介佢係可以用$300埋單，而又有Quality 既已餐廳。呢間野個老闆really 有heart ，佢D碗碟都印有自己舖頭名。之前睇左套港產片，講左「金錢雞」，一心諗，就係呢間得龍仲有得食，仲要好出名。

好多人都話得龍既金錢雞好食，但今次我偏偏唔食。選食其他野，我今次叫左百花芝士脆豆腐、啫啫芥蘭煲同雞蛋焗魚腸。

碗碟印有舖頭名

四季煲仔飯 (油麻地4 Season)

人均消費：HKD$32

成日行旺角，有時真係諗唔到想食乜，都不妨可以落去油麻地一轉，睇下四季係唔係排緊長龍，因為冬天去，有70%以上係要排，但一入夏，不但唔洗排，有時仲會見到老細出黎拉客。Timing 都係一個好重要既因

今次推介食物 ─ 鴨蛋蠔餅

鴨蛋相對雞蛋，在炸呢隻煮法，鴨蛋相對地淡少少，如果加上蠔餅，又唔會搶左蠔既香味，仲有你可能會問，打冷舖好多都會有蠔餅賣，點解推介呢間，就係因為Turnover 問題，行過四季既朋友成日見到門口有個姨姨企係度係咁炸，無停過手。當一件野食，剛剛整好腥味都未有，炸粉又脆。可想而知。正(tongue)！

鴨蛋蠔餅 ($25)

正村壽司 (雙色豉油)

人均消費：HKD$40

有時食野，睇住食tea 既時間去食，分分鐘可以慳一筆，有D tea 會做到5:30pm 先完。有時當埋晚餐都仲可以。呢間正村佢個Selling Point 唔係野食度，而係豉油。

佢Lunch 都唔係好貴，一個魚生飯$50左右。唔算貴，可以接受。但一到Tea 就死直，我當日光顧之時，我係佢唯一檯客。服務一流，一食完，佢十秒唔夠就收左隻碟。所以佢Tea Set 做緊個Promotion 係買二送一，買兩件壽司送多一件。變相平左少少。我兩條友去到，食左15件壽司就捧住個肚走人。

豉油點特別法，在於昆布醬油色澤較淺，入口較清淡；相反，吟嚷醬油色澤較深，入口略咸。佢亦俾夠兩隻豉油碟你自己Mix and Match。

昆布醬油 同 吟嚷醬油。

合益泰小食 (豬油腸粉)

人均消費：HKD$6

今次食深水埗豬腸粉，如果你去到深水埗問人，有邊間腸粉好食，佢會答你間野係邊。你去到附近就見到條人龍。我都係咁而去呢間野。$6四條腸粉，睇落好普通，但食落就知好野。

佢D腸粉都唔係佢即包，佢都係來貨，佢太多客，D腸粉既turnover 好快，十分鐘就去左一盤。我都要排左5分鐘先到我，佢有大中細三個Size 俾客揀。我去試下姐，當然係食$6四條。我一路食，D腸粉真係堅滑，唔會留係條脷度，好快就滑左落喉嚨，心諗左一陣，來貨都可以做到咁滑，我就同隔離個叔叔搭訕，原來佢都幫襯左好多年，佢話D精華係麻醬度。合益泰落左豬油係麻醬度。

我明白了，我返去再三求證，都係豬油作怪，但出面真係食唔到。話雖豬油無益，但點都好，唔食成日食，就對自己條脷好D。我之後都會再食。

今次推介 ─  腸粉 ($6)

美利堅京菜 (America 人去既地方)

人均消費：HKD$105

呢間野，都係因為母親節，咁家人就話想食下呢間。預先Book 左檯，一去到，門口有個牌寫住你貴姓。係地下定一樓，連約朋友呢點都諗埋。出名野有好多，包括門口成日都有性感女郎。京菜為主片皮鴨，口撕雞。

山東燒雞 ─ 手撕雞既好處就係王啱晒我呢d懶人，唔洗妹骨，咁已經好正。再加上隻雞既雞肉又唔柴皮，又滑。佢仲有個豉油汁+蒜蓉，咁又係惹味啦。你望落去好似好大隻，但幾個人一齊食，好快KO 晒成隻。

住家菜 (銅記中菜) (已結業)

人均消費：HKD$95

宜家出街食野，晚餐好多時會分兩輪，有頭同尾輪，所以出街食飯宜家都搞到好趕時間。呢間住家菜都係咁。

南瓜排骨盅要預早一日訂的，又睇得又食得。相當抵。個瓜好林，一切就開，入面係醬燒排骨。南瓜盅同冬瓜盅原理差唔多，都有互補不足兼鎖住肉汁。加上南瓜整到好林時，南瓜亦自自然然吸左排骨醬。兩者相輔相成。佢個Design 就係要一刀切開，但由於個南瓜好腍，一打就開。正

糖堂私房甜品專門店 (黑布街新場)

人均消費：HKD$40

成日出旺角既人有時食完晚飯都會諗下場，唔好心邪，只係食甜品，昔日黑布街都有成三間甜品舖，宜家已經變左做連鎖甜品舖，有時想入間小店，食下試下。因為唔會一式一樣。甜品名都有時幾「生鬼」，一D都唔死板。

旺角食野，都唔係好多間野既裝修係十分ok，乳酪雪糕店就除外。講番今次有乜好野食先，我就同朋友一行二人叫左兩個甜品，分別係「開心樂園」同「香芒桃園」。「香芒桃園」就麻麻地，想食芒果都係去番芒果大王食。

今次推介甜品 ─ 開心樂園

材料方面有：芒果雪糕，青提子，紅提子，朱古力餅，爆汁丸，布甸

開心樂園

再興燒臘飯店 (灣仔燒味)

人均消費：HKD$25

再興燒臘係灣仔同銅鑼灣中間位處方便，同埋佢都開左好多年，閒時我都會買$20叉燒。

再黎叉燒，同伙記講明瘦叉就更佳，不但厚切，唔乾身，瘦得黎會有少少肥，蜜汁叉燒，自己加豉油，每片叉燒都可以加到有豉油，簡直一絕。豉油係任你落，多與少就睇你自己鐘意幾咸。但豉油都係秘制，又少少甜，送飯一流。

呢間野其實出名係燒肉，通常夜晚多數賣晒，想食有時要日頭食，因為皮脆。十次幫襯，七次皮脆。肉質林林地，唔會硬。

我今次又食唔到燒肉喇，你話，佢係唔係好出名。但次一出名就係燒鵝。佢真係俾燒鵝你，又唔洗加錢。燒鵝同燒鴨分別在於燒鵝滑少少。

服務快同準，唔洗等好耐就有得食。你大可以計時，佢定必兩分鐘內呈上，仲要係$25一餐，好抵。

叉鵝飯 ($25)

三滝海鮮刺身丼專門店 Mitaki (OL外帶店)

人均消費：HKD$58

香港舖租貴已經唔係第一日既事。香港人面對貴租，一係就做外賣，一係就俾貴d去食，一係就Quality 差d。總有一樣要取捨。今次推介既野連我自己都唔知叫咩名。所以Upload 圖就算。

有時野食，賣相都有時好重要，呢間野個外賣盒，我真係俾個讚佢，佢知自己舖頭定位係做外賣，個盒真係有心思整過，可以分折成兩部份，又有公司Logo，亦有Appearance.

一盒飯佢d刺身都擺放得幾靚靚仔仔，層次感都算有。但我覺得佢擺得仲靚過有d日本餐廳既堂食。

Size 份量其實都OK 夠，唔太大，又唔太細，我平時食開兩碗飯都覺得OK。事關食Lunch 都唔會食太多，食得多，晏晝就好易訓。

一鮮刺身壽司 (新插旗天后日本外賣店)

人均消費：HKD$45

間野新開張，我本住打死罷就去試下，叫左個壽司Set 試下，10件壽司+1罐可樂都係賣緊$45，以外賣店黎計唔算貴。一個Lunch 都唔算太貴，係天后清風街同電氣道一帶已經好多野食，呢間野連Openrice 都未有資料，好新，佢仲要個價唔係好貴都可以係天后插旗。所以值得一試。

Berliner German Bar and Restaurant (煙花晚餐)

人均消費：HKD$145

食平野，睇靚景，一向都係我首選，但有時睇靚景既餐廳，你係未必可以用$100樓下找數，有時候食野要食得抵，睇埋落去你就知。今次我就去左愉景灣食野，of course 我係有planning 咁去食呢間Berliner。Berliner 係連鎖野但又唔係好貴。

其記 (大澳凍檸茶)

人均消費：HKD$21

呢間其記並唔係我求其衝入去，我係一早入去大澳時，已經plan 左要入去會一會佢。一日行山，入到大澳，個人已經好熱，仲要食埋乜炭爐雞蛋仔，個人已經好熱，想飲番杯凍飲。但你都應該知道大澳有好多野食，你都想留肚食其他，我都不妨講你知。飲一杯凍飲再去搏殺都未遲。

香港人奶茶同檸檬茶都成日飲。尢其係凍飲。太興或金鳳茶餐廳出名就係無冰既凍奶茶，其記就出名無冰凍檸檬茶。免篤檸茶，啱晒我呢D懶人。但一杯好既檸檬茶，要有紅茶香及少少澀。

必飲推介 ─ 無冰凍檸檬茶 (唔好飲你可以直接同老闆講)

紅茶：70%
澀：20%
甜度：50%
冰凍度：60%

無冰凍檸檬茶 ($14)

Sense Dessert Cafe (盆栽甜品)

人均消費：HKD$45

博多拉麵龍亭 (沙田拉麵)

人均消費：HKD$72

我識得有個家住沙田既朋友，佢成日都呻話沙田都無間睇得上眼既拉麵。小弟不惜工本同佢去搵下。上網Search 左一間，佢係大圍火車站附近。附近大部份都係舊樓。間舖同同區有d格格不入。但一試就可以講，沙田區終於有日本拉麵。

首先講下博多拉麵，博多係日本既一個區，入面有好多拉麵，所以就係多人講既博多拉麵。所以就係咁既稱呼。

呢間博多拉麵龍亭，師傅會係你面前整碗麵，但有D唔同既係有塊玻璃隔住，咁就同日本唔同。

大蕃茄 (住家Feel蕃茄湯)[已結業]

人均消費：HKD$30

油麻地廟街好多人去都係為左食煲仔飯，但原來轉角位有間食蕃茄湯麵幾好食。呢間野D野食賣相就一般。好在於佢唔係點用油黎整個蕃茄湯，我都覺得幾健康。宜家時下出街食野，想少D油既都好難。呢間野個湯應該係自己煲出黎。我見佢唔多油，所以我都有飲晒碗湯。之後番到屋企都唔見口渴要勁飲水。

呢間餐廳位處於轉角位，門面就細左DD，自己一個人去就最好。佢都算算地好似坐街邊食野，個環境就唔係十分好。我係一個有好野食，我企係道食都ok。

講真，唔多油唔多味精既野，想係旺角油麻地搵到，真係好難。我會Recommend 俾朋友去。

吉列豬扒蕃茄湯麵 ($30)

京都抹茶屋 (香港仔的Green Tea)

人均消費：HKD$50

抹茶對好多人黎講都係一種唔太甜但又好香既甜品。又有d抹茶係苦，最苦也是甜味。呢個Level 唔係人人都接受到。香港仔區係一個大型社區，但要數得出好味既甜品少之又少。呢間京都抹茶屋位於黃竹坑 One Island South，Target Customers 都係黃竹坑區上班一族。好少人會特登走去食。我無理由放棄呢個機會試下。正常既甜品鋪開門時間都係夜等d人食完個晚飯先再去決戰甜品，但呢間野就背道而馳，夜晚7點就收工喇。

大盛日本料理 (人山人海日式料理)

人均消費：HKD$40

我成日周圍咁去食野，你可以問邊間最好食，最好食都係相對。觀塘區自重建後已經無左好多好食既地方，就好似新南苑，全部都死於重建。不過點都好，無乜野食都總會有DD好野食。觀塘道近年最多人排隊既食肆，大部份係日式。佢咁成功，某程度上係佢market 做得好。因為佢用一個平既價錢去吸引你，翻單仲有9折，所以成日都有好多人排隊。

我平時行過或坐車經過，大盛長年都好多人等位。今次專登揀係下晝兩點幾入去，係因為真係想試下佢有乜板斧，我先叫左個文魚壽司同豬軟骨拉麵，一食左個三文魚壽司就知佢點解成功。

今次推介食物 ─ 三文魚壽司 ($18)

永樂園餐廳 (特式熱狗)

人均消費：HKD$13

中環食熱狗，都係要搵老字號。永樂園係中環生存左成三十年，我由細食到大，一隻狗賣到$11隻。好担白，貴。你試下同IKEA 比較。價錢貴人咁多，香腸都係用最普通既香腸，又唔係用脆皮腸。但同你講，$11隻狗，我都會幫襯就只因佢有特式醬

佢既特式醬，我真係食左好多年都係諗唔出佢用咩特式醬。有諗過佢用沙律醬再加千島醬。台灣美奶滋我都有諗過。但真係好好食。

所以記得叫多醬，包你一試難忘。

香滑咖喱屋 (隱世咖喱)

人均消費：HKD$48

有中環嘉咸街街市有一些大排檔，呢D大排檔習慣自己公雞碗作餐具有好多地盤佬同上班一族都係度食Lunch，轉角位一間叫做香滑咖哩屋的咖哩屋。門面唔係好大，但野食都唔錯。Lunch 就包一大兜咖哩 + 一碗飯 or 一塊薄餅。一個Lunch 一定夠。

今次推介食物 ─ 海南咖喱牛腩

他們的咖哩汁一大兜，牛腩同巴東牛一樣煮法，好腍，但又唔多根，仲要一d都唔少野，有好多件。再講咖哩汁係辣但唔香椰子味。佢既整法有少少唔似正宗印度既整法，佢偏向香辣果面。我話晒都食得下辣既人，呢個海南咖喱牛腩飯，超正。同灣仔新景園既咖喱唔同。各具特色。

海南咖喱牛腩 $48

你可以選飯或薄餅

Menu

好：咖喱係同印度咖喱有DD分別
壞： 以中環呢個價錢就貴左少少

光顧日期：23 March, 2013

地址 : 中環嘉咸街7號地下
Openrice : http://www.openrice.com/restaurant/sr2.htm?shopid=21316

巴希雅海灣重慶燒烤 (串燒 BBQ 任食)

人均消費：HKD$150

有時聽人講話大尾篤有間串燒BBQ 任食，等我入去會一會佢。佢位處龍尾灘，即係仲有一個站就到大尾篤。相信大家踩開單車既人對大尾篤呢三個字都唔會點陌生。

大尾篤有間叫燒烤王，開左好耐，收費仲係$100左右，但呢間巴希雅仍然收緊$150/位，仲要係好多人係入面燒緊，心諗任食BBQ好似貴左少少。我坐低3分鐘唔夠佢就拎左個煲蜆出黎就話4個人1煲，8個人2煲。佢仲提我個爐好熱，D野好快就熟，之後個哥哥就走左去。蜆無沙

回味無窮印尼餐館 (辣爆印尼菜)

人均消費：HKD$49

如果大家去過荃灣但唔知路德圍係邊呢，咁等同無去過荃灣，路德圍一帶都希好多野食，但一條友想搵間平平地既餐廳，加上今日有少少想食辣。咁就Search 過，呢間連u travel 都希講下，我當然會try try 啦。平時食下星洲炒米，炒貴刁。都係辣辣地，去譚仔我都會叫大辣。今次就試佢個招牌黃姜飯。食完，我可以同你講，我都要飲好多水。所以大家都係食得辣之人不妨一試。

講下我今次食既招牌黃姜飯，入面有炸雞中翼、巴東牛肉、黃姜飯、辣椒、青蔥、肉粒等等。我見到上檯一刻，再諗起$50有找，即時覺得好抵，話晒個份量係1.5個人既size。完全夠食。佢好重椰油味，咁就唔係個個都受到。

黃姜飯 ($49)

明洞Express (平民韓國Feel)

人均消費：HKD$57

成日聽阿豬媽講韓國點好點好，又睇埋睇埋好多韓劇，入面d野食好吸引，點都想去食下。走過去尖沙咀金巴利道，成條街都係食韓國野。本住$70都可以食得好既心態，眼見呢間野都有唔少人排隊，咁就會一會佢。

Chocoholic Cafe + Bar (蘇豪心太軟)

人均消費：HKD$59

甜品從來都係女人恩物，無論減緊肥增肥都會食。首次推介都要搵間好野。

Chocoholic Cafe 顧名思義都係食朱古力，所以選擇就唔係好多，「馬卡龍」都有得食，但「馬卡龍」較多糖份，所以無Order。裝潢方面就不過不失啦。如果想有好Service ，千祈唔好夜晚去，食Tea 時間就Perfect。事關佢只Serve 你一檯，仲要個Cake 係即整，俾15分鐘佢就整好，熱辣辣送上。

新記餐廳 (名人芝士撈公)

人均消費：HKD$41

尖沙咀想食D特式野，有時真係要好俾心機去搵，同埋要快，仲要驚佢執笠。如果間野真係好出名咁就例外。今日去左香檳大廈搵野食。之前就係因為去星座冰室時發覺呢間野，佢有好多名人去過。睇佢貼出黎既明星相就知多人去過。

呢間野出名既係芝士撈公同大埔既源汁源味都係出名芝士撈丁，佢兩間都係出名多芝士。好，講番呢間先，佢賣緊都係$41，以尖沙咀個價黎計就中中啦。佢一來個location 唔係好顯眼，二來佢真係唔多配料。

豬頸肉芝士撈公仔麵 ($41)

我叫左個豬頸肉芝士撈公仔麵，一個公仔麵+4塊(燶邊)豬頸肉+1大灘芝士醬。

老點 (旺角中價點心)

人均消費：HKD$69

自添好運摘取米芝蓮一星餐廳的時候，即時造成點心熱，市面上出現各花各門的點心店，每一間餐廳都要配上獨特的佳餚，離唔開賣相、裝修、選料、廚師手勢。今次呢間叫老點。

有D會仲會做好多Promotion，我都係俾佢既相吸引去幫襯，佢d相真係影得好靚，因為賣相真係好得。不得不讚佢賣相靚，就算低B相機影都唔會影出唔靚既相。佢都係一間新店，用tailor made餐具，有埋間野名，不過不失啦。

選材落功夫，選用價格檔次較高的黑松露、魚翅、蝦、帶子瑤柱，等海鮮，但鮮味就唔係好夠。呢間野可能無相熟海鮮供應商。

Cafe Idea (貓貓Cafe)

人均消費：HKD$70

唔好睇見隻貓就估自己去錯blog， 無錯，呢間係cafe。去Cafe 就係你同我都一定去過，都係洗幾十蚊，玩下大富翁，飲杯coffee，同朋友吹下水，hea半日。我平日都好經常係旺角出沒，但餐廳食黎食去都係果幾間，想推介又驚佢執(話晒宜家D租咁貴，分分鐘三個月未到就執左)。今次講既都係D樓上cafe，有貓玩，有野食。

呢間野都叫推介，話晒大家有時唔知去得邊，咁上cafe hea 下，旺角真係行到唔想再行，同朋友出街又唔知去邊好，上去搵下小貓咪又幾好，話晒乙水得人開心。

去Cafe 都係預左D野食唔係好好架喇，所以我都無抱任何期望，今次寫出黎純粹想介紹間特別Cafe 俾大家。

貓貓一號

日月星快餐 (窮人雞脾)

人均消費：HKD$23

之前同朋友去到九龍灣，食黎食去都係360, McDonald's, 吉野家，韓食家。食到好悶，即時諗起就撥個輪俾朋友，朋友推介我食呢間，俾佢左呢間野個地址我，我開埋google map ，佢都搵唔到係邊。唯有問路人，原來係橫街入面，心諗個friend 會唔會老點我，點我入後巷。但一入到去就知係好野，條人龍長到呢，仲以為唔洗錢派。

再望左兩眼個餐牌，有90%野食係$35有找。真係真係好q平，就連IKEA 食個肉丸差不多既價錢可以食到個飯。

咁終於明白點解咁多人，仲要好大部份人係叫外賣，好少人堂食(堂食好少位)

今次推介 ─ 脆皮雞脾飯 ($23)

第一腸粉 (腸粉米芝蓮)

人均消費：HKD$19

睇米芝蓮搵野食，都有少少保障，我自己本身都幾鐘意食腸粉。香港既腸粉有兩款，一款係即包，一款係來貨。即包其實同佐敦堂記差不多，都係獨sell腸粉。第一腸粉都仲有其他野賣，好似粥，蒸飯和小食等。但你都知，佢出名既係腸粉，所以其他野就可免則免。宜家都過左米芝蓮公布期一排，所以唔洗好似添X運咁等位。

蜜汁叉燒拉腸 ($19)

小白鷺餐廳 (小鳥與風)

人均消費：HKD$118

有次個朋友無啦啦問起入唔入大埔食扒，我一口就應承左，個朋友今次仲開埋車黎接我，我心諗，洗唔洗。跟手直入大埔。我眼見佢架車係大埔道行左好耐都仲未到，係某個彎位轉入，再行。我終於明白點解唔係好多人入黎，因為無巴士直到門口。我個Friend 仲話佢Book 左In door。話晒呢期都凍凍地。

呢間野就真係要Book，事關場地雖大，如果touch wood 有好多人都book 左in door，咁就大鑊。我首先要承認今次絕對係食環境多過食野。你睇下個View 先講，因為真係好relax。

Indoor

吉豚屋 (新一代吉列豬扒專門店)

人均消費：HKD$52

2013年第一餐，點都要食d特別野先至令到自己無咁悶，今次我就去左淘大商場既吉豚屋，佢係香港第一間分店，之前開張時都有好多人排隊，臾今次就去食左兩個Set，一個係野菜豚肉定食 and 滑蛋吉列豬扒飯你可以揀大中細個價錢又唔同。其實正常人食個中既已經好夠。

今次推介 ─  野菜豚肉湯定食

個炸豚肉先係正野所在，事關出面餐廳食野炸豬都用上各式既炸粉，有時都幾厚身，分分鐘厚過豬扒肉身。但呢間野既好在於佢既炸粉好鬆化，又唔太厚，再者唔多油。佢既炸法都幾新穎，食炸豬扒有時真係要搵專門店。有錢就當然食丼吉，唔多錢就可以食呢間。想有咁多野加埋一齊既炸豬扒，只係$59，一d都唔貴。

野菜豚肉湯定食 ($59)

拉麵Jo (未發績正拉麵)

人均消費：HKD$72

revised 8-Dec-2013. 恭喜拉麵Jo榮登2014米芝蓮推介食肆，相信大家之後去食都要排下隊

加路連山道，好多香港球迷都會行過既一條街，但大家可以會幫襯過街口既丹麥餅店食豬扒包，我今次就search過，呢頭都仲有一間叫"拉麵Jo "既日式拉麵。如果你想食好味既拉麵，呢間一定會係你新既選擇。事關，佢既拉麵一定係tune過，幾arm 香港人口味。(因為日本拉麵係比較油膩，但佢又唔係好油膩，仲唔係Tune 過就香港人既口味)

拉麵Jo豚骨湯叉燒拉麵 ($72)

泰潮 (深水埗米芝蓮)

人均消費：HKD$43

我有時懷疑D外國人有無去過泰國食過海南雞飯，如果呢間都有推介，泰國求其一間都係一星餐廳。我唔係話呢間唔好，我只係話一個食雞既民族係咪仲好食姐。泰潮其實都好食。佢係好食。但唔係雞度。而係青瓜度。

青瓜先係佢既selling point。事關食野前佢俾D開胃青瓜你，跟手你就覺得好肚餓，一肚餓就想食野。

圓華薈廚 (寧靜汀九全相)

人均消費：HKD$130

一間餐廳好唔好，一係Service，一係Environment，一係Food。如果三樣野加埋一齊都係好的話，想平，係Impossible。今次細佬又係食個environment。今次開餐廳有個View  可以睇晒汀九同荃灣西一帶全景。夜景一流，日景就算。搵個靚景座

Monster Sushi (知慳識儉食正Sushi)

人均消費：HKD$90

其實我都唔係好想推介連鎖式金肆。呢間野係吳彥祖開，所以我都唔想點講野。但點解都寫出黎既係我呢餐，兩個人食，$180埋單。

無錯係$180兩個人食日本野，有帶子，有牛舌，有刺身，有蜆。講左咁多野食，都係$180埋單。事關有Openrice 宵夜 Coupon ，正價$250就平$100，我就計到盡，食左正價$260左右，埋單減$100，原價加一，咁就$180。

分享下，首先，搵晚9:30pm 先食野，最好約1位「貧友」，落單，時計一計幾多錢，計到$250，就可以收手。個Logic 就係咁簡單，食又唔洗一定食元x。

我Post 晒d 相出黎俾大家睇下。整體上都幾好。

大大帶子(正)

賣豬仔特式燒烤坊 (貴價脆皮燒臘)

人均消費：HKD$95

深水埗青山道一帶都有好多又平又正既野食，今日就去到燒烤坊，一心諗住食平野，又唔係帶左好多錢，點知呢間係貴野，我一行三人，只係叫左三碟普通野，就已經差唔多$300，我望一望銀包，原本都無諗過咁貴，算啦。食左先，如果好食既都叫抵食啦。

第一味就係今次推介 ─ 燒香蒜茄子

蒜蓉茄子，佢既好處係D蒜蓉真係好蓉，溶晒落條茄子度，條茄子超級入味，加上佢燒既時候唔知用左咩方法，佢又唔係好濃味，味道剛剛好，條茄子依然唔乾身，仲有D汁流出黎。大細方面就細D。佢將原條茄子一開二，但條茄子都唔係大條果隻，所以超唔夠食。

星座冰室 (尖咀地庫一點茄)

人均消費：HKD$31

尖沙咀，係香港人都一定去過，或者將會去既地方，但香檳大廈位於尖沙咀，又唔係好多人去過，事關你唔係專登去搵，應該都係未去過。其實，香檳大廈都有兩間出名野，一間食芝士撈丁出名既新記餐廳，另一間就係出名番茄牛肉麵既星座冰室。係尖沙咀要搵到平野食真係要周圍Search。

蕃茄牛肉+雞蛋撈麵，有四樣野：
1)蕃茄醬          - 唔酸，超Surprise，新鮮蕃茄，甜甜地
2)牛肉              - 腍，軟，唔多根
3)雞蛋撈          - 蛋香，蛋花增強個層次感
4)出前一丁      - 撈完雞蛋，麵身都唔太腍。再加上麻油，我真係想問下佢點整。

蕃茄，講兩個字，你第一時間係諗個酸字。正正係我今次推介既原因。一般蕃茄係酸，但靚既蕃茄係唔酸。我已經分析左呢間野成功之處。佢用新鮮蕃茄黎整餉濃蕃茄湯，加上足料林牛肉，香雞蛋花，配上出前一丁麻油麵。每一口都係蕃茄汁及蛋花。超正(applause)

佢將咁多好野結集埋一碗麵，妖$31，一d都唔貴。(love struck)

蕃茄牛肉+雞蛋撈麵 ($31)

彩龍茶樓 (山水茶樓)

人均消費：HKD$35

假期放假悶悶地，唯有留港消費，飲餐早茶，行下山，食個Tea，睇場夜晚戲，really 充實。咁又一日，今次唔知抽起邊條根，晨早8點想飲山水茶。上川龍係不二之選。飲用山水茶，D茶都好飲D。

想去川龍飲茶有個局限條件，就係睇住營業時間。佢由朝早5:30am 開到下晝3:30pm，但你預朝早11點幾就無野賣。所以要去食野就要早去。

再講點去，一係就小巴80號由荃灣(近兆和街)上。一係就行山上，路有兩條，一條由圓玄學院，一條由大帽山。最快就當然係坐車。

川龍既好處就係你飲完茶可以行下山，逆行去圓玄學院或大帽山都可以，啱晒食飽又唔想肥既人。

彩龍茶樓