日和號 (足球小將主題壽司)

人均消費：HKD$48

限定日期：8月10月

足球小將都係一群80後細個時追看既漫畫，戴志偉永遠都係神級人物。所以今次聽到有間餐廳夠薑做足球小將既主題餐廳。我又點會唔去呢，話晒MegaBox都唔係好遠，去到，日和號成間野都好似為左足球小將而設，D布置都做到好足，有特式Menu列車，車箱，餐紙，餐巾，紙牌公仔乜都有。未食已經開心死左，好入左去就有如罝身足球小將歷史館。

平時成日行街都會經過，佢Sell壽司，仲有宵夜Discount，但都唔會入去，如果唔係今次去左，我都唔知幾時會去。因為佢宵夜做買一送一，平時就無咁平。我呢D窮人都會睇時機先去幫襯佢。

呢餐好明顯係俾部相機食飯多過俾人食飯，見到佢有個足球小將Menu，但一D都唔吸引。我只好睇番正常Menu，一個Lunch Set $58(包一個主菜+個手卷同杯野)貴就真係唔算貴，話晒都俾左咁多野食出黎，呢個份量都夠1.25個人份量(big hug)。手卷隻炸軟殼蟹係凍既，佢既野食係超一般，你以和亭Quality。

軟殼蟹手卷

The Flying Pan (24小時營業蛋店)

人均消費：HKD$95

The Flying Pan 其實中環同灣仔都有，今次食完全係因為飲完酒轉場，想搵d野食，咁arm 上forum search 過，呢間The Flying Pan 係出名食蛋仲要係24小時營業，適合夜鬼。我地話晒都想搵個地方吹水同食野。眼見都有好多食Post 話班尼迪蛋好食，但我呢d乜都會試一餐既人，都係食個Omelette，試下同Comment 下。

我一行三人去食，我朋友都叫左班尼迪蛋，但我就叫左個牛柳奄列+牛角包+豆+蕃茄湯。呢度個奄列都唔係好蛋Feel，可能外國人對蛋既要求唔同啦，佢地既蛋入面都加左d芝士，令你食完個All Day Breakfast都唔會好肚餓，話晒d芝士都好膩，所以飽就一定夠，但我就覺得個蛋都唔及日本人整蛋方面，不過之一個Breakfast黎計都ok。個蕃茄湯先係好野，你係香港飲既蕃茄湯一般都好hea，但呢個蕃茄湯好足料，蕃茄係用原個蕃茄打碎再煲，好多雜質，好有口感，下次不妨一叫個蕃茄湯。

Philly Omelette ($86)

Trafalgar (可食煙酒吧)

 人均消費：HKD$60

一間酒吧有乜好寫，其實間間酒吧都係咁，但我又點解寫。我相信大家唔洗我講都知室內禁煙，尢其落得酒吧，多數都會扯番支煙。呢間吧有戶外部份咁arm fit 到室內禁煙條例下既50%外露。所以都有唔少灣仔上班一族上去飲野。佢落雨都唔怕，因為都有伸縮帳篷，日曬雨淋都可以繼續。呢個係我都buy佢既。

有時酒吧係叩都叫一兩杯野就算啦，呢度Happy Hour 都係$60連加一，咁都ok，你同朋友去Cafe 吹水有時都要呢個價。佢仲耍送埋花生，但佢既花生唔同Inn Side Out 既，呢間唔洗剝殼，可以即食。所以都唔ok。

有時窮都要用錢，用唔太貴既價錢可以enjoy 到正野，咁就係我呢d窮人要周圍Search野既Result。

花生 (Free)

三洋餐廳 (濃鮮魚湯)

人均消費：HKD$36

湯飯其實大家都唔會點陌生，好多餐廳都有供應，但會唔會係佢既Special就另作別論。今次去既係三洋餐廳，呢間橫睇掂睇都係一間好普通既茶記，但佢既有Heart 之作，咁就令我幫襯佢。原因在佢既湯飯皇食完有乜好。有維他命ABCD，又乜蛋白質，維生素B，仲可以防止高血壓。睇完想唔幫襯都唔得。

我專登影埋張相出黎，費事話我鳩嗡。所以我都叫左個鮮牛肉+鮑片+莧菜(湯飯)，佢既肉都尚算腍，佢既莧菜份量真係好多，如果以$36既Standard，佢又真係好夠。加上佢個飯係另上，佢俾d飯都係d硬身少少既飯，等你自己浸湯定齋食。好窩心。(tongue)

佢個湯先正，really用魚湯，油都唔係好多，我原本唔諗住落晒d飯落湯度，但佢既鮮味吸引到我將飯慢慢落湯。我食完個飯之後，我飲晒成碗涉，因為好似屋企煲既生魚湯。咁先好。(thumbs up)

丸亀製麵 (靜過自修室)

人均消費：HKD$27

成日講野食，有時都係要從多角度寫野。宜家作為打工仔，三餐都有問題時，都要讀書進修。成日Pacific Coffee，Starsbuck，Caffe Habitu都好多人係度溫習，買杯野，坐一日。今次我去左iSQUARE既丸亀製麵，佢Sell讚岐烏冬，前排仲好多人，不過重點係宜家無咩客人，好多人見到都唔入去。去呢度好過去Cafe，分分鐘靜過自修室。

成個尖沙咀，你以為俾強國人佔領左，佢地佔領既咪又係許留山，老麥，星巴克；香港人又怕左強國人，所以都唔係好想出尖沙咀。但iSQUARE尚未被佔領，有間丸亀製麵，佢又唔係好多客，少細路，又自成一角，唔會有人嘈，絕對係溫習好地方。我今次消費都係$27，叫左麵烏冬，坐左成個下晝，咁仲唔夠皮咩。

仲有，佢有提供免費清水任飲，有熱同唔凍，要hea一個下晝絕對係唔錯既選擇。

富山麵家 (Bathing Ape主題拉麵)

人均消費：HKD$95

限定日期：8月3日至18日

呢期D人仲係咁講話食一蘭，細佬已經係開張一周內光顧，發覺先食先開心，今次都唔例外，見到有人Post 左出黎富山麵家同Bathing Cross Over 搞拉麵，我見今日係第一日，我又點會唔食啦。話晒Bathing Ape 咁多年都咁受人歡迎，而IT都收歸旗下。可見Bathing Ape既吸引力。今次呢個Cross Over係期間限定兩星期，過左就難有Special Bathing Ape 既Display。

今次食既富山成間野都好似為左Bathing Ape 而設，牆、餐具、紫菜皆為Bathing Ape，好入左去就有如罝身Bathing Ape 專門店。環境：(thumbs up)

內容，富山拉麵東京拉麵祭最強銷量拉麵勇奪第一位，我當然會試下。咁我自己一定會比較下佢同正宗日本拉麵既分別。正宗日本拉麵既特色係比較油膩，麵身較粗，一隻溫泉蛋開邊。睇番下圖，條拉麵都幾粗身，加上個湯都有油油地，食落就更滑，佢麵身比較硬身，有咬口。講埋舊叉燒，肥瘦好均勻，Good。(kiss)

但佢都有敗北之處，就係佢無得俾個客人自己揀食咩麵質同油度。如果有得揀會更好。(waiting)

豚骨蒜頭拉麵 ($85)

民華魚蛋粉麵 (大件All Day Breakfast)

人均消費：HKD$28

香港宜家今時今日，想食好野平野真係好難，但我呢D窮人唔周圍格價都點得。今次就朋友帶路去左大埔食，一間民華魚蛋粉麵。我第一口問朋友就係呢間野同民聲冰室or翠華茶餐廳有無關，因為民華，由以上兩間皆取一個字。朋友就話無關。但我一叫左野食就知完全無關。我同朋友各Order 左一樣野食，火腿炒蛋多士+沙嗲牛肉通 & 魚蛋河。我仲串朋友咁細食。但當兩樣野上檯，我即讚。

今次推介 ─ 火腿炒蛋多士+沙嗲牛肉通

火腿嫩炒蛋厚多士+沙嗲牛肉通(用秘制沙嗲醬)至真，逐樣逐樣黎。炒蛋有人兜鑊或者用鐵板煎，嫩炒蛋最緊要就係唔油，呢間野一d都唔油。再講件厚多士，佢既厚度成半樽牙簽咁，你話有幾厚(我用埋比較，等大家睇得清楚一d)。沙嗲牛肉通個精髓在於秘製沙嗲醬，佢絕對唔少，食落既香，辣同咸都有齊。如果唔計咸既，真係好正。(所以我Suggest 唔好用晒d醬)

嫩炒蛋(thumbs up)
厚多士，夠厚(thumbs up)
秘製沙嗲醬(唔好落晒)(hypnotized)

↓火腿炒蛋多士+沙嗲牛肉通 ($31)

咖啡弄 (台灣甜點名分店)

人均消費：HKD$60

(Revised on 2013年9月25日)

咖啡弄係台灣幾出名既食店，今次佢黎去香港試業，佢試業都已經試左好耐，由今年初開始至今都成半年，佢依然好多客人。我星期日就排左兩個鐘，所以大家下次想食就最好約多幾個朋友一齊去排隊。

攻略
人數：
建議同行人數為4人。食同等都開心點。
排隊：(由9月2日起可以部分拎飛)
兩pair 朋友去食 (4個人)，每pair 朋友輪住排隊或行街，每更45分鐘。大約有位時以電話急Call。(拎左飛之後，每半個鐘返去1次Confirm 仲要等幾耐)
落單：
每人都要Order一杯野飲(無論有否Order 野食)，咁4個人，每人一杯野飲，可叫曼特寧咖啡，台灣花茶又或者水果茶，再加2客鬆餅，每人約$80埋單。
一個鬆餅有4件，每人2件剛剛好，3件都over左。2 Set 鬆餅有2款口味，所以人數最好係4個或雙數，如果2個人去就只係試到1款口味。
又或者同佢用(香港法例第362章)《商品說明條例》同佢講，叫野食都已經過左最低消費，咁就可以用$60埋單喇。

今次推介 ─ 紅豆抹茶冰淇淋鬆餅

個Set 有4件鬆餅、抹茶冰淇淋、紅豆茸同Cream一舊。佢即叫即整，上檯唔會好耐，佢上碟時件鬆餅仲係好熱，面層同底層都好脆，中層軟。食完之後，你唔會食得番出面$13底格仔餅。因為熱食+脆。仲有食熱鬆餅+上凍雪糕又係另一種層次，冰火交雜。可以將奴綠茶雪糕加快係口腔溶化。

紅豆茸係好棉，食落係D紅豆味係個口度慢慢滲出黎。佢個紅豆茸唔係出面買，係自己將原粒紅豆打到茸咁，你可以從佢既顏色度睇到佢係好足料，上不碟時加左半粒栗子，未食先滿足你眼睛。

個Ice Cream 就唔洗多講，佢都係自己整，你睇下佢色澤就知，買番黎既綠茶雪糕一定會更綠。不過未見特別濃綠茶。

我一路都話甜品要甜但唔可以膩，鬆餅可以溝淡紅豆茸同綠茶雪糕既甜。正。一膩就就Over左，你就好似食左舊方糖落肚。佢個鬆餅既好處係你依晒都唔覺得甜。勁好野。(love struck)

紅豆抹茶冰淇淋鬆餅 ($54)

Black n White (大角咀Coffee Shop)

人均消費：HKD$38

我同好多打工仔一樣，一日唔飲咖啡，一日都唔精神。唔返工都要飲番杯。平時已經成日飲Starfuxk or Pacifxx Coffxx，每日都要$35~$38杯，但都係一般野，大家都無say，照樣日日進貢。放假時，我都要搵間好野飲，咁就去飲下，of course 飯後一杯。出面街宜家成日都拉花，加朱古力粉乜都有。今次上網見到大角咀都有間幾靚既Coffee Shop。

佢都係落單俾錢之後等號碼，咁等號碼時佢會俾個打蛋器既物體俾你，咁就幾靚，原來係個號碼牌，好Cute。我掛住影個牌都唔知等左幾耐。

我叫左杯黑白咖啡佢其實可以分開做四職，第一層係63度Dark Chocolate，第二層係咖啡泡+奶，第三層係咖啡糖，第四層係齋啡。第三四層都好滑。其實第一層可以篤碎佢，咁d Dark Chocolate 就可以俾你慢慢咁飲。

有時飲下齋啡，苦苦地，都幾有Feel，大家不妨可以試下。

黑白咖啡 ($38)

田記食館 (淡味龍蝦粥)

人均消費：HKD$50

剛剛睇完飛虎出征，講起食蟹粥 ，咁我又想食蟹粥 ，所以就search 下，邊度有好食既蟹粥，朋友就話大角咀田記。佢話食一鍋$80~$90好好食，咁我當然信啦，話晒都問左朋友。我去到左先上openrice 再睇多次有咩好食。但原來上面無乜人寫comment。只好信朋友，我就叫左個龍蝦粥同椒鹽九肚魚試一試。

我打BLOG，好食或唔好食都會打，目的為左提下你，提左你都去既，都係你既Choice。今次我食個龍蝦粥，佢又好足料，有成5舊龍蝦，佢仲有蝦膏。一d都唔少野，但殼多肉少，想食肉既就唔好黎喇。(crying)

生滾龍蝦粥 ($45)

豚神 (MegaBox Ramen Food Court)

人均消費：HKD$68

之前食過佐敦恆豐中心既拉麵Food Court。MegaBox 曾志偉又搞一個。上星期做緊半價，但因為太多人，搞到我見到都唔想排隊。唯有今日先去食下，佢話晒都有成六至七間拉麵店，去到應該會揀到。但一入場，我已經有Hard Feeling，就係佢派張購身卡，提醒我置身於Food Court。即時扣晒分。

我個人都黎到，無理由唔繼續食啦，我行左一個圈，好多間都係Sell 個叉燒，但我行左一陣都唔覺得D叉燒賣相好正，咁我今次揀左間食豚肉。話晒佢間間個Display 都係一樣，行完都唔知邊間打邊間，呢個好明顯係佢既Marketing，令人花多眼亂。我就揀左間豚xx叫左碗豚骨醬油拉麵。

講下個環境先，直頭係一個Food Court，你東叫一碗西叫一碗咁，但Overall 新都仲OK，不過欠缺小店特色。一般上你都唔會有特式既擺設，唔會見到個師傅。如果你真係拎得起多少少錢，你絕對可以食得更好。

再講碗麵，我就揀左間豚xx叫左碗豚骨醬油拉麵。點解我咁強調，因為你入到去，間間野同碗都係差唔多，你唔記住個名，係無可能搵番你想食既野。個麵身係粗身，似日本既拉麵。醬油，唔太咸。豚就半肥瘦，正。蛋只係半生熟蛋。不過不失啦。(applause)

豚骨醬油拉麵 ($68)

吉田日本拉麵 (香港仔平價拉麵)

人均消費：HKD$18

好耐無咁去幫襯拉麵小店，今次入到香港仔，見到Tea Time 半價，我即上openrice search 下，原來佢都有人食tea，原因得一個，就係平。有幾平，大部份拉麵都係$25有找。宜家想食個拉麵仲可以係$25有找，我都唔知可以講乜。

講下野食先，我叫左個湯餃子拉麵，有麵、海苔、粟米、日本魚蛋同大大隻餃子。$18個麵，佢用既調味係用麻油，at least 唔會太難得。但個麵身既色澤就差左少少，唔係好黃色。(at wits' end)

但個餃子有surprise wor，估佢唔到咁都有3隻，仲要唔細隻，成隻湯匙咁大，一d都呃錢。份量都要唔細，午餐未食既我一次過飽足兩餐，正。(drooling)

湯餃子拉麵 ($18)

金寶甜品 (百搭甜品)

人均消費：HKD$48

平時大把人喜歡飯後黎個甜品，九龍城就係一個甜品聯合國，想點食就點食。我今次同三位朋友係九龍城食過飯後就hea 下，今次就碌左入間叫金寶既甜品舖，事關呢間野好在閂門時間係一點幾，仲有時間食個甜品宵夜。講到九龍城，野食真係唔少，飯後一個甜品，簡直係錦上添花。

甜品舖其實有時都唔係幾有創意，set  好晒咩甜品就之後跟住整。九龍城既甜品舖其實一早已經諗左好多新idea，又會有d諗頭好似食得健康。

好似今次咁芭菲佢有好多種口味，但口味一般偏淡，佢就諗得好細心，因為淡味芭菲加上咖啡果凍，咖啡味濃，突出咖啡奶香。我地今次就叫左個豆乳味芭菲，豆乳芭菲既滑又唔濃，食完我即時想飲盒3.6牛乳。因為超滑，比起雪糕更perfect。

咖啡果凍芭菲(配豆乳芭菲) ($42)

泰發泰國餐廳 (野食好服務差)

人均消費：HKD$130

又係去九龍城食泰國野，今次朋友好醒目咁上openrice 搵左間餐廳，早一日打左電話去Book檯8:30pm，心諗，無死啦。好少何星期六可以book 到咁既時間，開心到好似中左六合彩三個字咁。一晚之後我對佢既服務打左個一折。

我地8:00pm已經到左，唔好預到咁準時啦。就同個門口泰國Waitress講到左。見佢咁多客，我好大方咁講，8:30pm左右俾檯我地都ok，佢即回覆，電話Book 左同Walk In 客一樣要拎飛等。我即時ABCDEFGHIJKLMNOPQRSTUVWXYZ佢。你無得Book 檯扮有得Book檯，我火都黎，因為約左朋友去，所以繼續等。(angry)

好在有等落去，佢既野食真係唔話得。

今次推介 ─ 泰式什錦拼盤(thumbs up)

因為同朋友去，所以成個拼盆我都唔係每樣都食晒，佢有雞串、蝦餅、蝦餅拼皮蛋、春卷同埋一樣唔知咩野。其實成個拼盤差唔多樣樣都好好食。全晚最好食就係佢。

雞串：一個字，滑。另外佢係有燒過，但一D都唔燶。
蝦餅：佢唔油，面身脆，唔係即炸好即上碟，佢都驚你熱親個口。
蝦餅拼皮蛋：未食時會覺得好怪，因為皮蛋味唔係個個都頂到。但一食過呢倨之後又覺得好夾。加上整法方面係釀左隻皮蛋落舊蝦餅度，蝦餅已然好好食，再加上熱皮蛋。師傅炸法真係唔錯。
春卷：出面泰式春卷都係蘿蔔絲，但佢用既係粉絲，好入味。正。

泰式什錦拼盆 ($128)

一蘭 (濃豬骨湯拉麵)

人均消費：HKD$89

銅鑼灣人成日都話都食拉麵先開心，見到一蘭落戶香港，即時想去一試，佢仲要24小時開放，食材仲係日本空運到港。無理由唔試下。日日睇Facebook ，已經有朋友食左，仲話要排幾耐幾耐咁，終於俾我知道點食一蘭係唔洗排隊既時段係星期一至五7:00am-10:00am，我就見今日係書展第一日，食完去行下。聽聞之後既食材會係香港製造，所以如果想食就要襯早。

先講差既野先，其實都有幾多樣(broken heart)
1) 一蘭佢出名既野包括半熟鹽煮蛋、黑木耳、醋、紫菜全部都要加錢，唔加錢都要$89埋單，加埋要過$100。
2) 麵底超細碗，一個正常人根本係無可能食得飽，你預要食兩碗先夠飽。
3) 叉燒得兩小片，係超薄片，仲要唔香豚味，如果俾三四片都好少少。(可能想話你知師傅刀功好....)
4) 個Layout好似自修室咁，好難同朋友一齊有傾有講，不過日本都係，所以算。
5) 香港既一蘭唔同日本有部自動售賣機，要係填紙仔。
6) 以一個咁既價錢，想碗好既拉麵係香港有大把選擇。

咁都有咁多人食，佢都一定有佢既原因。好似佢個極濃豬骨湯，佢一食落好似好咸，但佢係用濃豬骨煲成，唔係用味精。我食完兩個鐘內，都唔覺得要勁飲水。個湯又濃，又香，又滑。入口唔油膩。正。佢應該係sell 個湯底，其他野可以去第二間食。(applause)

湯的濃度、油膩度、香蒜、蔥、叉燒、醬汁、麵的硬度全部都可以有得揀，你可以就住自己既喜好去揀。

另有指南教你點食，好細心。(cool)

一上檯賣相好普通 ($89)

金田長壽司 (新鮮大件壽司)

人均消費：HKD$77

尖沙咀區一向食日本野都唔會平得去邊，但要搵間大件夾抵食就難上加難。今次我去左金田長壽司，佢個名係「金田   長壽司」，出名既野就係長壽司，仲有佢收得你$10，真係俾番$10貨你。我今次一行兩個人，所以叫野唔多，因為佢個Menu 有圖片，佢既圖片唔係寫僅供參考，而係寫圖片大細乃實物大細。再望下隔離檯，佢叫左個巨型火山卷，我都諗住叫，但本住試多d野，我就叫左2件八吋三文魚壽司同一客珍寶帶子皇壽司 (兩件) 。試下佢個刺身。

佢唔好處係限時個半鐘交檯，佢上菜都好快，驚你唔夠時間食。好彩係我趕住睇陳奕迅演唱會，佢唔吹我交檯，我都唔會坐得耐。

今次推介 ─ 珍寶帶子皇壽司

先講個珍寶帶子皇壽司先，隻帶子好大隻，佢大細都有成兩個$10銀咁大(見下圖)，一啖當然食唔晒，入口都好新鮮fresh。正(love struck)

八吋三文魚壽司其實都好長同肥，佢收$12，真係俾足$12既貨俾你。(tongue)

八吋三文魚壽司 ($12/件)

美食軒快餐店 (30蚊有找茶餐廳)

人均消費：HKD$29

今時今日想用$30食到餐飯，真係有少少難度，我問個住禾輋既朋友，佢話佢屋企樓下長期都可以用$30一個人咁食飽佢。我今次入去沙田會一會佢。據朋友講，個煲係最好食，其他野就差少少。我一去到，見到好多巴士哥哥，仲有d老人家，可見我同佢地差不多，都係窮人。佢地開餐就為左醫肚，我就為左搵多d平野俾大家同醫肚。

講番間野，佢真係一間平既茶餐廳，只可以話係抵食，但如果你想問下好唔好食，我會同你講，醫肚就OK。

一個茄子煲有菜有飯都係賣$31，份量一定夠，茄子汁可以撈飯食。

茄子煲 ($31)

皇之家大姊小籠包 (包餃雙輝)

人均消費：HKD$45

出面食上海野，一係就係名店，小一係就係小店。小店有時係完全唔起眼，但野食分分鐘有surprise。上海菜好食既地方就係菜式比較濃味，同香滑。煮法上係多油。呢個就係Key Factor，其實好多人都知，多油就好食，但新一代唔係好like 油，但又想好食，咁demanding 好難有好野食。今次食皇之家，我叫左三個菜，鍋貼、小籠包同回鍋肉炒拉麵。

今次推介 ─ 生煎鍋貼

鍋貼先勁，皇之家佢好講求賣相，就算係兩隻鍋貼，佢都唔會俾隻大碟你，只會用個細碟，咁睇上黎，好似好大隻，善用對比。鍋貼係出面食時，d肉汁好多時都會俾d舊吸左，今次食皇之家，食落去，d肉汁仲有，仲要熱熱地。皮薄，隻底鍋貼煎得好脆又唔燶，正。

生煎鍋貼 ($14) (兩隻)(thumbs up)

錦丼 (築地風景)

人均消費：HKD$52

去尖沙咀食tea，有時都會以為尖沙咀係唔係得咁少tea食呀。我都搵左好耐，我都唔係好搵到。直到錦丼，佢係isquare 都有分店，呢間野都係叫做連鎖，我都寫，好明顯佢真係好食，我先寫，佢一定係有利申。佢個Lunch 既供應時間係由12:00noon ~ 6:00pm，你可以當係Tea，而佢個Lunch 都唔係好貴(Compare with 尖沙咀)，$50有找。都係咁。

講下環境先，佢有DD似日本築地既魚市場既水牌咁，Show出黎有乜野賣，呢間野一時多人，一時就無咁多人啦。咁都唔係好嘈，都acceptable。

今次推介 ─ 豬軟骨湯烏冬

先講個豬軟骨湯烏冬，出面食頂多都係舊骨呈現膠狀口感非常，但呢間豬軟骨係骨膠狀之餘d湯都係好膠，佢d湯都應該係用豬軟骨煲出黎。食同飲都正。(tongue)

講下個甜品，呢個就真係有Surprise，佢用綠茶粉整既綠茶布甸，好濃郁綠茶味，超級好食，濃之外又唔係好甜，咁都唔錯，不過份量就細杯左dd。整體上都ok。(thumbs up)

豬軟骨湯烏冬+綠茶布甸 ($48)

韓樓 (普通到可以唔去既韓食)

人均消費：HKD$55

近期迷上韓國食第，尖沙咀金巴利道一帶有多間韓國野食，我早前都食過明洞Express，果間都縛好食，所以我就再try 下韓國街既野食。今次星期五晚，想搵間好食既都好多人，我又唔想等，所以就入左間少d人，咁就中伏。我下次都會搵間多d人排隊。

我唔會因寫blog而寫好間野，呢間野我可以一句講晒。"可以唔去就唔好去"

講下我慘痛經歷，我Order 左兩客野食，第一客係雞蛋卷，第二客係水冷面。雞蛋卷都唔係好重蛋味；個水冷面係用d有怪味既冰水浸住d麵。兩樣野都唔係好好食。所以你問我，我只可以話呢間野可以唔洗去。

雞蛋卷佢係有好多層蛋咁整出黎，但衰在蛋唔重蛋味，如果佢收我$25，我都仲可以當係食小食咁，唔係正餐，但最終佢收左我$40。我覺得有d唔值。(confused)

雞蛋卷 ($40)

一樂燒鵝 (新一代中環燒鵝)

人均消費：HKD$39

一樂燒鵝由大埔出名到出左中環開分店，就係因為佢出名既係脆皮燒鵝。我次前都想係大埔試，不過有朋友講話中環好食D，咁我就出中環一試。

我先報憂，再報喜

一間食肆出左名之後就多數會係差左，有句人怕出名豬怕肥，間一樂就中晒。其實係平民食野入面，野食同服務就睇得最重，一樂佢維持既就只有野食；服務態度差到唔敢相信。一句歡迎語都無，檯又唔執。其實間舖都唔係好大間，又多阿姐，就係唔執檯。算。叫野食，一坐低就即問係食乜，我連餐牌都未睇就問我食乜。我都算。(thinking)


今次推介 ─ 脆皮燒鵝飯

拿，佢既脆皮燒鵝really， 脆。就算佢D服務態度點差，我都可以無野。加上，我好耐無試過食燒鵝唔用燒鵝醬。
先講個皮，佢脆。皮面唔係十分油，皮下油脂可以分開。正。(tongue)
肉身，唔係老肉，師傅燒功之高。(tongue)

飯同肉既比例剛剛好，唔over。送飯一流(thumbs up)

我會再食多一次。俾個機會我食好野。

詩餅坊 (西環綠茶甜品)

人均消費：HKD$32

西環係港島上比較西既地方，睇日落係個好地方，星期六日夜假時先坐車入去High 個tea，食件cake，再行出海邊睇日落咁就一日。幾perfect。

詩餅坊我都係上網search 過，近期都有好多人講，我又點會咁執輸，一於會一會佢。

間Shop 有兩張檯同幾張椅。我就坐在其中，我仲諗緊食乜之際，短短三分鐘，有三個客人入黎拎餅。三個都係order左綠茶紅豆蛋糕，兩個仲係原個買。見咁多人買，我即時叫件裝綠茶紅豆蛋糕。

講番件Cake先，圍邊既係綠茶馬卡隆，內層有忌廉、綠茶蛋糕、紅豆。

我鐘意Crossover咁試食
1) 綠茶馬卡隆 vs 綠茶蛋糕 ，甜同綠茶味濃 - 正。(tongue)
2) 綠茶蛋糕     vs 紅豆         ，綠茶同紅豆都係唔夠味
3) 綠茶馬卡隆 vs 紅豆         ，紅豆好淡，馬卡隆好甜 - 正。(tongue)

綠茶馬卡隆先係呢件Cake 既靈魂，但似乎多左d(hypnotized)。佢d紅豆就真係敗北之處。整體上係好食。但應該原個上，佢既綠茶馬卡隆少d會更好。如果你問我，我下次會原個叫，都好似係$250左右。

綠茶紅豆蛋糕 ($32)

順興車仔麵茶餐廳 (超級滑蛋飯)

人均消費：HKD$44

今次我又去有名人食區既大坑搵野食，平時去茶餐廳食個滑蛋蝦仁飯，一係就隻蛋唔得，一係就隻蝦唔得。今次就去順興食，一試難忘，一d生粉水既味道都無。我都唔係好想講咁多，因為順興真係能夠將一隻普通既雞蛋做到咁出色。實在難得。

今次推介 ─ 滑蛋叉燒飯

滑蛋叉燒飯，有4個elements。

蛋：佢做到好薄，有d蛋汁配上半生熟既蛋，一放落口，已經好滑溜，旁邊有少少蛋白更突出蛋既香味。
叉燒：佢應該係搵相熟既舖頭拎貨，佢既厚薄肥瘦都好適中，因為佢夠薄，所以好爽口，加上佢炒過既味道就更加香
飯：一粒粒狀
蔥油：一小碗蔥油，撈飯吃簡直一流，如果唔想咁油，你大可以點少少，咁都已經好好味

有朋友講話呢間既滑蛋叉燒飯好快賣晒，如果賣晒可選滑蛋蝦仁飯。

滑蛋叉燒飯 ($44)

普洱 (特式台飲)

人均消費：HKD$16

行荃灣有時都會支力，想搵個地方坐下，其實一d都唔易。荃灣宜家有荃新天地，荃灣廣場，新之城同如心廣場，行晒咁多個商場想唔口渴都幾難，如果又飲貢x就好悶，所以今次我就search 過近荃灣廣場附近有間叫普洱。普洱入面有幾道飲品係用普洱做茶底，分別有檸檬普洱、芝麻普洱、杏仁普洱、椰香普洱、朱古力普洱。平時貢x既茶，一定唔會好似普洱咁濃。

間舖經常好多人，坐低就知佢吸引。

今次推介 ─ 朱古力普洱

用上咁既茶，你一定唔會覺得太甜，因為普洱比較濃味，茶會搶左部份朱古力既甜品，入口唔膩，Wonderful。平時飲開紅茶或綠茶，普洱味道軟容。Mix and Match，我覺得呢三款檸檬普洱、椰香普洱、朱古力普洱都會好飲。

如果$16有特飲，有得坐，咁仲想點。

朱古力普洱 ($16)

季季紅風味酒家 (乳豬世家)

人均消費：HKD$123

香港人經常拎乳豬作為好多用途如拜神、結婚之用，但其實乳豬齋食都唔食好差。季季紅就拎左隻乳豬+炒飯一齊燒。佢將食乳豬既方法加多一項。季季紅之前偽屯門藍地好出名，勁到搞上市8179.HK，不過就成日唔升。今次我地幫襯灣仔分店係因為近大家。

一隻豬既size 都唔細隻，所以如果想去試就suggest你一次過搵12人，咁先食得晒，其實每人兩件豬+2碗飯，乜都夠。當日我一行12人去食，個個都食到捧住個肚走。呢間野都幾串咀，隻豬係要預早一日訂定。所以一定齊腳先好去。

講番佢隻豬先，皮脆就一定啦。制法就係佢先劏左隻豬，起晒D內臟，然後再釀D炒飯入去。跟住拎豬+飯去燒，飯有豬油香，加上炒底，好野味，豬油飯，想唔飽都難。

乳豬拼飯 ($620)

阿芳餛飩 (即包餃子)

人均消費：HKD$39

我個人都鐘意同朋友去酒吧飲番兩杯，有次去到M1酒吧，同個拳手吹左兩咀，佢就話附近有間餛飩餃子幾好。我自己食過八x雲集都中左伏，我相信好多食過八x雲集都好失望。咁就搵餃子食，日式餃子多數都係炸。所以都係搵D港式算喇。

我未入門口時就已經發覺左佢reserve 左一張檯黎包餛飩/餃子，佢咁有heart，我更加無理由唔幫襯下，話晒我都有同行朋友，佢都餓。餛飩、餃子、上海麵及上海小食都有提供佢仲寫送豆槳。睇落都唔係好貴，$36都可以有交易，仲要係佢寫就話不含味精。呢個先係正，有時出街食野都幾risky，就係太咸或太濃都會影響到。

你睇住佢包，唔計野食當睇表演

東寶小館 (香港美食)

人均消費：HKD$182

香港好多人都係食大排檔長大，好多野都好好食，佢唔同大酒樓，但個價都唔算平。一個

不過從咁耐既hit rate黎睇，作為上網既user，你concern 既都好少會睇中菜。所以我都係打多幾粒字就算。俾多D圖片你地睇。

呢餐我食左好多出面食唔到咁好味既野，我衷心recommend 呢間野俾朋友Gathering，因為多人先可以去，太少人去好難叫餸。

風沙雞係我食過最好食既炸子雞。出面d雞一係就雞皮唔得，一係就雞肉唔得。今次皮脆肉嫩，正(love struck)

今次推介 ─ 風沙雞

哈囉茶餐廳 (小島風情)[已結業]

人均消費：HKD$39

工作一整天，放工食一口飯就係一日既成果。辛苦搵黎旨在食。有時工作地點令人心灰，但去一間恬靜又舒適既餐館，好比中六合彩五獎既喜悅。今次講緊既係佐敦附近一間茶餐廳。柯士甸道即童軍中心果條街。舖名都已經好正，Hello。再望入去有魚缸，仲有埋壁畫，以一間茶餐廳，佢都唔算話太差，佢都係$50有找，但我呢D窮人，慳得一蚊得一蚊。其實以$50食一間茶記，點解唔搵間有景睇下呢？

壁畫上有樹有雀，仲有豬豬愛愛之類，真係食「裝修」的一餐。望住咁既環境，有如置身小島上。放鬆心情。

不過呢間唔係推介，只係忘卻煩惱的一間平價茶餐廳。

壁畫

新仙清湯腩 (油麻地米芝蓮)

人均消費：HKD$37

成日都話車軚人好多正野，我又係一個窮人，無理由搵間幾百蚊埋單既好食餐廳，所以今次就搵間$40有找既車軚人，去油麻地，食牛腩。每一間成功既餐廳都一定有佢出位之處，唔係間間都好似添好運咁好運。呢間新仙主要Sell 牛腩。佢既好處就係可以自己選擇要瘦，半肥瘦或肥。唔係講笑叫牛腩好似叫叉燒咁。問你死未。

友勢日本料理 (平價日式) (已結業)

人均消費：HKD$52

朋友成日話想食平野，我就帶佢去荃灣食粥，點知間粥店唔知做乜事，佢又唔開門，諗起中染新城果頭有三間平野。地下一層有扒餐around $70，樓上有友勢同埋薩莉亞意式餐廳，三間都唔貴。人均消費都係$50~$70。Acceptable。薩莉亞意式餐廳就連鎖野，唔洗點講，大家都會去。友勢日本料理入去前就已經見到佢show 出黎話壽司半價。ok ，就食呢間。

我order 左 10件壽司、清酒煮蜆同牛肉拉麵。三樣野食黎計壽司最抵，佢以原價加一，計落都係$30就有10件。平過爭鮮。唔洗同人爭。又可以慢慢食。個碟都靚d啦。

食完埋單都係$103，兩個人食到捧住個肚走。超值，可以推介。(thumbs up)

10件壽司 ($25)

德成號 (北角蛋卷)

北角出名蛋卷，無啦啦食評都加插呢個Topic，事關小弟有D野想同大家分享就想Post 出黎。

德成號蛋卷係手造，鬆化，有層次感，原味都夠香。

德成號係北角都好多年，上幾年被阿蘇介紹同大陸自由行既書介紹後，我地香港人老食，一係排隊自己買，一係就俾錢人買，我見過銅鑼灣有舖頭將一罐原價$61賣$90，markup 左47.5%。如果新年想送禮，你就要係中秋左近去預訂。

排隊攻略，星期一至六8:15am 去到，一人限買4磅，9:30am開門，分分鐘可以走兩轉，買8磅。我自己買過，4磅一星期食晒。

隆姐泰國美食館 (泰國風味)

人均消費：HKD$95

想食泰國野唔洗一定要去泰國，係香港都可以食到好既泰國菜。如果你係食得辣之人就更加唔洗講。我自己食泰國菜多數都會叫生蝦食。事關d泰式生蝦醬先係焦點所在。非九龍城既泰式生蝦醬食係有落適量或少許紗糖。而九龍城既泰式生蝦醬係用香草，我食兩啖，辣味已滲透出黎。醬先係一絕。

平時去City Super, JUSCO, 買生蝦，大約$3.5~$5/隻。話雖同食肆食可以平一大截。但係九龍城食就有泰國人既生蝦醬，咁已經值回票價。出面生蝦及雞醬多數係紅紅地色，但呢間係青青地色。食落就知正野。第一啖唔辣，但d辣係慢慢滲出黎。堅。一定要食(love struck)

生蝦 ($80)

紅點 (長洲的世界美食)

人均消費：HKD$58

長洲近年都有好多旅客，真係要多謝d自遊行，搞到香港人被迫走入離島避世，每逢星期六日，中環碼頭都大把人排隊等船入長洲。久而久之，長洲就變得好熱鬧，好多商店都變左做食店。

我之前都成日入長洲渡下假，但食黎食去都係茶餐廳、大魚旦、菠蘿冰、腸粉、芒果糯米糍。食都食到厭，近期入去又有新surprise。就係有間叫紅點既野，有芝士撈丁、叻沙、咖喱、越南粉、定食。睇見個餐牌都已經笑左出黎。At least 之後都可以有新野試。

外面

炳記茶檔 (名人大排檔)

人均消費：HKD$23

大坑有名人食堂之稱，有時入去都係想碰碰運氣，睇下會唔會見到名人，小弟今次專程入去食豬扒麵。上網都Search 過，陳奕迅都係座上客。如果俾我有一次機會同佢一齊食豬扒麵就開心死我。

講番間野先，豬扒出前一丁麵，點可以無支麻油，而佢支麻油係日版，唔係港式，我唔係祟日，但日清麻油係日本野好食d。係香港，我自己都有用，最平都要$17.80先可以買到一支。

今次推介 ─ 豬扒出前一丁麵

佢既豬扒係鬯過，超好食，有味於日本炸。好食到我寅係唔識點講。佢既豬扒麵有豬扒汁，有少少似和風汁。不過以$23就可以食到，我一定再食。(其實我都食左好多次，嘩哈哈哈哈哈

豬扒麵(出前一丁) ($23)

皇室甜品 (渡船街一點甜)

人均消費：HKD$30

香港呢期吹起綠茶風，連Circle K，7 eleven 都有賣綠茶。就知宜家好heat 綠茶，皇室甜品話晒都有兩間分店，佢又點會唔推。佢仲有搞埋團購，但我自己就唔係用團購買，肉都赤埋。我今次去完Element之後行過去。之前係九龍地都見過佢，今次係白民樓附近見到，就入左去啦。

本Menu好靚，d相昒得好靚，真不愧為九龍地有分店，睇個Menu 時個宇治金時好吸引啦，叫左，黎到都仲好ok，話晒個甜品同Menu差唔多，但睇落多一陣就知中招。個雪糕佢係買番黎而唔係自己整；紅豆, 一粒粒又唔係好茸；綠茶刨冰又唔入味；唯有白玉好咬口。

佢整個甜品出黎，應該係俾部相機食多過俾人食。所以我都唔會再去皇室。

宇治金時 ($30)

大記攦粉糕點專門店 (蔡瀾介紹獨特攦粉)

人均消費：HKD$35

好多年前都已經經過呢間野，但我又唔會入去食。上排睇左金剛小儀個節目見到佢講呢間野。我即時叮一聲，好似平時都唔多人，今次係我第一次入去試。一試就知點解有人讚但又少客。

如果老細有睇我個BLOG，我唔介意同佢講。攦粉really 好special, 佢有少少似烏冬，但條粉既密度低過烏冬。講到咁，攦粉都幾好食。叱間野既野食係熱，even 鮮炸墨魚卷都係熱，聽我講到咁，你都唔會明點解無乜客。

其實Main Point 係間野好隔涉，唔係咁易搵到。唔係熟呢頭係唔係行過去。再者係無服務可言，十叫佢十唔應。同埋問佢野，全部既回應都好簡短，一兩個字，落單又唔多對話。所以唔多客係正常。

我係一個食野大過Service 既人，所以我都會再幫襯。因為每個攦粉疥會加d配菜+肉絲+紫菜，都幾Colorful。炸墨魚卷都熱同脆。配加腍既「烏冬」加上港式既泰色辣醬，其實$35係好平。

鮮炸墨魚卷攦粉($35)

得龍大飯店 (新蒲崗米芝蓮懷舊菜)

人均消費：HKD$130

2010年當年已經有米芝蓮，當年都係推介佢係可以用$300埋單，而又有Quality 既已餐廳。呢間野個老闆really 有heart ，佢D碗碟都印有自己舖頭名。之前睇左套港產片，講左「金錢雞」，一心諗，就係呢間得龍仲有得食，仲要好出名。

好多人都話得龍既金錢雞好食，但今次我偏偏唔食。選食其他野，我今次叫左百花芝士脆豆腐、啫啫芥蘭煲同雞蛋焗魚腸。

碗碟印有舖頭名

四季煲仔飯 (油麻地4 Season)

人均消費：HKD$32

成日行旺角，有時真係諗唔到想食乜，都不妨可以落去油麻地一轉，睇下四季係唔係排緊長龍，因為冬天去，有70%以上係要排，但一入夏，不但唔洗排，有時仲會見到老細出黎拉客。Timing 都係一個好重要既因

今次推介食物 ─ 鴨蛋蠔餅

鴨蛋相對雞蛋，在炸呢隻煮法，鴨蛋相對地淡少少，如果加上蠔餅，又唔會搶左蠔既香味，仲有你可能會問，打冷舖好多都會有蠔餅賣，點解推介呢間，就係因為Turnover 問題，行過四季既朋友成日見到門口有個姨姨企係度係咁炸，無停過手。當一件野食，剛剛整好腥味都未有，炸粉又脆。可想而知。正(tongue)！

鴨蛋蠔餅 ($25)

正村壽司 (雙色豉油)

人均消費：HKD$40

有時食野，睇住食tea 既時間去食，分分鐘可以慳一筆，有D tea 會做到5:30pm 先完。有時當埋晚餐都仲可以。呢間正村佢個Selling Point 唔係野食度，而係豉油。

佢Lunch 都唔係好貴，一個魚生飯$50左右。唔算貴，可以接受。但一到Tea 就死直，我當日光顧之時，我係佢唯一檯客。服務一流，一食完，佢十秒唔夠就收左隻碟。所以佢Tea Set 做緊個Promotion 係買二送一，買兩件壽司送多一件。變相平左少少。我兩條友去到，食左15件壽司就捧住個肚走人。

豉油點特別法，在於昆布醬油色澤較淺，入口較清淡；相反，吟嚷醬油色澤較深，入口略咸。佢亦俾夠兩隻豉油碟你自己Mix and Match。

昆布醬油 同 吟嚷醬油。

合益泰小食 (豬油腸粉)

人均消費：HKD$6

今次食深水埗豬腸粉，如果你去到深水埗問人，有邊間腸粉好食，佢會答你間野係邊。你去到附近就見到條人龍。我都係咁而去呢間野。$6四條腸粉，睇落好普通，但食落就知好野。

佢D腸粉都唔係佢即包，佢都係來貨，佢太多客，D腸粉既turnover 好快，十分鐘就去左一盤。我都要排左5分鐘先到我，佢有大中細三個Size 俾客揀。我去試下姐，當然係食$6四條。我一路食，D腸粉真係堅滑，唔會留係條脷度，好快就滑左落喉嚨，心諗左一陣，來貨都可以做到咁滑，我就同隔離個叔叔搭訕，原來佢都幫襯左好多年，佢話D精華係麻醬度。合益泰落左豬油係麻醬度。

我明白了，我返去再三求證，都係豬油作怪，但出面真係食唔到。話雖豬油無益，但點都好，唔食成日食，就對自己條脷好D。我之後都會再食。

今次推介 ─  腸粉 ($6)

美利堅京菜 (America 人去既地方)

人均消費：HKD$105

呢間野，都係因為母親節，咁家人就話想食下呢間。預先Book 左檯，一去到，門口有個牌寫住你貴姓。係地下定一樓，連約朋友呢點都諗埋。出名野有好多，包括門口成日都有性感女郎。京菜為主片皮鴨，口撕雞。

山東燒雞 ─ 手撕雞既好處就係王啱晒我呢d懶人，唔洗妹骨，咁已經好正。再加上隻雞既雞肉又唔柴皮，又滑。佢仲有個豉油汁+蒜蓉，咁又係惹味啦。你望落去好似好大隻，但幾個人一齊食，好快KO 晒成隻。

住家菜 (銅記中菜) (已結業)

人均消費：HKD$95

宜家出街食野，晚餐好多時會分兩輪，有頭同尾輪，所以出街食飯宜家都搞到好趕時間。呢間住家菜都係咁。

南瓜排骨盅要預早一日訂的，又睇得又食得。相當抵。個瓜好林，一切就開，入面係醬燒排骨。南瓜盅同冬瓜盅原理差唔多，都有互補不足兼鎖住肉汁。加上南瓜整到好林時，南瓜亦自自然然吸左排骨醬。兩者相輔相成。佢個Design 就係要一刀切開，但由於個南瓜好腍，一打就開。正

糖堂私房甜品專門店 (黑布街新場)

人均消費：HKD$40

成日出旺角既人有時食完晚飯都會諗下場，唔好心邪，只係食甜品，昔日黑布街都有成三間甜品舖，宜家已經變左做連鎖甜品舖，有時想入間小店，食下試下。因為唔會一式一樣。甜品名都有時幾「生鬼」，一D都唔死板。

旺角食野，都唔係好多間野既裝修係十分ok，乳酪雪糕店就除外。講番今次有乜好野食先，我就同朋友一行二人叫左兩個甜品，分別係「開心樂園」同「香芒桃園」。「香芒桃園」就麻麻地，想食芒果都係去番芒果大王食。

今次推介甜品 ─ 開心樂園

材料方面有：芒果雪糕，青提子，紅提子，朱古力餅，爆汁丸，布甸

開心樂園

再興燒臘飯店 (灣仔燒味)

人均消費：HKD$25

再興燒臘係灣仔同銅鑼灣中間位處方便，同埋佢都開左好多年，閒時我都會買$20叉燒。

再黎叉燒，同伙記講明瘦叉就更佳，不但厚切，唔乾身，瘦得黎會有少少肥，蜜汁叉燒，自己加豉油，每片叉燒都可以加到有豉油，簡直一絕。豉油係任你落，多與少就睇你自己鐘意幾咸。但豉油都係秘制，又少少甜，送飯一流。

呢間野其實出名係燒肉，通常夜晚多數賣晒，想食有時要日頭食，因為皮脆。十次幫襯，七次皮脆。肉質林林地，唔會硬。

我今次又食唔到燒肉喇，你話，佢係唔係好出名。但次一出名就係燒鵝。佢真係俾燒鵝你，又唔洗加錢。燒鵝同燒鴨分別在於燒鵝滑少少。

服務快同準，唔洗等好耐就有得食。你大可以計時，佢定必兩分鐘內呈上，仲要係$25一餐，好抵。

叉鵝飯 ($25)

三滝海鮮刺身丼專門店 Mitaki (OL外帶店)

人均消費：HKD$58

香港舖租貴已經唔係第一日既事。香港人面對貴租，一係就做外賣，一係就俾貴d去食，一係就Quality 差d。總有一樣要取捨。今次推介既野連我自己都唔知叫咩名。所以Upload 圖就算。

有時野食，賣相都有時好重要，呢間野個外賣盒，我真係俾個讚佢，佢知自己舖頭定位係做外賣，個盒真係有心思整過，可以分折成兩部份，又有公司Logo，亦有Appearance.

一盒飯佢d刺身都擺放得幾靚靚仔仔，層次感都算有。但我覺得佢擺得仲靚過有d日本餐廳既堂食。

Size 份量其實都OK 夠，唔太大，又唔太細，我平時食開兩碗飯都覺得OK。事關食Lunch 都唔會食太多，食得多，晏晝就好易訓。

一鮮刺身壽司 (新插旗天后日本外賣店)

人均消費：HKD$45

間野新開張，我本住打死罷就去試下，叫左個壽司Set 試下，10件壽司+1罐可樂都係賣緊$45，以外賣店黎計唔算貴。一個Lunch 都唔算太貴，係天后清風街同電氣道一帶已經好多野食，呢間野連Openrice 都未有資料，好新，佢仲要個價唔係好貴都可以係天后插旗。所以值得一試。

Berliner German Bar and Restaurant (煙花晚餐)

人均消費：HKD$145

食平野，睇靚景，一向都係我首選，但有時睇靚景既餐廳，你係未必可以用$100樓下找數，有時候食野要食得抵，睇埋落去你就知。今次我就去左愉景灣食野，of course 我係有planning 咁去食呢間Berliner。Berliner 係連鎖野但又唔係好貴。

其記 (大澳凍檸茶)

人均消費：HKD$21

呢間其記並唔係我求其衝入去，我係一早入去大澳時，已經plan 左要入去會一會佢。一日行山，入到大澳，個人已經好熱，仲要食埋乜炭爐雞蛋仔，個人已經好熱，想飲番杯凍飲。但你都應該知道大澳有好多野食，你都想留肚食其他，我都不妨講你知。飲一杯凍飲再去搏殺都未遲。

香港人奶茶同檸檬茶都成日飲。尢其係凍飲。太興或金鳳茶餐廳出名就係無冰既凍奶茶，其記就出名無冰凍檸檬茶。免篤檸茶，啱晒我呢D懶人。但一杯好既檸檬茶，要有紅茶香及少少澀。

必飲推介 ─ 無冰凍檸檬茶 (唔好飲你可以直接同老闆講)

紅茶：70%
澀：20%
甜度：50%
冰凍度：60%

無冰凍檸檬茶 ($14)

Sense Dessert Cafe (盆栽甜品)

人均消費：HKD$45

博多拉麵龍亭 (沙田拉麵)

人均消費：HKD$72

我識得有個家住沙田既朋友，佢成日都呻話沙田都無間睇得上眼既拉麵。小弟不惜工本同佢去搵下。上網Search 左一間，佢係大圍火車站附近。附近大部份都係舊樓。間舖同同區有d格格不入。但一試就可以講，沙田區終於有日本拉麵。

首先講下博多拉麵，博多係日本既一個區，入面有好多拉麵，所以就係多人講既博多拉麵。所以就係咁既稱呼。

呢間博多拉麵龍亭，師傅會係你面前整碗麵，但有D唔同既係有塊玻璃隔住，咁就同日本唔同。