Dazzling Cafe (又一間台灣甜點)

人均消費：HKD$92

講下Background 啦，佢呢間Dazzling Cafe就係見到咖啡弄係香港咁成功，咁就過黎開間分店，賺下港紙啦，又好驚衰，所以就係香港「試業」，時間就好多時去到下晝五點就收皮，想幫襯都唔易。佢呢間Sell 都係Sell 吐司盒，又少少似茶木，但一定好食過茶木好多，話晒都係正宗台灣野。

佢呢間寸咀野當然乜都寸D，服務員都要講普通話，但如果見到台灣妹講普通話，你都可能唔會太介意同佢地講幾句。排隊方面就無tips，都係早D去拎飛，之後再去行街，半個鐘左右返去一次，咁就差不多，一日派250張飛，walk in 係有，但唔sure你有無檯。

再者，佢又係好似咖啡弄咁迫你Order 野飲，一入門口已經同你講左，仲問你有無問題，好明顯佢就係驚你唔Order 野飲，又驚犯左商品說明條例。超高招，搞到即時要叫野飲。

今次推介 ─ 蜜糖吐司 ($85)

祥發茶餐小廚 (鹵水瑞士雞脾超入味)

人均消費：HKD$28

一個Set，一隻瑞士雞脾 + 沙嗲牛肉麵 + 紅豆冰都係$28，呢間鹵水瑞士雞脾之前係銅鑼灣都幾出名，搬左黎北角後既網上Comment 都唔係好多，所以都可以叫做唔太出名，仲可以去食下。

今次推介 ─ 瑞士雞脾

呢間野一定要食既就係瑞士雞脾。隻雞脾超級入味，食完一啖再點汁，D鹵水汁好多滲入隻雞脾，D汁係即時滲入隻雞脾度，唔係太乾身，煙煙韌韌，仲要隻雞脾唔係好肥，我個人比較唔like 肥雞，所以呢間剛剛好。瑞士汁都係甜甜地，入口時都幾正。佢仲唔會太咸，因為D甜味蓋左少咸。D汁佢俾勁多你，唔少家。正。唔似某間牛腩店咁，你想加汁都唔得。呢個係必食推介。

真滋味美食 (烤雞脾店)

人均消費：HKD$23

今次推介 ─ 烤雞脾

平時食雞脾就食既炸雞脾，佢係同KF字頭既無得比，好食好多。呢間位於西環既烤雞脾，都係一間小食店，但區內朋友就話好出名，話晒呢區既小食店唔多，而且呢間野雞脾整得好好食。佢既雞脾有烤有炸同有醬汁，雞脾就係呢間野既出名野，其他野可以唔食，(利申：我叫左其他野食)，都係雞脾最得。

小食店既唔好處就係無得俾你坐係度食，我都係買完拎過對面公園食。呢個公園都幾好，有埋Toilet ，食完仲可以洗埋手。

新興食家 (堅正流沙奶皇包)

人均消費：HKD$24

今日黎到西環，呢個地區比較上係香港既舊區，好多年前已經好多人集結，但直至今日都仲未有地鐵，就係咁，勝在夠遠，都唔係好多人去，咁野食質素仲未俾大量強國人攻佔而變差。今日為左食流沙奶皇包先黎呢間，朋友口中既明星奶皇包就係呢間，呢間野其實都開左好多年，好耐之前已經好多明星黎，事關營業時間就晒佢地，晨早開門，下晝三四點就閂門。如果想去的話，就要睇時間。

佢有多年整點心經驗，所以經過多番改良，D野食都有番咁上下，唔好食既佢都唔賣啦

今次推介 ─ 流沙奶皇包

泰式生香 (中伏海南雞飯)

人均消費：HKD$48

今日我去左尖沙咀韓國街，就係因為星星熱仲heat 緊，大把人排隊食星星炸雞，咁我又入左去，唯有搵間野食左就算，點知一食就中伏，個海南雞飯超級唔得。

海南雞飯 ($48)

一般海南雞飯都係用上雞油去煲飯，咁食落D飯再加埋滑既海南雞，相輔相成下，個海南雞飯先好食。唔知店家係為左慳錢定創意無限，佢個雞油飯變左個椰油飯，成件事就錯晒，唔match 就不在話下，D雞都係唔滑既，咁算啦，$48，就當我唔好彩。

瑞記咖啡 (支裝啡茶+中國數字餐牌)

人均消費：HKD$21

每間餐廳都會有佢地既特色，講到冰震奶茶，大家都會諗起X興，因為佢個symbol 做得太好，超多人識。同樣地，瑞記咖啡佢既特式就係將D沖好左既咖啡同奶茶入樽，等客人order 時就會有凍飲，其實都係好事，at least 你唔洗加冰溝淡左D真正啡茶。

再者呢間野都係上環好耐，同耐多數老一輩先去，我都係見佢有Special 野，先去，今日去完我都上左一堂數學堂。

支裝奶茶 ($11)

龍鳳餃子館 (北方餃子館with 多外國人)

人均消費：HKD$36

餃子，我相信大家無人未食過，祖傳係中國北方人食餃子，搞下搞下，日本人，韓國人都有餃子，其實就各具特式，有D可以做到皮薄，餡靚。我今日去左灣仔出名既餃子店，佢出名既係個俾外國人煲左一排，店內既外國人比起香港人仲要多，韓國人都有，呢間野又係旅遊書介紹，如果你望下外國人都夠得既，呢間都唔少。

講番野食先，佢有好多款式既餃子俾你揀，仲可以Mix 埋，不過好多餐廳都可以Mix 埋，不得不提既就係佢可以用5隻餃再加$2換麵底，如果你想加麵食都可以。

今次推介 ─ 韭菜餃 ($36)

麵水拉麵 (平霸銅鑼灣拉麵)[已結業]

人均消費：HKD$45

日本一蘭係香港銅鑼灣開分店，吸引好多人去排隊，但一街之隔既麵水拉麵就食唔到條拉麵水，正常一麵拉麵賣到$80，但後繼無咩客，所以就推買一送一，咁樣先多番D客，仲要間執左笠，都又係果個原因啦，業主加租咁，我只可以話佢係唔好彩。

食拉麵都係為左個湯底，呢間野其實個湯係豚骨湯，個味都好濃豬骨同夠咸。

金坊泰國美食 (名過於實既腥爆難食泰國野)

人均消費：HKD$73

荃灣係一個話多野食又唔多，但亦唔係少野食既地方，但你一上Openrice，你就知道荃灣區頭幾名好評既餐廳都係大型連鎖餐廳，即係多野食，不過唔太好食。荃灣，其實地理上佢可以算得上係香港既中間點，約新界既朋友尢其係啦。講到荃灣，成日都見到大排長龍既就係金坊，佢係咁開分店，但都係好多人去食，我都唔知點解，話晒都係泰式野，無理由唔去九龍城食。

今日見有時間，所以先敢去食。我七點三去拎飛Walk In，再去行下荃灣區，一個鐘後返去，未得，又再去行下，半個鐘後返去，都仲未得，但又好似就到，唯有罰企到九黠半。由食夜晚變宵夜。已經肚餓，望見個Menu，超吸引，即落Order

雜錦拼盤 ($86)

蘇波榮 (自由定價餐廳)

人均消費：HKD$41

香港呢期好興講佔領中環，如果你又係想搵班志同道合既人想傾下時事，蘇波榮係一個好地方，呢間小店，佢賺既絕對唔係錢，亦都唔係野食好唔好食。你可以話一係一個好似藝術人士既聚腳地。佢都有好多知識分子係度討論社會議題。

呢間野，佢話就係一間食店，但佢又唔係好concern 食物selling point 係quality 定價錢。佢既pricing Strategy 係個客覺得價幾錢就俾幾錢，呢個係最好反映食物既質素一環。老細仲要即時知道佢自己既quality ，唔洗等好耐。不過我就唔會講你知我邊件俾幾錢。

所以我講，呢閒家一部份係餐廳，另一大部份係搞function。佢地唔算係咩餐廳。

皇帝雞 (星星炸雞)

人均消費：HKD$25

就係一套來自星星的你，呢期突然間好多人仆左去食韓國野，就算連尖沙咀金巴利道同金巴利街一帶，你想食韓國野，唔該請排隊，仲要唔係少人果隻，咩步隊鍋，咩韓國啤酒，全部升價晒。呢期咁heat，我又無奶油唔去試，但食就會去小店啦，唔好益大地產商。今次食炸雞，話晒星星入面講左咁耐炸雞拼啤酒，就算今日無啤酒都可以食下個炸雞先。如果呢間炸雞係炸得夠勁，自己落惠X買支啤酒飲都係當飲涼茶咁。

無皮無骨炸雞

沾仔記 (米芝蓮雲吞麵)

人均消費：HKD$24

雲吞麵其實你同我都一定食過，好唔好食就唔係間間好食，排隊食既你又會唔會考慮呢？我自己就覺得，食碗雲吞麵都唔洗好多時間，如果唔係排得耐都可以考慮。今日黎到中環食，中環一向食野都唔平，沾仔記雲吞麵$24係中環已經算係平價之選。如果你係食晏既時候去食，等位是常識吧，所以我都係等星期六先去食。

話分兩頭，呢間野其實都有幾間分店，但好多人都話中環呢間好食D，咁去食當然搵間好食既去食。

今次推介 ─ 雲吞麵 ($24)

神虎拉麵 (灣仔既足料日式拉麵)

人均消費：HKD$78

灣仔，呢區都係旺中帶靜既區，平時日間都係office，但夜市就差少少。上排睇開Openrice，見到神虎長期高據排行鎊首位，唔知係咪有打手去幫佢手既，但我自己一食，就知佢既湯底真係唔野少。食好野，排隊是常識吧，呢間野食夜晚居多，係灣仔區黎計都算突出，預六點幾好去排，晏D門口大大隻字話湯底賣晒，唯有明天請早。

拉麵係香港已經落地開花，熱潮已經無上年咁heat，好多拉麵店都開分店，但佢地都係一個共通點，就係個湯底，點解可以整到個湯底呢？呢個問題我成日都想知個答案。神虎其實都係Sell 湯底。佢既湯係豬骨湯仲要係好骨膠狀，有D似拉麵來，但無拉麵來咁咸同濃味。

今次推介 ─ 黑虎 ($78)

琛仔小廚 (一家人的西廚房)

人均消費：HKD$43

去到新界，搵食就當然搵D平日唔去既野食啦，有D Special 既野食，今日去既呢間其實係一家人經營既西餐廳，阿爸加阿媽再加個仔，呢間野唔係好大，得8個座位，但區內都有唔少fans，我七點幾去到，都要等位。

呢間野佢base on 日式既開放式廚房，等客人可以一路睇住個廚師，個廚一路煮，加埋佢會同你傾計，你係等食既時候都會覺得好有外國人既屋企既感覺。佢既收費都只係$40幾蚊，同茶記唔差太遠，但Service 同野食就好太多。睇食評，如果你齋睇相就斷定間野好唔好食，咁你就睇唔到野食背後既Service。

牛扒薯蓉 ($43)

陳漢記 (爽滑蝦腸)

人均消費：HKD$17

呢期紅Van熱，今日入大埔搵食，但大埔雞批賣晒，我唯有就轉場，搵過第二間啦，陳漢記就係另一間佳作。呢間野平時都係熱賣腸粉同煲仔飯，聽人講呢間野一到夜晚就會有好多人排隊等位，分分鐘要等成半個鐘，但我又唔係好鐘意排隊等，唯有食tea，叫碟撚手野食下就算啦。一個人食tea，最好就係食碟細野，話晒陣間都仲可以食個飯。我就叫左碟蝦腸。

鮮蝦腸 ($17)

江仔記粉面專家 (銅鑼灣既宵夜雲吞麵)

人均消費：HKD$27

雲吞麵 ($27)

夜晚OT後，係中環想搵野食都唔係好多選擇，10點後其實已經閂晒，你想食都係翠X，唯有轉戰銅鑼灣，又發現唔係好多間野仲開緊，諗起江仔記，佢既麵係爽，鮮蝦都係中蝦，我每次去親，個價錢又好似又加價，唉。佢都叫有五粒中Size 既雲吞。係銅鑼灣食都算係咁。我仲要係宵夜時段去。

一間老店，佢都會有佢先自己既碗同碟，新既食店好多都係求其買番黎。個人食野既時候都會覺得安心D，起碼佢都有heart 諗下個Design。同埋都無咁易執笠。

味佳居越南餐廳 (蔡瀾越南粉)

人均消費：HKD$40

尖沙咀廣東道由放寬自由行後，就已經少左行，一來唔想同佢地迫，二來，D野都好貴，想買都買唔起，咁不如唔好行。返工放工經過就算啦。

今日食既呢間野，就係有蔡瀾Promote。好多時，蔡瀾Promote親既野，都唔係十分正，都有好多野比佢更好食，但今日我又再一嚐蔡瀾推介既越南粉。今日呢間係樓上舖，呢間野，lunch 都係做開海港城既客，但夜晚就唔係好多客，我甚至可以獨佔一間餐廳。一晚都唔係好多檯客，Service 都超好，上菜速度勁快，由落單到碗野上檯，三分鐘有找，我仲擔心緊D牛肉熟未之際，望到片牛都已經唔係好紅既時候，我都照食。

生牛肉湯粉 ($40)

糖品 (變質了的東大街甜品)

人均消費：HKD$28

近幾年筲箕灣東大街大把食肆進駐，多左好多外來既餐廳，但食物價錢都推高晒，加上筲箕灣既食肆太集中係東大街，租金方面亦都貴晒，所以食肆收都貴左，今次食既甜品，都要接近$30，呢個已經係一個唔抵既現象。我係一個窮人，你話去佐敦/九龍城，放低$30係可以食到好D既野。

綠茶木糠布甸 ($28)

南龍冰室 (金磚麵包茄汁焗豬扒飯)

人均消費：HKD$41

南龍冰室呢間餐廳其實已經係筲箕灣開左好耐，但因為創辦人係幾年前唔再經營，所以執左，但有個有心人，重開番南龍冰室，仲要沿用當年食譜。今時今日既南龍已經俾佢改革得好勁，好似有本好靚既Menu，加上左好多新派美食，就好似金磚麵包茄汁焗豬扒，呢D都係舊冰室無既野。宜家新既南龍，佢係銅鑼灣via tokyo，咖啡弄富山拉麵，老虎咖喱附近，勁多好野食係附近，所以南龍無番咁上下，都唔易立足。

今次推介 ─ 金磚茄汁焗豬扒飯 ($82)

漢年茶餐廳 (大碟鹽焗滑雞飯)

人均消費：HKD$37

今次推介 ─ 鹽焗雞飯 $37

漢年出左名大件夾抵食，佢都係好似平時既茶記，即炒既炒粉麵飯都係好大碟，眼見隔離檯碟碟都咁大碟，我自己一個都驚住食唔晒，唯有叫碗裝，加上佢出名既係鹽焗雞飯，所以我都係叫個最出名既鹽焗雞。鹽焗雞出面食，鹽親都唔係太滑，但呢間野既鹽焗雞食好滑，拍得住海南雞，白切雞就係滑。佢就將鹽焗同海南雞 CrossOver，隻雞即時好食左好多。

坤記腸粉 (大圍傳說滑腸粉)

人均消費：HKD$7

講腸粉，我自己最記得朋友講話深水埗合益泰同大圍坤記都係香港好食野腸粉，今日專登入大圍搵野食，坤記腸粉又黠會走左去。大圍好多人都話坤記腸粉好食在於滑，所以經常都好多人排隊。我唔知係唔係沙田大圍既食肆少之又少，有時連腸粉都捧到天上有咁。今日我為左食坤記腸粉，我排左15分鐘。

我自己都有食過深水埗合益泰腸粉，相比之下，呢間其實D腸粉都唔係十分滑，可能坤記既醬油唔係用上大量豬油，所以食落都唔係十分滑，不過以沙田大圍黎計都算唔錯。

豬扒之家 (講句唔該平$5)

人均消費：HKD$27

豬扒之家原本係大角咀都唔係好出名，但佢之前既講句唔該平$5就引黎各大報章報導後，佢就開始出左名，但出左名並無為佢帶黎更好生意，佢都係做街坊生意為主，街外客就唔係好多，我今日去到，就全間餐廳都係一家大細同埋區內既學生哥。而佢既野食都係一般，加上為處大角咀，想去都唔係十分方便。我都係因為想見識下佢既講句唔該平$5，個老闆係咩世外高人。

蒲燒鯛魚飯 ($27)

陳六記飯店 (五層燒腩仔飯)

人均消費：HKD$36

食野食到入上水，今日我專程入上水食個燒腩仔飯，淨係車程時間加車錢，我可以係中環食到更靚既燒腩仔，但食好野，真係無分遠近。仲要呢間野係上水石湖墟，作為市區人，要用埋Google Map 去搵呢間野，都搵左一陣。講番燒腩仔，好多人都可能會覺得好多地方都好食，但做乜事要專程入到去呢。就係因為水準問題。如果一間野好平均既，每一次燒出黎既都係皮脆，肉正。咁先值得入去。

今次推介 ─ 燒腩飯 ($36)

平時你可能都有聽過好似新斗記，季季紅，都D既燒腩仔，但我個人就覺得陳六記既燒腩仔比起佢地更出色，你係可以分得到燒腩係由五層組成，又名〈炭燒五層樓〉，個命都改成咁，同其他既燒肉有得比。

士林棧 (旺角腍爆牛展)

人均消費：HKD$38

係旺角，如果大家想食一間台式餐廳，我相信，可以選擇既並不多，而數量係少過五間，再加埋好食既就一間-〈西門町台灣麵食〉，你話係咪少得可憐。今次行到豪華戲院，見到有張新開張Poster，原本都唔抱咩大期望去試，但一試就入迷。呢閒野係大角咀棕樹街，如果要由旺角中心行過去都要一後時間先行到。都有少少隔涉。

推介 ─ 牛展菜飯 ($38)

相信大家食牛展就一定食過，都係薄切，但呢間士林棧既牛展係厚切，但佢又唔韌，反而仲好腍，仲要好入味。佢既牛展汁都應該係用左好長時間煲出黎，D牛展都係一齊煲，所以牛展既入味亦都幾腍。

元燒 (平價安格斯)

人均消費：HKD$12

一間大埔新開張既串燒，係一個新界地區，區內都唔係好多串燒店，佢既定價其實都有少少貴，話晒係新界地區，如果你想食平串燒，大可以等下D街邊檔。佢地可以做到好平，話晒唔洗交租，仲要係好新鮮，好多人可以聞到香味先去幫襯都仲得。講下區內既串燒店，都係得串皇係出名少少，串皇既定價偏貴，佢既野食都係大路野，無咩特式可言。

安格斯牛肉串 ($12)

泰之味 (加辣黃咖喱)

人均消費：HKD$38

香港一路以黎，好多好食又地道既野食，有部分都係來自街市熟食檔。今日我黎到上環市政大廈，原本都係諗住係中環食，點知朋友同我介紹呢間隱世街市，呢個市政大廈已經做左大裝修，地下無水跡亦有強勁冷氣，再加上無煙味，我都覺得呢個場既環境方面超得，相比起好多街市大排檔，上環市政大廈真係一個超靚既場。

再耆，講起泰式野，大家自自然然諗起九龍城，我自問都係一個食得辣之人，今日去到見到有個咖喱Lunch Set，諗住叫個Normal Lunch之際，個阿姐推介黃咖喱，我多口講左句，「我好食得辣」，阿姐仲話可以加辣俾我，當然，碗黃咖喱上檯，真係辣啦。

黃咖喱牛孖肋飯 ($38)

金鳳大餐廳 (尖沙咀山林道平價Tea)

人均消費：HKD$25

平時出開尖沙咀既朋友都知，係尖咀食餐Lunch，無$45落樓都幾難成事，諗都無諗過今日係尖沙咀都可以搵到間咁平既Tea Set。我係一名窮人就係人都知，錢唔多，但時間多，我周圍格過價，金鳳真係又坐得又唔係貴，位處又係尖沙咀同佐敦中間，可以算得上係平兼方便。

其實金鳳都有幾間分店，太子尖咀銅鑼灣都有分店，佢出名既都係扒，不過應該佢都係想做盡一日既生意額，拉上補下，所以個Tea Set 先可以咁平，加上佢Lunch 都唔係好貴，仲可以食扒餐，睇黎佢一日最著緊都係晚市，不過anyway，如果係想平食既，食tea 就最抵食。

蝦醬雞粒炒飯 ($25)

尚湯 (大角咀街坊價用心烏冬)

人均消費：HKD$25

想食平野，有時唔好迫係lunch 或dinner 先食，我之前都有講過既係下午茶時段，其實都係一個幾唔錯既食好野時間。話晒職員都無咁忙，分分鐘成間野都唔會好多檯客，你只要肯去搵，都一定有好野食。就好似今日咁，我去左大角咀，間野好多湯麵類都係賣緊$21，佢呢個偵錢仲要連埋杯凍飲。未講Quality ，只係聽到$21包麵同凍飲，咁都已經好平。

呢間野講得上用心，一定唔止Sell 平，佢仲要係D野食唔係太差，咁先Good

蟹棒烏冬 ($21)

麵館皇 (厚粉刀削麵)

人均消費：HKD$41

同朋友食飯，但又唔想食黎食去都係果D啦，搵間無乜人既野食下，見間呢間刀削麵都好似幾Special ，仲要係荃灣食過好食，心諗刀削麵都唔會差得去邊，咁就入左呢間野。話晒，佢都係Sell 刀削麵，但佢既刀削麵底既粉係好厚，你好似將成舊粉放入口咁，但我都想提下大家，其實可以唔去。

不過今日食過呢舊粉之後，我諗我想食刀削麵都會去番荃灣食。

雲吞刀削麵 ($40)

Via Tokyo (日式抹茶之店)

人均消費：HKD$43

Via Tokyo ，呢個名，長期係Openrice 既Recommend List，我又係成日搵野食，我又點會唔食，但眼見日日都咁多人去，其實佢Quality 會唔會差左呢，呢層我就唔知啦，我不過有樣野肯定既係食Via Tokyo 就要排隊，見今日星期二，去食Tea，唔多人排，咁先去下。平時上網見開人打BLOG 都係講有咩野食，我呢份人，追求Special，連去Via Tokyo 都可以Special D。即係叫人拉花拉得Special D，又或者拉D平時唔會拉既圖案。

日式抹茶同台式綠茶其實係有分別，就係澀同甜既分別。日式抹茶係偏向澀，台式綠茶係偏向甜。若以甜品黎計台式綠茶係好食D。因為甜品唔甜就唔好食。呢間話晒都係Japanese Dessert Cafe，好明顯係日式澀抹茶。

王子廚房 (甜酸苦辣咖喱)

人均消費：HKD$42

今日係搵食日，周圍去食野，晏晝去完深水埗，今晚轉戰荃灣，一間超唔起眼既餐廳，一嚐特式咖喱，講到明特式咖喱，佢有巴基斯坦，有鴛鴦咖喱，仲有四色咖喱。聽個名就知夠Special。話晒自己一個，我可以去到好盡，食個四色咖喱。個Waiter 仲同我講，如果未食過，就食個鴛鴦。我平時咩都會試下，又點會齋食個鴛鴦咖喱。

佢有Set 同散叫 ，但又咁講，個Set 有紅湯，但個湯都幾咸，可以如果唔係一定要飲湯既，大可以散叫 。散叫仲要多好多選擇，佢有牛腩同豬扒。我覺咖喱配牛腩先係最Match。

四色咖喱吉列龍利柳飯 ($42)

劉森記麵家 (米芝蓮爽蝦雲吞麵)

人均消費：HKD$25

食雲吞麵又想好食既，細佬總結左有幾間都係幾好食池記, 沾仔記, 江仔記, 麥奀雲吞麵，但大部份都係旺區，今日我就去左深水埗，呢間劉森記都已經出左名好耐，不過我就無乜時間去試下佢，見今日就過年，又唔係好多人會仆去深水埗，所以就去試下。

一隻雲吞要好食，當然係包得好，雲吞皮要薄，同埋D餡夠靚，缺一不可。剛剛包好既就仲好，D料夠新鮮。呢間野咁好生意，根本成日要包雲吞，所以經常都會有剛剛包好既雲吞。

雲吞麵 ($25)

海安咖啡室 (外表幾十年不變)

人均消費：HKD$12

今日去呢間海安咖啡室都係因為連我老豆都知佢幾十年不變，所以我會一會佢，佢呢間野叫海安咖啡室，出名既野都係咖啡，但我個人唔係好飲咖啡，只好食其他野，佢出名既野原來係叉燒公仔麵，但sorry，佢又唔係成日有，佢可以好寸咁同你講，無wor。明天請早。呢D咪係霸氣。但你可以坐成個朝早，佢都唔會嘈你，唔係間間ok。

我今日去，某程度上係因為佢夠舊，呢間野位處信德碼頭對面，一間超大間咖啡室，佢大可以放租，又或者賣左佢，老闆佢食埋下半世都無問題。但佢繼續用番幾十年前既裝修，咁既堅持，抵幫襯。

美味餃子店 (特式菜脯)

人均消費：HKD$33

餃子，我相信大家無人未食過，祖傳係中國北方人食餃子，搞下搞下，日本人，韓國人都有餃子，其實就各具特式，有D可以做到皮薄，餡靚。我今日去番太子超出名既餃子店，佢出名既係個湯底，用上生魚野菜葛湯，個湯齋飲已經好清甜，唔洗食D餃子都已經好夠，如果你食晒D餃子再飲埋D湯，其實咁都夠一餐份量。

聽人講話佢既生魚野菜葛湯有少少藥用價值既材料去煲，有去濕、清熱、解毒之效，飲完個人仲要好滋潤。

呢間野設有最低消費，每位$20，唔好諗住兩個人食一碗，點計，你都要加多個野。所以要試迎野，最好唔好咁飽去。

韮菜餃拼雲耳餃 ($33) (10隻)

中大醫學大樓小食店 (多Cream 檸檬批)

人均消費：HKD$7

賞櫻花都唔係一定要去到日本先有得睇，香港中文大學其實都有得睇，一月至三月都係賞櫻既好時候，睇完櫻花故都係時候食D好野補番，又或者咁講，成間中大都好有好多花俾你賞，杜鵑，梅花，etc。中大話晒都係一間好大既學校，多Canteen 就一定，如果你睇完花，想即食既都可以去新亞個Canteen 食，但又咁講，好多人都會同你講，讀中大既都知檸檬批出名，出名多人排隊買，逢星期六日，下晝三點，準時開賣。

檸檬批其實唔係熱食，仲要係凍食，但點解係下晝三點先有得賣就唔知喇。呢件咁出名既Cake 其實只係檸檬忌廉整到冰狀，再加蛋糕同粟米片餅底。一件就係咁賣$7既檸檬批。

金鳳大餐廳 (舊式香味牛扒之家)

人均消費：HKD$77

香港食個扒，個扒同環境又要似番少少樣既餐廳，有時可以叫到成舊水一個扒。舊式扒房不失為一個好選擇，你可以咁諗，以今時今日既貴租，舊式扒房如果生意唔好，一早就執左，留得係度既，又有幾多會係差呢。

今日行過荔枝角道諗住食水餃，點知未行到水餃店，就發現呢間舊式扒房有勁多人排隊，咁我平時又食開野，就周圍睇下聞下，就知好野。一入間餐廳，扒既味就即時進入左個鼻。未食就已經知道佢點解咁多人排隊入座。

呢間野我眼見好多人等位，但我又唔係等左好耐，因為佢set 左要等齊人先可以入座，咁排係我前面既人，多數都係未齊人，所以就要再等過。所以大家如果想約朋友去，唔該等齊人，你先好行過去，否則又係要等多次。

今次推介 ─ 西次扒 ($77)

維亞軒餐廳 (平價石頭飯)

人均消費：HKD$36

純粹為平而食，呢期就過年，應該新年大把錢要洗，又要睇下戲，所以乜都要慳。上網搵左幾間尖沙咀野，都要成$60一個Dinner，為左慳得一蚊得一蚊既精神，轉戰佐敦，原本諗住食澳牛，但又好多人等位。唯有搵間遠少少市中心。維亞軒呢間野近QE，旺中帶靜，租又應該唔係好高，所以我諗佢要生存，平就真係一個不二法門。

呢間野其實佢好多款式都唔係貴，佢個下午茶都做到成7點，如果慳慳地，你都可以食個Tea，都係$30左右。

豬柳石頭飯 ($36)

合成小廚 (抵食熟食檔)

人均消費：HKD$49

熟食檔俾人既印象，係平同埋環境無咁好，但當你發覺周圍係咁加價既時候，要去搵更多更新既野食，咁先可以唔洗咁多錢，但又可以食好野。熟食檔既野食，有時候一D都唔差過正常餐廳。今日玩左一日，個肚最想既野就係好食既野，仲要快。如果唔怕環境無咁好，呢間都不失為一個好選擇。話晒都係佐敦旺位。

豉汁蒸鯇魚 ($45)

今次推介 ─ 豉汁蒸鯇魚

堂記腸粉專門店 (超正腸粉) [已結業]

人均消費：HKD$18

堂記腸粉講到明"寸"，佢要夜晚六點先開，但你六點鐘去到，佢又可以話個爐未Heat 好，唔做生意住，叫你先等半個鐘，俾個爐Heat 左先wor。又有次，我去到，明明當日唔係佢既休息日，咁我又見佢無開門，問左隔離糖水舖姐姐，佢都話堂記腸粉係咁，成日唔開門，但佢又好多客，咁先吹脹。

話晒今日都係2013年最後一日，我就正準備去西九Count Down，但時間仲都有D，咁就去左食堂記，或者點點心。搏一搏，又俾我見佢有開，我就即時排隊，等左廿分鐘左右先有位，咁仲唔快D食完去Count Down。

今次推介 ─ 叉燒腸 ($18)

泰成菜館 (足料泰國菜)

人均消費：HKD$42

銅鑼灣想食下野，又唔想咁悶，一係渣甸坊，一係就登龍街，再唔係就謝菲道，但如果你食到都唔想食中餐既，登龍街其實都有好多野食，有刀削麵、日式拉麵、日式放題、泰國野同越南野。一條好短既街入面有咁多款式俾你揀，仲要好多間都係$50有找。

今日去左泰成，佢出名既就係大件，佢既蝦餅超大塊，好多人都會咁叫，我食Lunch 時間去到，都有成兩檯人叫左個細蝦餅，但奈何我自己叫左個炒粉絲，個胃再容唔落個蝦餅，所以可以提下大家，下次去，可以叫個蝦餅。

乾炒豬頸肉粉絲 ($42)

Pantry Bread & Pastries (創意 LEGO Cup Cakes)[已結業]

人均消費：HKD$48

去銅鑼灣想靜靜地High 個Tea，有D人會去食Cake，有D人會去酒店食，但今次我朋友帶我去左間Cake shop，件Cake 都幾Special，個樣好似Lego咁(見下圖)。近日都聽聞Inside out 一帶都畀大地主收番唔續租，果邊間ZOE又要被迫遷，如果想靜靜地食件Cake，百德新街可能係新選擇。呢間野正正開係銅鑼灣百德新街，旺中帶靜，唔算好多人，呢間野就半露天，但今日就天氣就凍左少少，食既時候都凍凍地。

月禾居 (新開有Heart 日本居食屋)

人均消費：HKD$36

旺角食野好多時都係食連鎖野foodcourt，一係就女人街兩旁，當你食到唔知想食咩既時候，可以去下黑布街附近，話晒HESHEAT同奶奶雞或者萬發都係好野食既地方，呢幾間都係黑布街一帶，宜家附近多左好多好野食。今日去到見到新開張，又係聖誕，食好少少都唔係好過份。

本住一試無妨既心態去食，仲諗住今晚食個聖誕大餐，所以lunch 都唔係點食得多野，叫左個叉燒拉麵同鯖魚定食，各有汽水送，仲要一D都唔貴，相比起港島動輒都$50，呢餐又野食又有野飲都係$30幾蚊，你仲想點。

今次推介 ─ 叉燒烏冬 ($34)

意樂餐廳 (多油的蕃茄餐)

人均消費：HKD$41

係沙田食野就愈來愈貴，事關大陸同胞大舉南下shopping，連帶新城市周邊既餐廳都貴晒，宜家想去沙田搵食，最近都要去到禾輋，但禾輋既食肆數量又唔係好多，想搵間抵食既都唔係易事，我之前去過禾輋一間茶餐廳，佢又唔貴，$30有找，但我又點會鍾情於中式野，今日食左間意式野，都幾好。

宜家香港，最出名既意式野，薩莉亞認左第二，無人敢認第一。連荃灣區最多好評既餐廳都係薩莉亞，所以可以大膽講句，意式野都可以好正。話分兩頭，今次食意樂，佢既味道比起薩莉亞更濃，份量更足。

龍蝦湯海鮮天使麵 ($40)

榮華冰室 (隱世冰室)

人均消費：HKD$15

上網成日打咩隱世餐廳，咩隱世，但事實上要搵隱世真係唔多，又要遠離市區，又要有少少舊，咁先可以叫隱世。今日去左茶果嶺搵食，搵食之前我都做左好多research ，咁先去，事關個地方都偏僻，唔係咁易去到。

茶果嶺呢個區，自地鐵將軍澳線起左之後，呢個區多數都只係村民先會經過。再加上入堆填區係將軍澳，經過茶果嶺既車多數都入將軍澳堆填區，呢個社區仲可以保留純樸既一面。

美味佳 (紅磡平靚正串燒)

人均消費：HKD$75

食串燒，有時就係你唔想去BBQ ，但又可以俾你食到燒野食既野。宜家係旺角街頭食一串都要成$11~$13，想食得多，當餐食就真係要周圍搵食。離旺角唔係好遠既紅磡都有3~4間串燒舖，但論野食同價錢黎計，美味佳絕對係好野。

呢間野好在近PolyU，所以一到夜晚就有好多學生去食宵夜，佢又可以做到街坊價，但野食又唔燒蕉，咁先好。呢間野都算就腳，都近火車站。

芝士丸 ($11/串) ; 芝士腸 ($6/串)

芝士腸，你係7仔食，佢又水煮都要呢個價。
芝士丸，你係葵芳廣場食，$8都係得兩粒，又係水煮啦。

睦美屋拉麵 (牛油拉麵)

人均消費：HKD$62

平日都成日去食拉麵，但今日行行下街，又心想食拉麵，平時已經行開荃灣廣場，都已經察覺到有間拉麵，星期六日仲要好多人排隊。今日心諗tea time 少D人，咁就試下佢啦。

事關香港呢一兩年係咁開拉麵店，但真係好食既都唔係好多，有D 就sell 豬骨、魚戒湯底，有D 就sell 叉燒，又有D就sell 幼麵身。今次呢間就sell 牛油湯底。如果你平時都有食開拉麵的話，你都可能會覺得個湯底都係一個幾重要既元素。

北之恩惠拉麵 ($62)

盛八食堂 (蛋之食店)

人均消費：HKD$98

講起蛋包飯，好多人一定食過，有泰式又有日式。泰式就個蛋皮出名薄，所以價錢就平D。日式既蛋就Rich D ，個蛋汁就未全熟，都幾好食，價錢相對就貴D，天后都有一間出名既日式蛋包飯，佢可以賣到$150左右。今次我食呢間，都叫做有兩間分店，唔係太多。水準都ok。

今次推介 ─ 吉烈豬扒蛋包飯 ($98)

拉麵台風 (服務一流撈麵三流)

人均消費：HKD$78

食拉麵食到入荃灣，但講真，宜家我愈來愈難搵到好食既拉麵，唔知係唔係食得太多好食既拉麵後，一有其他拉麵舖開，我都想去食下。今次食到入荃灣，因為都有朋友講造呢間野都幾唔錯，話晒都叫做多人排隊，我去食既時候都要等位。

先講下佢既Special，佢間舖既大細就真係好細，以荃灣租黎計，佢既開舖成本真係好平。就係因為細舖，客人要好似坐Bar檯咁，但佢既椅係好難拉，所以staff 會幫你拉椅，呢個係佢既Service，都好好Feel。話分兩頭，座黎計真係好唔舒服，吊晒腳。日本邊度會係咁？

如果個女仔係長頭髮，佢仲送埋橡筋俾你，呢d咁既service，真係好周到。

講野食，佢又好似新派拉麵咁，客人可以自己選揀你想要既麵既麵身、油、濃、辣。都可以話係幾細心。但一食落就知中招。

魚介豬骨湯拉麵 ($78)

美詩餐廳 (隱世台灣風味砂鍋焗豬扒飯)

人均消費：HKD$40

網上好多人成日都話咩隱世，但又要幾百蚊埋單既餐廳。我呢D窮人，成日周圍去，專搵平野食，有時仲會有意外收鑊，今次就係佐敦附近既美詩。我上左openrice 試圖搵下有無人之前去過，但佢既食評又唔係好多，我都係叫左個砂鍋焗豬扒飯同埋佢話晒係一間台式野，我朋友叫左個台灣牛肉飯。咁都應下景。

呢間野仲要好有台灣風格，唔食過都唔敢同人講佢係超正。個舖面都係一間唔特別既餐廳，唔周圍搵，真係未必知佢既野食正過好多出面野食。

今次推介 ─ 焗豬扒飯 ($40)

金泰皇泰國菜館 (宵夜泰國菜)

人均消費：HKD$54

今次原本去黃大仙食野，時間都已經係九點幾，但同幾個朋友都想食泰國菜，把心一橫，行落九龍城食，話晒都咁夜，有朋友就推介呢間，仲話呢間野平時開到凌晨二點，星期六日仲要有好多人排隊去食，聽到咁，就知係好野。

佢間野就係平民化左DD，(其實大部份九龍城泰國野都係咁)，但佢又唔係好求其，一坐低就拎埋蝦片同茶黎serve你，service 都ok。

今次推介 ─ 馬拉盞通菜 ($46)