深水埗區其實都有好多好野食，又平又正。有D款式你係尖沙咀旺角係食唔到。深水埗區貴為全香港最貧窮既區域，我呢D貧窮人士又點會唔係成日黎搵食。如果你都認同我所講既，你不妨坐車落黎食，食完再坐車落番去行街，都仲平過你係尖沙咀旺角食。
今次就去左新香園，佢係24小時營業，你唔洗就住時間黎，幾點都OK，佢都有幾樣野出名，分別係蛋牛治，豬手麵&凍檸茶。我都有叫到蛋牛治&凍檸茶。但我都係影左蛋牛治張相，因為杯凍檸茶其貌不揚，影都無謂，打字最實際。
今次推介 ─ 蛋牛治烘底
呢件蛋牛治，分別有蛋，牛，冶三樣組成。蛋同牛，佢係將兩樣野Mix 埋佢，非一般既滑蛋配上非一般既滑牛，正。份量都唔少，都夠半份晚餐。食第一啖時就知道係正野，望落個份量就知可以叫多D份先夠飽。點都要講下塊烘底令到塊多士即時好脆身，正。
蛋牛治烘底 ($17)
牛腩麵個麵都一般啦，不過好快出鹼水味，食法最好就食左件蛋牛治，之後有個碟，將牛腩麵個麵底夾左放落碟食。牛腩好腍，但又唔會失左牛味。但始終要自己親手夾就認真差左dd。
牛腩麵 ($18)
凍檸茶 ($12)
佢收你$12，但offer 緊$32既貨俾你。佢初頭拎杯茶過黎，外貌真係好普通，一d都唔特別，我連拎起個相機既衝動都無。呢間野一杯凍檸茶可以要求澀度濃度冰度甜度。好似你想點，佢都可以整出黎。好似我要左杯澀+少甜凍檸茶，點知黎到就唔係好澀，佢即時換過杯俾我。呢個咁好Service 唔係度度有。
Menu
好：蛋牛治同凍檸茶都好好食
壞：麵身太快出鹼水味
光顧日期：18 August, 2013
地址 : 深水埗桂林街38號A地下
Openrice : http://www.openrice.com/restaurant/sr2.htm?shopid=14488
沒有留言:
張貼留言