華記士多 (街頭滑蛋飯)

人均消費：HKD$28

今次推介 ─ 咖喱雞肉蛋飯

西灣河華記士多其實係一間幾出名既士多，佢位處後巷，但食客人數不少，出名既係d咖哩蛋雞肉飯， 星期六日大概下就兩點鐘左右就買曬， 如果相食的話就要早d去。 佢記午餐飯款選擇唔多時係得一款就係咖哩雞肉滑蛋飯。 加上佢既芝士咸牛肉多士都係好好食，好食在於塊芝士。

暫時Openrice 都唔係好多食評，都仲可以快人一步食下個滑蛋飯。

咖哩雞肉滑蛋飯其實佢好似日本咖哩飯蛋咁， 咖哩味唔係十分濃， 蛋比較滑同多蛋漿。 在飯入面，佢加上雞肉去煮，迫出雞油，再後來加上豉油，但佢既油又控制得宜， 唔會太油膩。

你間餐廳所用既蛋絕對不吝嗇，一個咖哩飯可能用上兩隻雞蛋，佢既滑蛋先係正野，咖喱就一般啦，我都係鐘情佢又大又多既滑蛋，飯既份量絕對夠一個人食，加上有少少油，都幾飽。

芝士茄汁鹹牛肉多士

芝士茄汁咸牛肉多士， 其實勝在塊芝士剛剛溶到好似醬咁，而個醬又真係好豐富，好濃。佢既咸牛肉就咸左DD，如果可以無咁咸就仲好，一件多士，當然係烘底先好食，但呢間既烘底就超普通，假設十分滿分，我只俾四分，因為真係唔係好脆同麵包都係超薄，無乜咬口可言。

士多門面

佢位處小巷，所以要搵都要由大街行入去，因為坐後巷，所以唔洗著太靚咁去，加上佢好快賣晒野食，最好既幫襯時間係兩點前。宜家唔係好紅，可以快d去食。

光顧日期：25 May, 2015

地址 : 西灣河筲箕灣道48號地下3B號
Openrice : http://www.openrice.com/restaurant/sr2.htm?shopid=449715

我個Facebook 會經常Update，可以Like 埋。 Facebook Link。