其實我今日去之前都以為呢間係新式小店，見Openrice 有半價Discount就去一試下，一個鐵錘天使麵連加一都係$77，見個鐵錘係新野就去試下，點知係連鎖到無朋友，超多分店果隻，咁呢個價就即時合理晒。就即係咁，呢間連鎖野呢新開張時，佢D野食份量都足，可能都係搏大家好評，但覺得好食先會話好食，呢間野我食完既Comment 係佢好夠味，夠味來自味精好重手，如果大家去食，可以叫佢少鹽。
鐵錘熔岩天使麵 ($64)
呢個野上檯時佢會俾個都鐵錘你扑開個酥皮蓋，之後入面d 餸仲係熱既，呢個意念係香港都幾fresh 下。
佢既麵身係天使麵，而佢又咸又盛既杰爆湯底，其實係喇沙醬，又辣又咸，佢滲晒係d麵度，麵身超夠味。
如果佢無咁咸，呢個都未嘗唔係一個好選擇。
芝士玉子卷 ($68)
佢既玉入面有芝士，呢個都係佢既特色，但佢個玉子就想抄日式玉子，但就唔及日式玉子咁腍，可能因為要包含芝士，如果太腍，d芝士可能會走位。就因為食開日式玉子，你好容易分到佢呢個蛋既部份。不過公平d咁講，佢有層芝士，仲要芝士好濃，咁已經好好。
加上，佢完條玉子上檯，自己慢慢切開，芝士慢慢咁流出黎，好似流沙奶皇包咁，視覺效果都不錯。
一條玉子，平時係唔會十分夠飽，但一旦加左芝士，咁就膩左好多，份量即時加左好多。
芝士都唔少，條玉子原條上檯
好：今餐其實都有創意。
光顧日期：16 October, 2015
地址 : 上環皇后大道中181號新紀元廣場低座2樓201號舖
Openrice : http://www.openrice.com/restaurant/sr2.htm?shopid=464832
我個Facebook 會經常Update，可以Like 埋。 Facebook Link。
沒有留言:
張貼留言