泗益 (赤柱平民餐)

人均消費：HKD$33

講起赤柱，大家都會不期然諗到貴既西餐，但作為香港人，又唔一定去到赤柱就一定食西餐或者貴野，我呢D窮人成日都食平民餐，入到赤柱都會搵D平野食。唔好以為我為左食平野而食平野，你大可以上Openrice搵下赤柱有乜食，泗益就係赤柱既首位。

講下佢有幾吸引先，佢既野食係即叫即制，所以你要預留DD時間去等食，唔好等到最後一分鐘先入去。因為有可能要排隊，係食Lunch 既時間去幫襯的話就多數要排隊，仲要排左隊都唔一定有野食，佢D野食好快就賣晒，所以睇下你既彩數。係大時大節入赤柱既話，多數都食唔到，平日去食會好D。

今次推介 ─ 魚柳包 ($13)

個魚柳包都唔係有好多料，包一個，魚一塊，芝士一塊，沙律醬少許，但佢可以做到好食，即叫即制都係一個好好既Selling Point。先講個包，佢有別於老麥既個包，老麥既個包係林包，熱極都唔會點脆，但泗益用既包好似法包咁，佢即叫即制個包又熱又脆，上層同底層都係脆既，超好咬口。

另外講下塊魚，一般餐廳用既炸魚塊都係薄薄的，但泗益用既魚唔厚唔薄，又唔會搶到個包既厚。佢既炸度又唔係好油，加上有個包吹左D油，食落都OK。

蛋牛出前一丁 ($20)

出前一丁就係邊度食都係差不多，但分別在於個蛋牛一丁，佢個蛋牛好似咸牛肉一般，又有少少似午餐肉蛋咁，因為佢既蛋牛既牛肉真係有少少咸，個感覺食落都幾特別。大家都可以不妨一試。

Menu

睇過就知佢都係賣平民野

佢有時好早就賣晒D野食，如果你想試佢既特色，好似無醬多士，咁就要早D入去赤柱，否則好多野都食唔到。

好：佢即叫即制，D野好新鮮。
壞：佢辰排隊，有少部分係因為佢上菜須時，所以就要預多D時間食一餐。

光顧日期：2 November, 2013

地址 : 赤柱市場道2號
Openrice : http://www.openrice.com/restaurant/sr2.htm?shopid=6625