2015年12月24日 星期四

博多拉麵別天神 (名聲大食物一般拉麵)

人均消費:HKD$75

豚骨湯麵 ($75)

銅鑼灣其實都有好多拉麵,登龍街又有謝非道亦有。近日拉麵熱潮已經俾好多其他野食蓋過晒,不過我為左搵更多好野食,我都會繼續試下。

講番別天神先,佢有有兩間分店,之前兩間都好多人,成日排晒長龍,睇人地既Comment 其實都係好壞參半。我自己食完後又唔會話唔好食,但佢呢個價可以話係合理。佢輸係個湯底同麵身。

2015年12月19日 星期六

中國冰室 (電影拍攝場地)

人均消費:HKD$38

呢間冰室係香港其實都係一個比較舊式既冰室,香港已經買少見少呢D地方,電影拍攝到一D舊既地方,少不色去呢D冰室,如果你抱住個心態係慢活又或者係想去懷勉過去,呢間佢絕對係好好既餐廳。佢有舊式吊扇,舊式樓梯,舊式傢俱,舊式牆磚同地磚。

一入餐廳,你會有個好唔同既感覺,出面係繁榮既旺角,轉入一條小巷就已經係舊式餐廳,對比相當大。亦都係呢間餐廳既特色。我今日都係餐廳入面坐左成兩個鐘,佢又唔會嘈你,望住吊扇慢慢食。正。比起一般Cafe,我自己就prefer呢D餐廳。

牛肉炒麵 $38

2015年12月13日 星期日

君御燒味 (充滿蜜汁超Juicy叉燒)

人均消費:HKD$20

今次推介 ─ $20叉燒外賣

叉燒其實你又點會未食過,一舊正既叉燒,一可以堂食,即切即食,肉汁最Rich既時候食,你亦都可以外賣拎走,最常就係$20叉燒拎走。

不過有時D叉燒乾身D就好易柴皮,想舊叉燒腍,一定要加汁,有好多舖頭都會以豉油充當係汁,但其實咁唔係咁好,一來會好咸,二來會搶左舊叉燒既味道。

呢間位於天后既燒味店,佢既外賣叉燒係加勁多蜜汁俾你,等你拎回家時都會腍,但又唔會太咸,蜜汁甜甜地,舊肉就更Juicy。

2015年11月28日 星期六

正宗山西刀削麵皇 (刀削麵超正)

人均消費:HKD$38

講下無聊野先,刀削麵其實係先整好一舊麵團,然後用刀,削下削下咁,今時今日,刀削麵都有部份係用機器整,789屋都有得賣,但同大陸既又好唔同,刀削麵話晒都係中國起源,所以更加好食既美食都在民間。

荃灣呢間正宗山西刀削麵皇已經係區入面好出名,好多人幫襯,星期六日食飯時間更加大排長龍,一來佢又唔貴,二來佢既麵食正。

五香牛肉刀削麵 ($38)


2015年11月27日 星期五

熊築地 (銅鑼灣都有手卷)

人均消費:HKD$19

上排講到街知巷聞既外賣手卷,以足料同平出名。宜家銅鑼灣都開左間外賣店。呢間個格局都似係主打手卷同刺身,新開張初期仲有特價生蠔,$12/隻,一買就要半打咁上,不過質素就麻麻地。

相對之前都介紹過有兩間出名嘅手卷計,呢間既手卷都尚待改進。


印包括係紅磡幾勁回味紅米中有葵涌廣場嘅手捲勾地兩間都做得幾好同埋幾平今次去銅鑼灣見到一間新開既外賣店去都係主打小卷

今次推介 ─ 海膽手卷 ($19)

2015年11月23日 星期一

聖安娜餅屋 (油爆抹茶)

人均消費:HKD$13

抹茶生意太好賺,XX上茶又推咩抹茶菠蘿包,抹茶撻,平時已經見到美x,x海堂有抹茶卷蛋,呢期聖安娜都推抹茶產品,包括抹茶卷蛋同抹茶蛋糕,見佢一件Cake 試食價$13,加上佢又唔係好深綠色,所以就試左,中伏了。

2015年11月4日 星期三

榮記粉麵 (湯底超入味車仔麵)

人均消費:HKD$45

今年米芝蓮都開始公開入圍街頭小食,有間荃灣車仔麵都入圍,果間我嫌佢太細碗,份量唔夠,不過唔係我食呢間,今日食呢佢係銅鑼灣都係出名野,出名貴同出名個湯底入味同個雞翼尖加埋大腸,佢亦都係出名貴,一個車仔麵都要成$39,如果好似我咁,衰口渴,加多左罐汽水咁就$45。不過咁講,佢既雞翼尖又寅係好腍,雞皮都唔錯,之前食話,但無影相出黎。相反,今次我就飲埋D湯。

你可以由下圖睇得出碗麵既湯底都好濃,佢既湯底比起好多牛腩汁都濃,仲要係好味。好似日式拉麵咁,個湯底吊起成碗麵既Quality,跟埋豆腐卜食就最正。

講番份量,今次食,我超夜去食,由下晝餓到十點,呢碗麵既Size 相當ok,唔少野。


光顧日期:4 November, 2015

地址 : 銅鑼灣糖街27號A地下
Openrice : http://www.openrice.com/restaurant/sr2.htm?shopid=11415

我個Facebook 會經常Update,可以Like 埋。 Facebook Link

2015年10月25日 星期日

廣成魚蛋粉 (冬菇味既雲吞)

人均消費:HKD$21

香港人食雲吞其實都已經愈來愈奄尖,我自己都已經要周圍去搵先搵到好食既雲吞,今日就入到大埔廣福邨,呢間係好多單車發燒友都常去既餐廳,因為呢間野小食亭,可以泊單車既,食飯落腳順便休息然後再去大尾篤。冬天無冷氣都唔大問題,但夏天就唯有等佢開牛角扇。

講番野食先,佢既出名係魚蛋同雲吞,但我自己一個人無可能食晒兩款,只好叫左一碗淨雲吞,加上我之前都食過香港仔魚旦,彈牙程度我又覺得呢間唔及香港仔魚旦黎,再者,我聽同檯既伯伯咁講話唔夠彈牙,我即轉軚食雲吞。

2015年10月17日 星期六

生煎包點心專門店 (厚粉量足價平點心店)

人均消費:HKD$37

今日去到筲箕灣,諗住搵間好食既餐廳食啦,有一個方法係杜x風都agree,就係睇下佢多唔多人幫襯為指標,我見呢間生煎包專門店其實好多人去,諗住無死錯人啦,成班老一輩人士幫襯,都係貪佢大件夾抵食,所以就好多人去幫襯。

佢既價錢都唔係好貴,一籠點心都係講緊十元八塊,蝦餃都唔會加價,從價錢睇,佢都算平。另外,佢寫到明,樣樣都係即叫即蒸十分新鮮。作為後輩既我要求當然唔係單單係大件夾抵食,有時都會Compare 埋其他野。

當然食完就有唔同Comment,好似食開添x運後,對點心要求。

小籠包 ($16)

2015年10月16日 星期五

119 Plus (內有乾坤新式韓食)

人均消費:HKD$77

其實我今日去之前都以為呢間係新式小店,見Openrice 有半價Discount就去一試下,一個鐵錘天使麵連加一都係$77,見個鐵錘係新野就去試下,點知係連鎖到無朋友,超多分店果隻,咁呢個價就即時合理晒。就即係咁,呢間連鎖野呢新開張時,佢D野食份量都足,可能都係搏大家好評,但覺得好食先會話好食,呢間野我食完既Comment 係佢好夠味,夠味來自味精好重手,如果大家去食,可以叫佢少鹽。

鐵錘熔岩天使麵 ($64)

2015年10月11日 星期日

蒙麵車仔麵 (料正車仔麵)

人均消費:HKD$38

紅磡區既食肆,唔多唔少都係為左一眾理工大學同學服務,無他既。學校飯堂都係由大型連鎖店玩晒,午飯放Break 都係局食學校Canteen,佢又唔會點平俾你wor,係頹飯先叫做平少少。今時今日Poly學生想搵平野食,就近係紅磡。呢間叫蒙麵既車仔麵店,佢其實係一間小店幾受歡迎既車仔麵店尢其係佢既蕃茄湯,都幾濃湯。

呢間野有一個Selling Point 就係個男廚都幾靚仔,各位可以一去。

今次推介 ─ 蕃茄湯底

2015年10月3日 星期六

可可店 (平民價煎腸粉)

人均消費:HKD$30

煎腸粉或炒腸粉(下稱煎腸粉)係香港其實已經唔係咁容易搵到,事關工序多過一般腸粉,仲要存放期短,所以唔多地方有得食。煎腸粉之所以好食在於燒蕉部份腸粉,令到更加香口,手勢好既師傅當然係唔會炒燶,種種原因下,真係唔多地方有,有D茶樓都會做煎腸粉。

近年酒樓已經興起用點心紙,少左推車仔,煎腸粉呢樣野已經愈來愈少有,取而代之既係玻璃腸粉,來貨既腸粉都已經少左好多,不過都無計。但始終食法唔同,兩者無得直接比較,所以仲可以生存。

可可店最出名既就係煎腸粉加蛋,同埋佢既糖水,尢其夜晚,佢真係堅多客。仲有佢又平,一個飯款都係$30幾蚊,仲可以加$2有支裝可樂,下圖仲有Menu。

今次推介 ─ 煎腸粉 ($14)

2015年10月1日 星期四

哥登堡餐廳 (港式扒房)

人均消費:HKD$90

近日聽見一D舊式既港式扒房都相繼執笠,呢D舊式扒房已經買少見少,所以唯有快D去幫襯下。其實我自己都幫襯過其他舊式既港式扒房,好似飛鷹、美而廉、金鳳、波士頓同金雀。呢間哥登堡我就未食過,食完之後我都發覺D舊式既港式扒房係有一個共通點,就係大件夾抵食。

今次呢間就麵包+湯+一個頭盤再+一個主菜。

湯都係紅白湯;
頭盤裡可以揀田螺或串燒;
主菜扒方面你可以揀兩款扒類。
淨係個湯,麵包同頭盤都已經好飽,所以如果你係一個細食既人,個麵包真係可以拎走做第二日既早餐。

牛魚扒 ($90)

2015年9月20日 星期日

定食8 (白飯任擦湯任飲)

人均消費:HKD$53

呢間定食8,其實佢都係爭鮮集團其中一間分店,不過呢間主打既係定食,佢一個定食都係$53蚊(已包加一),包一個主菜+水蛋,同一個果凍甜品,仲要任飲任食,任飲湯任食白飯。如果一個大色既人,你食3~4個白飯都可以。(利申:我都食左三碗飯同飲左兩碗湯)

佢都好多人排隊,好似晚上六點鐘左右,咁就可以避開最多人既時候,佢好在有限坐90分鐘,如果唔係就個個都係咁添食。佢都可以稱得上係半任食,你一定會食得飽,除左明將又一個可以打大佬既餐廳。如果你去爭鮮堂食店,呢個價錢,你只可以食到6碟咋。

豪華海景丼 ($53)

2015年9月16日 星期三

I Cremeria (水準愈來愈唔掂Green Tea)

人均消費:HKD$58

今時今日係香港想食綠茶雪糕,其實一d都唔難,都係視乎係唔係要排隊,今日我食呢間就好聰明,佢只係門口擺幾張檯同椅,咁局你外賣拎走,咁就唔使等得太耐就可以食到。

呢一間嘅綠茶雪糕都有好多種選擇你揀,最平既可以$38蚊,但係如果你想加多d其他配料,例如銅鑼燒,果凍之頖的話,咁就要再加錢,我都額外加多$20蚊。

呢間野已經係咁開分店,佢又revise 過Menu,呢個銅鑼燒都已經係新product。


呢間野簡簡單單既綠茶雪糕都已經賣緊$38,如果想加多少少就當然係加錢,係一個唔係好多座位既餐廳,佢都要賣咁貴,以銅鑼燒既Cream 相對於茶之環,I Cremeria 又唔及人地咁濃(其實呢間唔香綠茶味),個雪糕就fair,好快溶,相對Via Tokyo又係唔洗講。

呢間野既成勁就係因為佢唔太多座位,個個做外賣,turnover 快,不過我唔太buy佢呢套,話晒食甜品仲貴過食正餐,我點解唔揀個好時間去其他呢?

壞:食甜品都無得坐,仲要唔平,我又唔係覺得好抵

光顧日期:16 September, 2015

地址 : 銅鑼灣記利佐治街11-19號名店坊1樓
Openrice : http://www.openrice.com/restaurant/sr2.htm?shopid=348675

我個Facebook 會經常Update,可以Like 埋。 Facebook Link

BBQ Chicken-Premium Chicken (韓國炸雞大學好巴閉)

人均消費:HKD$75

呢間BBQ chicken,有咩咁特別,就係佢其實係韓國有間研究所去研究d雞點整每一個部份,仲有佢呢間既比起其他既炸雞店多兩隻味,分別係芝士味同埋係蜜糖脆片味,其他既炸雞店相比之下係比較輸蝕。

仲有我打得出黎,就係想分享一下特別野,呢間野好多人排隊,如果你想食一定要睇啱時間唔洗點等位就最好既,首先呢間野無分Lunch 同 Dinner 既收費,咁當然係食Dinner 比較抵食。你六點鐘至六點半好去到,六點鐘半前入座的話就唔洗點排隊,一去就有位,如果你遲過呢個時間,你有好大機會要等1 Round,最Worst 要等90分鐘。

蜂蜜脆片炸雞 ($135)

2015年9月13日 星期日

金柚泰國餐廳 (泰式重口味)

人均消費:HKD$72

大角咀呢個區,好多出名既都係中式餐廳同埋打邊爐,如果你想食其他野唔係唔得,而係其他野唔多,但呢區野食都比較好食。今日我就食左個泰國野,我都係搵左陣先去,呢間野絕對唔可以用平黎形容,只可以用好食黎形容,再加上呢間餐廳用料相當十足,個鐵板蠔仔既蠔仔好似唔洗錢咁。

鐵板蠔仔 ($78)

2015年9月11日 星期五

高呼 (醬汁唔及韓式多士店)

人均消費:HKD$25

韓國好出名既多士店Issac,係韓國超出名,想食都唔難,佢就算係澳門已經開左分店,但我窮,唔可以為左件多士去澳門,係香港都仲未有分店之際,好多其他餐廳都想飲頭啖湯,今日我就去左一間係炮台山既多士店,佢主力賣緊既有五款,價錢都係$25-$40蚊咁啦,平過Issac澳門店少少,款式就少好多。

呢間小店開左無耐,Openrice 寫既營業時間唔準,我成八點先去到都仲有得食,但Openrice 寫佢收八點。佢有飯同多士及小食,我在場見到隔離檯既飯款,個Size 好細,望埋個Menu 個價錢,Oh,明晒。$40有個飯,仲要係紙碗上,細上右細,我自己就當然係食我既多啦。

吞那魚韓式多士 ($25)

2015年9月7日 星期一

Haru Haru (Happy Hour 食炸雞)

人均消費:HKD$81

食炸雞真係易左好多,韓國炸雞拼啤酒簡直係美事,呢間係一間超平民化既炸雞啤酒舖。我都係睇完個Menu 先諗到可以一個Happy Hour 食炸雞飲啤酒吹水,又唔貴既一件事。一個半份既炸雞加四支啤酒,埋單$139,如果兩個人吹水計,一人都係$70,佢話雖有限坐2小時,但絕對夠你Happy Hour。絕無吹水,我仲列埋條數出黎,頁尾仲有張單。同埋下次去Happy Hour 我都會推介俾朋友。

 
數量
單價
價錢(HK$)
炸雞半隻
1
79
$79.00
韓國啤酒Lite
4
15
$60.00
埋單合共
 
 
$139.00
 
 
 
 
人數
2
 
 
人均消費
 
 
$69.50

今次推介 ─ 無骨香辣炸雞半隻 ($79)

2015年9月4日 星期五

幸亭拉麵 (巷仔粗身拉麵)

人均消費:HKD$78

星期五,食Lunch 同人爭位是常識吧,難得出到灣仔區食Lunch,相信今時今日灣仔連茶餐廳都要40蚊落樓既時候仲要好屎多人等位。我倒不如食日式拉麵。我之前在網搜尋過,附近有五間拉麵,逐一試勻佢。

日式拉麵黎計呢間收$78,佢包一碗拉麵,兩隻餃子加埋罐汽水,收費相當合理。

豚骨御品拉麵 ($78)

2015年8月30日 星期日

半熟工房 (大熱芝士撻唔夠芝士)

人均消費:HKD$22

近期大熱芝士撻,我又點會唔去排隊一試,不過真係覺得$22個撻有D貴,同埋黎緊市面上有好多新既競爭對手出現。如果你未試既,宜家真係唔好急住試同排隊。

我自己食過銅鑼灣Sogo 果間BAKE 同尖沙咀呢間半熟工房,我已經將呢間比下去,因為真係差好遠。

2015年8月29日 星期六

卷之屋 (熱鬧外賣手卷店)

人均消費:HKD$19

手卷呢樣野食我諗都諗過佢會咁受歡迎,我之前食過間叫勁回味,都係做外賣手卷既,佢都已經好多人幫襯,放工放學時段仲多人過乜。兩間都係手卷外賣,兩日都超多客人,佢地兩間都係主力sell 手卷,店員都做到唔停手。一間係尖沙咀,一間係葵芳,無搶生意,各有各做。

今次推介 ─ 帆立貝手卷 ($19)

食臺 (Rich 爆流心蛋)

人均消費:HKD$28

芝士呢期就發晒威啦,又咩Issac 多士,又咩芝士撻,宜家乜都加芝士,又要可以拉絲先正,葵芳區爆出名既食臺,佢超出名既係法式芝士流心蛋厚多士,因為佢夠流心,但流心唔係用油,而係用蛋黃女,比較健康。

佢又係食下午茶既時間供應,連時間都夾好晒。即係佢預左你食左飯先再去幫襯。一個tea 收tea set 既價錢,絕對唔貴。$28仲有杯熱飲。

今次推介 ─ 法式芝士流心蛋厚多士 ($28)

2015年8月23日 星期日

嘆一嘆 (踩車人士多個選擇)

人均消費:HKD$38

一間茶記,都唔係有咩特別,做乜講呢?我話晒都會得閒踩下單車,咁一離開沙田,一係去科學園食,一係就大埔食,但就好多人一齊爭位,今次經朋友介紹後,火炭都係一個有野食但唔多人既地方,只要未到馬場轉入火炭方向就可以,呢度食個飯都係$40左近,同大埔或科學園[可以泊單車既餐廳比較],呢間唔算貴。

雞扒腸飯 ($38)

2015年8月22日 星期六

小時光 (好似臺式舖頭咁)

人均消費:HKD$75

Cafe 對於女仔呢講係食個Feel,而唔太著重野食質素,今日我去左間好有臺灣Cafe既餐廳,佢係觀塘廠廈,都唔係容易搵到,我都搵左一陣先去到。一入門口,直係令我置身臺灣既感覺,好值得讚。佢係各方面都落左好多功夫,由裝修,傢俱,佈置,食具,全部都係有心之作。野食方面當然都係臺式野,不過款式就少左DD。

價錢方面,佢都唔係十分平,野食同野飲分開叫,一杯野飲都成廿蚊,不過你一上過openrice,你都會叫野飲。我諗都係要維皮,因為裝修,傢俱,佈置,食具,全部都係錢,我自己一個人食,Lunch,一個飯加杯野飲,$75落樓。

2015年8月8日 星期六

京笹居酒屋 (鮮+爽海膽)

人均消費:HKD$70

我成日都講話一間餐廳夜晚去幫襯,可能要$200,但換轉Lunch 去食,價錢可以平一半以上都唔出奇,Provided that 間餐廳係好食。我就當然試下先知,未食之前都聽朋友講話呢間餐廳都唔錯,可以一試,但一上Openrice,見到要成$200。我當然apply 番我自己套Logic。

呢間餐廳係日本人主理,如果你又識日文,可以同佢地吹下水,不過我就完全唔識,齋聽佢地講。加上日本人打理既服務真係唔同d,係咁不停咁加水,抺檯。

佢個Lunch 收我$70,我都唔覺得太貴,反而覺得合理,事關佢料都靚既,同埋又有服務(當然佢有加一)。

今次推介 ─  海膽魚生飯 ($70)

2015年8月4日 星期二

Lemongrass (情調滑雞餐)

人均消費:HKD$55

希雲街一帶都係食甜品既地方,未食甜品前食左個正餐先。呢度開間南亞野食,佢馬來西亞、越南、泰式野都有,都幾雜下。不過佢間餐廳都走D中低檔路線,不過佢又唔係太貴,一個Dinner 係銅鑼灣都係講緊$60有找,連南龍都係差唔多呢個價。但野食選擇相對少。

自己一個人食就更加講究,係星期二既傍晚時份,剛剛過左個好忙既星期一後 relax 下,呢間個環境又唔係全光晒,半昏暗情景下個人幾放鬆,呢一餐係食埋個環境,我就算影相都要推高ISO。

椒麻雞飯 ($55)

2015年7月25日 星期六

壽司屋 (入口即溶火炙壽司)

人均消費:HKD$69

呢間餐廳其實我上次食對面華記時已經有留意佢,一間小店,但佢既客人唔少,lunch 時間都會有好多人排隊去食,我一上openrice 一search 之下,就見到既係無劣評,加上有人龍既多,通常都唔會死錯人,我一食過,之後一定會再幫襯。

一間小店,佢樓面細,只可容納十個人,如果你坐Bar 檯,你仲可以睇住佢點整野食。加上食落就知佢大件夾好食招徠,好似日本小店,一邊睇住師傅整,一邊食。呢間野既三文魚刺身,佢又唔係太貴,$35有4片,每片都唔係太薄,都算厚切,足料既。而佢火炙壽司又入口即溶,已經好正,如果齋食以上呢兩樣野,都係講緊$55,但入口溶化既feel,絕對唔同講法。

今次推介 ─ 火炙左口魚壽司 ($20)

2015年7月24日 星期五

黑鉄屋 (伏之拉麵)

人均消費:HKD$97

夜行灣仔,諗住呢個高消費既地方,附近都有幾間拉麵,見呢間個Comment 都唔係太差,就去試,一試就虐待自己個肚,仲要俾成$97,未入餐廳時,見到餐廳都唔係好多客,都已經聞到伏味,心諗唔通貴野唔多人黎,一試就知道自己太樂觀。俾我下次都係去番神虎,at least 個湯正D。

赤兵衛 $97

2015年7月19日 星期日

Izumi Curry X Beard Papa (薯蛋頭先生主題餐廳)

人均消費:HKD$75

呢期好興主題餐廳,但我都唔會去晒,點都會搵隻得意既公仔先去,話晒D主題餐廳佢唔會太平,我話晒都係窮人一名,所以都要Source下。最好就配合埋有大公仔出現既時間先去,咁就可以同公仔影相同食環境。薯蛋頭先生同Izumi Curry Cross Over。Izumi Curry既野食我就唔想去Comment,因為唔太抵同味道一般。如果唔係主題餐廳,我都未必去。見薯蛋頭先生咁Cute,咁再加上有大公仔出現。

2015年7月17日 星期五

Minions McDonald's(迷你兵團主題餐廳)

人均消費:HKD$22

Minion 已經出左好耐,宜家仲有埋主題餐廳,佢既價錢同平常McDonald's 係差唔多,加上佢宜家推出左好多主題食物,就好似香蕉批咁,呢個價錢又唔係好貴,老麥D野食,大家心中有數。係得銅鑼灣廣場二期呢間分店做緊。睇下相,睇完大家可能想即刻去。

香港無Universal Studio ,唯有去M記頂住先

呢個係外觀

2015年7月12日 星期日

Zeezee Pizza Cone (可以拉絲既筒上既Pizza)

人均消費:HKD$13

近排都好多小食都吹晒強風,又咩芝士撻,牛角包,熱狗同三文治,百花齊放之下,我試個Pizza Cone 先,上排睇youtube,分享下個Pizza Cone 點整出黎,https://www.youtube.com/watch?v=shsY7FwcCnw 見佢又靚仔,貪佢拎上手食時都方便,加上搵到香港有,就去。

宜家好多餐廳都好巴閉,星期日係唔開門,想食好野都要就時間。呢間星期日開,但就唔近地鐵,你可以由旺角金雞廣場坐小巴去香港仔,同司機講"田灣街口有落"就到。要搵到都唔難,加上佢又唔係貴,$20都可以有交易,相對Pizza屋就半塊都食唔到。加上佢用筒上,呢個已經加左唔少分啦。

今次推介 ─ 千島醬吞拿魚筒 ($13)

2015年7月5日 星期日

妹記 (大埔熟食中心既叉燒飯)

人均消費:HKD$30

講起燒味,今時今日,連灣仔再興都堂食加價加到$30碟既時候,都好難再去搵到平兼好食既叉燒,今日我去左大埔街市食,叫個客家炆豬肉飯,佢又唔呃你錢收$25,真係難拉。另外,我相信係香港無人未食過,一個好既叉燒,我自己覺得之下三點先重要:

1)叉燒汁,汁要夠蜜;
2)叉燒肉,肉要腍而唔鞋;
3)叉燒厚薄唔可以太薄。

今次推介 ─ 客家炆豬肉飯-碗上 ($25)

2015年6月25日 星期四

中村藤吉 (不值得排隊既抹茶)

人均消費:HKD$97

開左一排既中村,話晒佢既茶葉係日本都幾出名,今次佢黎香港開分店,仲要食正抹茶條水,好多人都話點都要排一次。個個都話想去食,加上佢又收得早,一眾打工仔想食都唔係咁易。一係有朋友番Shift,可以排定,一係就3~4點去排下。

事實係我食完呢餐完全覺得排隊時間係浪費,因為佢既質素又唔值得你排咁耐,加上佢又唔係好平,一個Set,唔太有特色既,但要你成三個鐘既時間,呢個先唔抵。

腐皮抹茶蕎麥麵餐 ($78)

2015年5月31日 星期日

豪華咖啡茶廳 (灣仔平價好食首選)

人均消費:HKD$30

未講佢既質素之前,一個午餐,有多士又有個麵,係灣仔,可以做到幾平,我話你知,超級飽肚,都係$30,呢個價錢同呢個份量既野食,你大只可以係早餐時段食到。但都唔係你話想食就可以食到,話晒佢既營業時間係唔包夜晚,你只可以早餐至下午茶時間去。

豪華咖啡茶廳其實佢都有開分店,就正正開係隔離,但始終都係舊鋪好少少。

今次推介 ─ 蛋牛治烘底 ($13)

2015年5月30日 星期六

火星料理 (足料韓國人既菜式)

人均消費:HKD$75

觀塘被市X局大力發展,呢區野食已局上廠廈,但好多餐廳都做到好貴,達唔到去廠廈食平野既目的。觀塘廠廈野食五花八門,乜野食都有,今日我就去左食韓國野,呢間野既款式

呢間野叫火星料理,唔知係唔係受到《單身男女》影響,所以覺得火星係勁D,好少有咁強既名。佢既野食又真係唔差,首先講下宜家香港既韓國野,都係好多人有情誼結去金巴利道一帶(下稱韓國街)食,但你可以睇番韓國街D野係一D都唔平,食既野仲要唔係好得,食完分分鐘劣評。但呢間火星野食方面都好正,味道唔係一味靠咸,佢又唔係一味靠辣。

今次推介 ─ 豬肉雜菜拌飯 ($75)

2015年5月25日 星期一

華記士多 (街頭滑蛋飯)

人均消費:HKD$28

今次推介 ─ 咖喱雞肉蛋飯

西灣河華記士多其實係一間幾出名既士多,佢位處後巷,但食客人數不少,出名既係d咖哩蛋雞肉飯, 星期六日大概下就兩點鐘左右就買曬, 如果相食的話就要早d去。 佢記午餐飯款選擇唔多時係得一款就係咖哩雞肉滑蛋飯。 加上佢既芝士咸牛肉多士都係好好食,好食在於塊芝士。

暫時Openrice 都唔係好多食評,都仲可以快人一步食下個滑蛋飯。

2015年5月12日 星期二

Starbucks Coffee (連鎖既特色店)

人均消費:HKD$36

Starbucks 你個名字係香港人類變絕對唔會陌生,一杯咖啡可以買成4~50蚊,有人為左返工頂癮去飲,有人為傾生意而去,又有學生哥為有個地方溫書做功課而去,呢間野好唔好飲,大家心目中都數,唔洗我講。

我點解今次都要推介呢間Starbucks俾大家,係因為佢係香港都有兩間特色既Starbucks,包括係中環都爹利街,另一間係旺角洗衣街。 兩間餐廳入面嘅裝修主題都各具特式。

洗衣街既Starbucks,佢裝修方面亦都有加左舊式冰廳既餐牌。

如果個環境可以不一樣,而咖啡質素同價錢相約,又加埋地處旺角,我又覺得一試無妨。

2015年5月10日 星期日

祥興記上海生煎包 (皮薄生煎包)

人均消費:HKD$28

以前食生煎包,我會去豆品舖食,偷佢夠平,三四蚊一隻,有時一兩隻就已經好夠。但宜家豆品舖愈來愈少,所以我都唯有去店舖食。上排已經聽過好多人講話呢間祥興記既生煎包正,我今日去食。野食方面真係有驚喜,但呢間都有Minimum Charge,咁就真係唔係好得。我唯有拎出門口食唔係堂食,咁先可以慳個Minimum Charge。

以前豆品舖三四蚊,宜家$7/隻,當然係大分別,之前既會落好多油,但呢間就唔係太多油。但佢又唔燶。佢又收得呢人個價,我又覺得收得唔貴,事關佢真係俾心機去做。

今次推介 ─ 上海生煎包 ($28)

2015年5月5日 星期二

勁回味 (街頭手卷)

人均消費:HKD$18

港式小食唔一定要食燒賣,手卷都可以係一個選擇。港式手卷其實都唔係很新鮮的東西, 香港都有兩三間都比較出名的街頭手卷,一間係長洲,一間係葵涌廣場, 港式之所以出名既地方在於,佢會將日式手卷改良,加上香港特色既調味,好似沙律醬。

今次推介 ─ 帶子手卷 ($18)

今次我叫左珍寶帶子手卷,珍寶帶子係同普通帶子既分別在於size。愈大隻帶子就愈貴,但呢間野佢又可以做到$20有找,食水一d都唔深,出面街食一隻珍寶帶子刺身都成$10/隻,佢連埋手卷都係$20,價格相宜可接受。隻帶子略帶鮮味,但好新鮮呢就唔係囉。


2015年5月3日 星期日

銀咖喱 (平加好食既日式咖哩)

人均消費:HKD$30

以連鎖餐廳計,我真係好少去食,今次去食,就係因為糧尾,我都唔係好夠錢洗,想係荃灣搵野食,但又因為D野開始加價,細佬都覺得貴左好多,唯有周圍兜下,又點知俾我搵到間又平又大碟既日式咖哩飯,仲有吉列豬扒,埋單$30。所以都有唔少學生哥去食。呢間餐廳都有幾間分店,多數都係新界,咁先做到平。

咖哩吉列豬扒飯 ($30)

2015年5月1日 星期五

GUM "JENG!" X 御前上茶 (食抹茶都係食日本)

人均消費:HKD$44

呢期都有成三至四間專做綠茶既舖頭開張,即時做報紙雜誌既就好開心,一次過做晒比較,又有得出,又慳番唔洗寫咁多次,呢間係其中一間,呢間來自台灣高雄既綠茶,去幫襯呢D舖頭最好一個人去,因為唔洗等位等咁耐,我公眾假期夜晚十點鐘去到,都係等左三分鐘左右,如果想食澀少少既,呢間都OK。太多人去都係得個等字。

食甜品唔甜就唔好食,就呢間綠茶計,我唔會俾佢好高分,5分or6分 over 10分。

紅豆白玉抹茶雪糕 ($44)

2015年4月25日 星期六

孖沙茶餐廳 (emoji 叉燒蛋飯)

人均消費:HKD$29

男人的浪漫,就係去食茶餐廳,但都唔係間間茶餐廳都係好,今日去食既孖沙茶餐廳,佢既叉燒太陽蛋飯,係用上三隻蛋去整,你可以話蛋白質都好full,營養高啦,之前有食客食完後,post 左張相上網,叫做三眼仔飯,就係因為佢整三隻蛋時排成一直線,個樣似足三眼仔,就係因為果張相,所以我都去左幫襯。我今次都好好彩,食到佢係貌似emoji咁,可以話係一餐未食就先驚喜既餐廳。佢又好好生意,下晝一點左右就賣晒叉燒,但蛋就無咁快賣晒,你都仲可以食個餐肉蛋飯。但我都係會推介你食叉燒蛋飯。

今次推介 ─ 叉燒太陽蛋飯 ($29)

2015年4月24日 星期五

武士拉麵 (水質要求高拉麵)

人均消費:HKD$97

我其實成日行經過武士拉麵,一係佢就好多人排隊食,一係好多次因為水質問題, 拉麵店要停開, 拉麵餐廳其實個湯底先至係重點。呢間拉麵其實好重視佢既湯底,所以見d水唔乾淨,佢就唔開,由此可見,佢地對個湯底都會係好有心機。今日有幸食到都幾Good。

鹽味豬骨拉麵 ($88)

2015年4月19日 星期日

周記點心 (流沙點心)

人均消費:HKD$26

近日一間寂寂無名記茶餐廳,多得好多網上既報道,星期六日都搞到好多人去幫襯,原本營業時間至晚上九點,就係因為好多人去所以佢既營業時間亦都提前左係五點左右閂門。如果想去食既就唔好太晏去,因為好多野食都賣光。

佢出名既係巧手點心,每一期都會推出一點嘅新口味點心,但如果你都係想食到的話就一定要趁早去,因為近日都好多人去左,所以去好早就賣晒曬。最出名係流沙多士同燒賣。

今次推介 ─  各類多士

香芋多士 ($30)

2015年4月12日 星期日

屋子生活 (環境正野食麻麻)

係大圍附近有一間叫屋子咖啡,之前因為長年累月都好多人去排隊加上鋪頭勢頭勁, 所以佢擴充營業,係統烏溪沙開另一間分店,叫屋子生活,佢開鋪初期都已經超多人去幫親,星期六日去更加要排隊接近半個鐘以上先有位。呢間野相對屋子咖啡黎計已經大間左好多。

實情係呢間餐廳都係Sell佢既環境裝修, 首先具有塌塌米,加上佢的裝修同牆壁上都有想過度過,有好多靚既擺設,加上吊燈裝飾,影相都幾靚,你可以用Cafe黎形容佢,所以野食方面大家就唔好咁大期望。

人均消費:HKD$87

2015年4月7日 星期二

世界の山ちゃん (日本雞翼店)

人均消費:HKD$92

山哥夢幻雞翼係日本超出名,佢既分店多到好似香港既譚仔咁,佢出名既就係雞翼,但佢係尖沙咀開分店時宣傳唔多,所以人流都唔係太多,佢既雞翼其實都唔係有好多隻48蚊得四隻, 平就唔係平架喇,不過勝在野味。

今次推介 ─  夢幻雞翼 ($48)

2015年4月3日 星期五

好媽媽台灣館 (可以一試再試台灣小館)

人均消費:HKD$39

旺角就愈來愈無野好野食,要搵食就向深水埗方向,貴租都仲未殺到過去,遲D就難講,呢間野點解平,間舖係自己,同隔離金鳳係同一個老細,唔怕貴租,佢又想整下台灣野食,所以就開始黎搞,佢午餐仲平,不過我晏晝就去左隔離金鳳鋸扒好過。

佢呢個老細話就話係台灣番黎,野飲方面都有好多種,不過我自己就唔係咁buy,野食就真係好食,個炸雞扒,唔會炸到好似豪大大咁乾身,都唔錯。

香酥大雞扒+大魯肉飯 Set ($78)

佢一個Set 咁叫,抵食好多,一件大雞扒+大魯肉飯仲有一杯野飲,如果兩日人食都ok。首先講件大雞扒,個Size 都唔細,佢都幾大塊,開件都五件咁多,肉質都嫩滑,唔鞋身,炸粉唔算太多,剛剛好。佢有一半係多炸粉,另一半就唔係咁多,平衡番都幾好,唔會好似豪大大咁多炸粉,同呢間既炸雞唔係炸到好老,所以入口都幾滑。外層係炸粉,內層雞肉鮮嫩,呢我幾鐘意,肉質估大多數。


2015年3月29日 星期日

燒肉の牛太・本陣 (燒肉$110有找)

人均消費:HKD$108

平時食個燒肉,無二百蚊落樓都幾難,但係你識搵特價優惠既時候一百幾十蚊都可以有交易,今日我去左燒肉本陣。佢每個月既29號都會有若干款式燒肉作出半價優惠,平時一百蚊嘅燒肉, 可以做到49蚊。你食幾多,佢又無限你點幾多, 食完之後可以再點。

佢豬肉就得豬頸肉,雞就普通雞肉,牛先多少少選擇,但都唔係好hea,佢既雞同豬肉都係半肥瘦,d肉都腍,但就肥左少少。相反,佢既牛肉有驚喜,就係牛肋肉,$34有5件,佢燒一燒就食得,又唔勒

2015年3月22日 星期日

德發茶餐廳 (男人的浪漫三十有找叉飯)

人均消費:HKD$29

呢期係睇花同睇景既高峯期,我就係照樣搵野食,行開呢邊,咁就Openrice 下附近有咩好野食,就係保安道市政大廈,有間清一式「好評」既大排檔,一上到去,就見到個價錢,$29個Lunch ,睇完我都唔係好信自己隻眼,望多三眼先敢坐低。

宜家係香港想食平野,熟食中心係宜家都仲可以平平地咁食,都係因為D租都仲係政府收,又唔會收得太貴,其實地方都唔係差,有部份仲有埋冷氣,但保安道都未有冷氣,宜家都未係好熱都仲可以接受,遲d六七月就熱到HiHi 咁。

叉燒蛋飯 ($29)