Cafe 對於女仔呢講係食個Feel，而唔太著重野食質素，今日我去左間好有臺灣Cafe既餐廳，佢係觀塘廠廈，都唔係容易搵到，我都搵左一陣先去到。一入門口，直係令我置身臺灣既感覺，好值得讚。佢係各方面都落左好多功夫，由裝修，傢俱，佈置，食具，全部都係有心之作。野食方面當然都係臺式野，不過款式就少左DD。
價錢方面，佢都唔係十分平，野食同野飲分開叫，一杯野飲都成廿蚊，不過你一上過openrice，你都會叫野飲。我諗都係要維皮，因為裝修，傢俱，佈置，食具，全部都係錢，我自己一個人食，Lunch，一個飯加杯野飲，$75落樓。
先講下個野飲，佢都好重手，冬瓜好足味，但佢都加左唔少甜，當然佢都俾左杯冰同1/4個檸檬，等你可以溝淡下，我自己就勁溝，D味都好濃。不過大家著眼點應該放係個器皿上，個樽同個杯都好係化學堂上既量杯同容器，呢個先係夠特別，我鐘意。
酥炸排骨飯
佢既酥炸排骨既炸粉味都唔多，口感層次都落係塊排骨度。我覺得佢唔係太正宗臺式既酥炸方式既，應該炸粉多D，好似X大大咁，可能仲好食，呢方面既口感就差左DD。厚身酥炸排骨，好Rich 既感覺，比起大X樂既厚切豬扒更厚身，但又唔係十分乾身；飯既份量方面，佢都多既，我一個人食，飲埋野，個飯底真係食唔晒。不過食飯都係其次，要留意佢既筷子。
厚身酥炸排骨，一D都唔薄
筷子個頭就好似木顏色筆，唔講都唔知佢係對筷子，我都望左陣先食。
Order 就係要係先付款，再等，好似Food Court 咁。呢度佢仲有Wifi 俾你用，不過我就用唔著，自己有Data 就用自己，其他WIFI 留俾有需要既人啦。
門口個信箱，呢個好明顯唔係香港Style，咁臺灣Feel
超有老店Feel
餐車，即係叫你自己食完執番
燈隔離加隻長頸鹿
擺設
仲有舊式暖水壺
光顧日期：22 August, 2015
地址 : 觀塘興業街18號美興工業大廈A座1樓C室
Openrice : http://www.openrice.com/restaurant/sr2.htm?shopid=446342
我個Facebook 會經常Update，可以Like 埋。 Facebook Link。
沒有留言:
張貼留言