2015年9月16日 星期三

BBQ Chicken-Premium Chicken (韓國炸雞大學好巴閉)

人均消費:HKD$75

呢間BBQ chicken,有咩咁特別,就係佢其實係韓國有間研究所去研究d雞點整每一個部份,仲有佢呢間既比起其他既炸雞店多兩隻味,分別係芝士味同埋係蜜糖脆片味,其他既炸雞店相比之下係比較輸蝕。

仲有我打得出黎,就係想分享一下特別野,呢間野好多人排隊,如果你想食一定要睇啱時間唔洗點等位就最好既,首先呢間野無分Lunch 同 Dinner 既收費,咁當然係食Dinner 比較抵食。你六點鐘至六點半好去到,六點鐘半前入座的話就唔洗點排隊,一去就有位,如果你遲過呢個時間,你有好大機會要等1 Round,最Worst 要等90分鐘。

蜂蜜脆片炸雞 ($135)

呢間既炸雞有得比你選擇食標準定大份炸雞,一份標準炸雞都有成十件,一隻雞既唔同部位都有齊,好似有雞胸、雞翼、雞鎚全部都有。呢個就同出面既炸雞唔同,因為出面多用雞胸做炸雞,話晒都好肉D,但呢間就乜都用,話晒自己都有工場研究。

另外,個蜂蜜脆雞片炸雞其實佢係用上粟米片再加上蜜糖去整炸雞,咁成碟炸雞就充滿住蜜糖味,好似BBQ 咁,你最後勁加蜜糖一樣。肉質又真係無咁鞋身,另外個炸粉又好ok,做過research 係唔同D。

份量方面,佢比起出面貴同大份,呢D野就堅係相對,所以佢貴少少都係正,一個標準份量既炸雞都夠兩個人食,唯有等下一次食個芝士炸雞。

泡菜

呢間野佢自己有套一式三碗既泡菜,佢可以俾你添食一次,D泡菜其實又唔係十分好食,唔添都唔大問題。


店舖


Menu,佢都有心機整個Menu


Menu


做Research 真係會了解客人既取向,整雞咁有Heart ,抵佢好生意。

光顧日期:16 September, 2015

地址 : 銅鑼灣謝斐道500號維安商業大廈地下
Openrice : http://www.openrice.com/restaurant/sr2.htm?shopid=458398

我個Facebook 會經常Update,可以Like 埋。 Facebook Link

沒有留言:

張貼留言