世界の山ちゃん (日本雞翼店)

人均消費：HKD$92

山哥夢幻雞翼係日本超出名，佢既分店多到好似香港既譚仔咁，佢出名既就係雞翼，但佢係尖沙咀開分店時宣傳唔多，所以人流都唔係太多，佢既雞翼其實都唔係有好多隻48蚊得四隻， 平就唔係平架喇，不過勝在野味。

今次推介 ─  夢幻雞翼 ($48)

我平時食開串燒，雞翼當然唔少得，出面既雞翼相對較油，而山哥就比較乾身；出面會一味落味粉去吊味，山哥既又唔係好多，上碟後自己仲可以加胡椒粉之類，但其實唔洗點落粉都已經好夠味，事關佢燒得真係好食，好似日式串燒店既水準。正。

呢間山哥有圖教你點將隻雞翼拆開，分幾part 咬，由軟骨到雞翼本身點拆點食都有寫晒出黎，仲會講埋邊個角度咬落去就可以食得更乾淨，乜肉都唔徙，不過我自己食左咁多年雞翼，又點會學足佢，但都食得巧乾淨。

名古屋醬汁意粉 ($68)

名古屋醬汁意粉，佢其實都幾咸同辣，我本身都係食得辣之人，今餐都覺得佢落味落得重手左少少，唔係個個都受到。我食完係咁飲水，完全唔得，仲咸過殺利亞。

香煎雞蛋卷 ($48)

我今次仲試左佢既玉子，佢係凍食，我當堂打左個突，事關諗住佢即叫即整，即係等於熱食，無諗過整好左再雪，呢度已經扣左好多分。熱食既口感同層次往往比凍食既好，除非係魚生或菜。所以玉子可以唔叫。

Menu

仲有時令推介

食完晒成餐，唯一可取既就係隻雞翼，呢間計，雞翼真係好食，其他就算。

光顧日期：7 April, 2015

地址 : 尖沙咀金馬倫道57-59號金馬倫中心地庫
Openrice : http://www.openrice.com/restaurant/sr2.htm?shopid=168204

我個Facebook 會經常Update，可以Like 埋。 Facebook Link。