2015年10月17日 星期六

生煎包點心專門店 (厚粉量足價平點心店)

人均消費:HKD$37

今日去到筲箕灣,諗住搵間好食既餐廳食啦,有一個方法係杜x風都agree,就係睇下佢多唔多人幫襯為指標,我見呢間生煎包專門店其實好多人去,諗住無死錯人啦,成班老一輩人士幫襯,都係貪佢大件夾抵食,所以就好多人去幫襯。

佢既價錢都唔係好貴,一籠點心都係講緊十元八塊,蝦餃都唔會加價,從價錢睇,佢都算平。另外,佢寫到明,樣樣都係即叫即蒸十分新鮮。作為後輩既我要求當然唔係單單係大件夾抵食,有時都會Compare 埋其他野。

當然食完就有唔同Comment,好似食開添x運後,對點心要求。

小籠包 ($16)
上檯時其實新鮮熱辣,你會見到佢係一蒸好就出菜,可想而知佢係幾新鮮。其實呢隻小籠包已經算係好好食,因為佢既皮比較薄,連小籠包包既上半部都唔係好厚。佢都係收你16蚊,但都可以媲美翡翠x籠包式鼎x豐質素,但呢兩間收緊你成$50。

小籠包塊皮都好薄,大力D夾都好容易穿,肉質都多兼嫩口,唔易散,頂部既皮唔厚,呢個都可以接受。


生煎包 ($20)

一客有三件生煎包,佢既皮就超厚身,我自己超Dislike,口感第一啖就已經破滅左,即時都無心機繼續食落去,話雖佢既肉質都係幾好食,但始終個包已經大打折扣。佢既肉同小籠包差唔多,但堅唔會再食。(請見下圖)



牛肉腸 ($17)

今餐既牛肉腸粉既腸粉手水平都比較上唔夠得,因為佢既米漿都重手,但都係可以接受既水平,相對大帽山既茶樓計,佢既皮都已經係叫做唔太厚。牛肉就一般野,又唔係好腍咁。整體上都勉強可以接受。


沙律春卷 ($15)

超油,呢個沙律春卷好似用沙律醬加炸鮮奶咁,你食落好重沙律醬,佢用一層好油既炸皮包住沙律,好明顯佢無隔油先上碟,所以食落就超油,可以唔洗再叫。




 成餐埋單計兩條友80蚊都有找,你問我下次會唔會再去,我既答案係唔會,因為出太古都可以大把野食。


好:真係好平
壞:質素可以改善

光顧日期:17 October, 2015

地址 : 西灣河筲箕灣道143-145號大來大廈地下A舖
Openrice : http://www.openrice.com/restaurant/sr2.htm?shopid=48911

我個Facebook 會經常Update,可以Like 埋。 Facebook Link

沒有留言:

張貼留言