永豐餐廳小廚 (大角咀海鮮一絕)

人均消費：HKD$108

本人成日周圍去食野，有時都會懷疑係唔係間間都咁good，因為食得野太多既同時，有好多野要食多一至兩次先可以推介。今次我去左大角咀永豐，其實好耐之前都去過食lunch，不過今次就係去食宵夜。

佢既小炒+海鮮真係進步左好多，唔知佢係唔係加左好多蒜蓉或椒鹽，令到味道方面就幾野味。再加上佢既海鮮都係幾新鮮，佢sell 既野食再加上service，真係想唔俾個Like 佢都唔得。佢service 由你入間鋪開始一路都唔停，仇到咁上下時佢仲會問下你啱唔啱食，味道如何。咁既態度真係抵讚。

蒜蓉聖子皇 ($56)

先講聖子皇個質地，佢都幾爽，隻聖子都要係新鮮，另外個師傅對聖子既生熟時間都要把握得好。呢隻聖子皇都係我食咁多聖子黎計都算係正既。而價錢方面都係$28/隻，同出面比，都唔貴。蒜蓉+粉絲其實真係perfect match ，另到隻聖子更帶出鮮味。

椒鹽鮑魚 ($60)

佢個鮑魚平身其實都係好似聖子皇咁，都係好鮮，但個椒鹽鮑魚本身既味道都俾椒鹽搶左個味，分開食先食得出佢個鮑魚本身既鮮味。

你可以睇到個炸粉都唔係好多，都好薄，唔會太搶鮑魚既味。佢仲要俾埋叉你食都幾好，自己跟本無expect 過佢會咁俾。Service 都幾好。

芝麻香橙骨 ($65)

呢個香橙骨好似開左果汁先生咁，佢既既香橙味既香味送飯一流。我之前都搵過呢個香橙骨既食譜，佢應該用左鮮橙汁加橙酒，呢個吊味上令成個菜式都好橙。但呢個骨就好似同個名一樣，好多骨，佢咁大比例都係骨，如果係想食肉既就可以改香橙肉排，咁就可以多肉一D。份量方面佢有成8舊香橙骨，少又唔少，如果二至三人食都幾唔錯。

金銀蛋白菜 ($58)

佢原先黎左個金銀蛋莧菜，但我地一講佢知，佢即時去再整過，不過我只可講，呢個金銀蛋就普通左少少，唔知係唔係先食左三道好味既野後，呢個襯托唔到好好味。不過anyway ，食野都要balance 下，唔可以啖啖肉，都要食下菜。

好：Service 一流，小炒+海鮮正

光顧日期：16 November, 2013

地址 : 大角咀中匯街51號地下
Openrice : http://www.openrice.com/restaurant/sr2.htm?shopid=21061