樂華邨小食 (街頭風味)

人均消費：HKD$10

每逢新年，好多香港人或者媒體都會關注街頭小食，自從桂林夜市後，好多人都好珍惜每年新年既夜市，但又咁講，其實好多街頭小食一直都存在，宜家都仲有好多走鬼會係一d舊式屋邨同埋巴士站附近開檔，就係因為人流多，所以小販都仲有生存空間。雞蛋仔或腸粉就真係好少街檔，魚旦燒賣，牛雜都仲可以係街邊食到。

樂華邨位於九龍灣淘大再上的屋邨，可能食環無咁勁，所以都仲可以生存到。

今次推介 ─ 雞腎 ($10)

今日我去左樂華邨，佢都係有好幾檔魚旦燒賣牛雜，唯獨有一檔賣鹽焗雞腎，雞腎串燒就成日食，但成孖雞腎咁食就真係極少。鹽焗雞腎，先用鹽醃，醃住焗，但佢又整到好爽口咁。醃完既雞腎再焗番出D味，成舊雞腎既咸味都好平均。講埋大細先，佢一孖雞腎，超大孖，半隻手掌咁大，應該佢用大雞既雞腎。

價錢都係講緊$10，其實都好平，食落又夠爽口，邊個話一定要食魚旦燒賣先有街頭風味。

佢都係有好幾檔魚旦燒賣牛雜

光顧日期：21 February, 2015

地址 : 樂華村巴士總站旁

我個Facebook 會經常Update，可以Like 埋。 Facebook Link。