我成日周圍咁去食野，你可以問邊間最好食，最好食都係相對。觀塘區自重建後已經無左好多好食既地方，就好似新南苑，全部都死於重建。不過點都好，無乜野食都總會有DD好野食。觀塘道近年最多人排隊既食肆，大部份係日式。佢咁成功，某程度上係佢market 做得好。因為佢用一個平既價錢去吸引你，翻單仲有9折，所以成日都有好多人排隊。
我平時行過或坐車經過，大盛長年都好多人等位。今次專登揀係下晝兩點幾入去，係因為真係想試下佢有乜板斧，我先叫左個文魚壽司同豬軟骨拉麵，一食左個三文魚壽司就知佢點解成功。
今次推介食物 ─ 三文魚壽司 ($18)
呢間三文魚壽司係長身壽司，長壽司唔係什麼特別，可能你都食過唔少，但一舊三文魚長壽司全舊都係三文魚腩，超級肥美，三文魚油加上壽司飯，正爆。(thumbs up)
我叫左一客(兩件)，之後再加單，叫多兩件。我一個人食左兩件，加半碗豬軟骨拉麵已經飽晒。講錢，出面一般食都十幾蚊一件，大盛佢只係收緊$18兩件，大盛佢只係收緊$18兩件，板x壽司成日賣廣告，正常三文魚壽司都$9/件。
又肥美，又抵食。想少人去幫襯都難。我次次經過都好多人，我只係搵到下午茶時段係少d人。大家又不妨試下。
神戶豬軟骨拉麵 ($44) (一般)
難得的少人
好：觀塘區自重建後最抵食
壞：晚餐成日要排隊
光顧日期：24 March, 2013
地址 : 觀塘觀塘道404號時運工業大廈A,B,C舖
Openrice : http://www.openrice.com/restaurant/sr2.htm?shopid=15392
沒有留言:
張貼留言