2014年8月27日 星期三

勝博殿 (日式炸豬扒)

人均消費:HKD$160

今晚一行四人去食,就係因為有恆生信用卡既Discount,買三送一,又或者四人同行,一份免費咁,折左都要成$160/人,佢Dinner Set 係比起Lunch Set 貴好多。如果你俾我揀多次,我都只會去食Lunch,因為佢$100有找,野食差不多,價錢上差好多,不過佢既炸豬扒就真係好食,Dinner 同Lunch 只係菜絲同白飯都係任食同唔任食既分別。如果又唔想咁貴又食到好野的話就唔洗Dinner。

預早Book 檯,我又唔覺有咁既需要,佢真係唔係好多客,但呢間野日本台灣都有分店,佢Sell 都係Sell 炸豬扒,佢網上都有Menu 俾你睇,我一行四人去,我都叫做試過幾款,我最Buy都係千層錦。其他既都比較上乾身左D。

千層錦最好食

佢有幾隻豬扒,其他既都係乾身同鞋身D,千層錦,你可以駁既係佢係用好多塊薄豬扒去整,唔夠實料,但薄豬扒拼埋一齊,佢又好Juicy,又唔太乾,其實做咁多塊薄豬扒,佢手工都唔會少左,你諗下,一塊完整既豬扒炸左佢,同你將好多塊薄豬扒拼埋一齊再整,邊個多功夫D呢。所以如果你去食,我推介食千層錦,勝在夠特式,同埋Juicy。


黑白芝麻+豬扒醬

你一落完order,佢就俾D芝麻你,呢個步驟好重要,因為就住個人喜好去中碎D芝麻,因為我自己就係忽略左,所以成餐既芝麻就好大粒。

豬扒醬,就係係中碎左芝麻後自己任加既,我都加左唔少,佢隻醬同街邊其他食既都係差唔多,只係叫做有隻醬點下囉。


前菜就唔洗提啦,大家預得百幾蚊食野,前菜好唔好食都係少事。


菜絲同白飯都係任食

菜絲你大可以撈芝麻醬食,都幾唔錯;飯方面有白飯同糙米飯,任食,食完一碗再叫,佢勝在唔洗一點左白飯成晚都係淨食白飯,你可以兩隻飯交替食。(利申,我食左3碗)


好:塊豬扒係同其他唔同的。
壞:其實食Lunch 都已經可以,唔洗一定食Dinner

光顧日期:27 August, 2014

地址 : 尖沙咀金馬倫道5號太興廣場1樓
Openrice : http://www.openrice.com/restaurant/sr2.htm?shopid=167714

我個Facebook 會經常Update,可以Like 埋。 Facebook Link

沒有留言:

張貼留言