2014年8月17日 星期日

Jamie's Italian (意大利米芝蓮)

人均消費:HKD$110

食野唔好預約。呢間野新開張,大把人講佢。咁我講下攻略先,好多人預左要等成四個月,等到聖誕節先有位。但我就講你知D快方法,食野唔好Book位,Walk In ,登記左自己手機號碼頭4個字,之後去行街,2個鐘後返去就ok。網上預約就算啦,好難Book 之餘仲要唔知等到幾時。Walk In 都係等兩個鐘就可以了。

米芝蓮好唔好食就好多有錢人就當佢神咁拜,我就唔Comment。呢間意大利野,佢又係米芝蓮啦,但好似D意大利粉好似煙煙韌韌咁,但我自己就未必覺得佢煙韌好,又可能覺得佢好似未熟透咁,有唔同見解。

Jamie's 係金朝陽二期,呢個新場,入伙無耐就租左俾佢,諗住會帶旺呢條登龍街,點知佢又唔洗好似咖啡弄咁排法,帶旺左其他商場,話晒要行兩個鐘,你又點會唔搵野行下hea下。

個場面幾Grand ,仲要係夜食都幾唔錯,但對面對住個地盤,街景都唔係好得,坐入面反而仲好,一坐低就有個Staff喝 follow 你張檯既野食,佢大部分樓面員工都係香港人,你唔洗講英文叫野,好明顯serve 強國人先係重點。




餐巾

新開張當然係新野,暫時都仲好乾淨,遲D就唔知啦


中文Menu,方便強國人食野,又唔會唔識點菜,你可以點擊下圖放大D字,英文餐牌就自己上網睇啦,佢官網只有英文Menu。中文呢個就唔知幾多個Source 有喇。


 Crab Bruschetta ($70)

一塊乾身麵包仔,上面加少少蟹肉。個麵包就硬左少少,唔係咁易用牙咬碎,用刀就更加不不話下啦,切唔開。個包,差。蟹肉就正正常常啦。一條咁輕飄飄既麵包就賣成$70,我就覺得貴左DD。


Carbona ($85)

我自己係香港人,食到傳說中既意大利粉係煙煙韌韌既感覺,食到咁得意既意大利粉,我只係覺得佢似未熟多D。佢個Carbona份量就可以俾你揀大同細,我就叫左個細,但佢個芝士汁都幾滯下,唔洗好多粉都覺得夠飽。


Lemon Meringue ($65)

一個頭盤,一個Main 再加甜品,咁先OK。呢餐黎計,個Lemon Meringue都算係正,個檸檬酸加上蛋白,加上糖,呢個Mix and Match 又幾好。件批上層係燒焦左既棉花糖,好似平時BBQ 最後都會燒既棉花糖,真係幾正。


Toilet 水箱都影

佢都做得幾細緻,連toilet 水箱都加埋佢舖頭個名,呢個都做得幾好。


埋單時仲可以選擇俾唔俾tips,你可以俾10%,12.5%, 15%或唔俾,我今次就無俾到,就係因為個專責Staff太忙,完全唔得閒理我地。



光顧日期:17 August, 2014

地址 : 銅鑼灣登龍街1號金朝陽中心2期 Midtown 2 樓
Openrice : http://www.openrice.com/restaurant/sr2.htm?shopid=177905

我個Facebook 會經常Update,可以Like 埋。 Facebook Link

沒有留言:

張貼留言