食拉麵食到入荃灣，但講真，宜家我愈來愈難搵到好食既拉麵，唔知係唔係食得太多好食既拉麵後，一有其他拉麵舖開，我都想去食下。今次食到入荃灣，因為都有朋友講造呢間野都幾唔錯，話晒都叫做多人排隊，我去食既時候都要等位。
先講下佢既Special，佢間舖既大細就真係好細，以荃灣租黎計，佢既開舖成本真係好平。就係因為細舖，客人要好似坐Bar檯咁，但佢既椅係好難拉，所以staff 會幫你拉椅，呢個係佢既Service，都好好Feel。話分兩頭，座黎計真係好唔舒服，吊晒腳。日本邊度會係咁？
如果個女仔係長頭髮，佢仲送埋橡筋俾你，呢d咁既service，真係好周到。
講野食，佢又好似新派拉麵咁，客人可以自己選揀你想要既麵既麵身、油、濃、辣。都可以話係幾細心。但一食落就知中招。
魚介豬骨湯拉麵 ($78)
敗在個湯底，魚介豬骨湯，佢既魚介味太重，完完全全蓋過晒豬骨味。仲有個麵身既軟硬度，佢真係唔理你點填，我明明剔左要軟身，但佢都唔係軟。如果你係要比較，我prefer 去X風堂食算喇。咸度，佢都係把握唔到。我食完出黎，自己都飲左幾杯水。想點。
豬軟骨(骨膠原)撈麵 ($78)
呢個豬軟骨(骨膠原)撈麵其實又有咩comment 就係不可一，不可再。我選左麵麵身係軟，但師傳唔知有無留意到個撈麵理論上已經係硬硬地，如果佢用番原定煮麵既時間，個麵身係一定好硬，如果凍左就更甚。我食到底既時候係已經無心再食落去。
骨膠原，呢個個仲唔知點，一pat 野，又無味，可以點食呢，如果跟佢既食法，就更加唔知點。
講埋舊叉燒，佢切粒，咁搞法，真係不可一，不可再。想挑戰既朋友可以一試。
佢其實有圖教你點食法，睇落好似好細心咁，但個師傅應該唔係好熟撈麵既特質，我就算跟足佢既食法，都唔係太好食。
佢得4款拉麵
好：份量大
壞：撈麵好差
留意營業時間：星期一至日: 12:00-16:00; 18:00-23:00
光顧日期：20 June, 2013
地址 : 荃灣大河道81號寶成樓地下7號舖
Openrice : http://www.openrice.com/restaurant/sr2.htm?shopid=119188
我個Facebook 會經常Update，可以Like 埋。 Facebook Link。
沒有留言:
張貼留言