亞坤 (被坤的新加坡餐)

人均消費：HKD$54

我之前係新加坡時幫襯過亞坤，食過佢既咖央多，當然就係好好食。近日睇報紙，知道佢係香港開分店。我就即時佢想幫襯佢，但心諗，一開張一定會好多人去，佢又唔係十分十分吸引，所以我等到今日行開尖沙咀時，見到門口無乜人，咁先去食。

食後感就真係強差人意。

先講下間舖先，門口寫到明要排隊入座，我呢D成日排隊等食飯既人，唔mind，門口等，等左十分鐘，眼見超多吉位都無Waiter 叫我地入座，跟手問佢，佢叫我自己搵位坐，算。無人執檯，足足等左十分鐘，我自己執檯，我自己拎Menu 。全部自己做晒。

我叫左三樣野食，得一樣係OK。其他既就算啦。始終佢都係番新加坡好D，香港真係唔適合佢。

咖央多 ($18)

全晚最好食既就係佢，佢烘出黎即上檯，麵包都仲係脆同熱。個咖央多既咖央醬味唔係好濃，食落口唔會太甜，同唔會太油既感覺。但話分兩頭，其實我係叫左個蒸咖央包，但佢黎錯左，我就免為其難要左佢，話晒兩個都係$18。見個價無分別就算啦。但呢個風味同新加坡食到既係好大差別。

新加坡雞肉飯 ($48)

其實新加坡雞都唔係好肥，佢同泰國食既當地雞都係比較瘦一D，想食個飯係油D就要係煲飯既過程係水中加雞油，但亞坤今次係一D都無油味既雞飯。我都唔知開心定心傷，開心既係，我可以食到一餐比較健康既雞飯。傷心既係出街食餐雞油飯但無油。再者新加坡雞肉飯既雞係鞋身，ok，但我斷估你唔會全部身材都係Made in Singapore。飯係一粒粒，硬的。咁呢個我又唔知係咩事會咁呢？其實我呢餐俾成$54/位，食D咁既野。唔係化。我唔唔知可以打咩好野同大家分享。

叻沙 ($42)

佢既粉唔係米線type，而係好似瀨粉咁。個湯底一味得個辣字，不過都幾match 新加坡風味，話晒都係赤道國家，熱天食辣野都係正常的。辣中又唔係有香味，只係一味得個辣字。再者佢既賣相係一D都唔吸引，仲要呢個叻沙係成$42，toxxx Box 都係呢個價，仲要toxxx Box 大把分店，唔洗去你間亞坤。最後想講既係個叻沙無左D蝦囉，一兩個問題出現，你自己都唔解決，好難再落地生根。

叻沙補蝦，佢都唔記得加番隻蝦，一間新開張既餐廳，QC，唔係差成咁呀。但隻蝦係唔爽，咁呢個又係咩事呢？

正，幾有油畫Feel，食左成餐背脊骨落既飯後，望下壁畫，真係無言。

夜一夜都大把人，只可以講，佢又多左一大堆劣評。

Menu 係紙，我就當佢未印好餐牌，但未有提供沙律就唔該大大隻字寫出黎話無啦。要個客叫到，你自話無，而唔係賣晒。一間餐廳，食一餐飯可以出現咁多問題，D管理層寅係要諗諗計。

壞：無下次

光顧日期：20 July, 2014

地址 : 尖沙咀漆咸道南45-51號其士大廈地下C & D 舖
Openrice : http://www.openrice.com/restaurant/sr2.htm?shopid=169888

我個Facebook 會經常Update，可以Like 埋。 Facebook Link。