宜家出街食野，晚餐好多時會分兩輪，有頭同尾輪，所以出街食飯宜家都搞到好趕時間。呢間住家菜都係咁。
南瓜排骨盅要預早一日訂的，又睇得又食得。相當抵。個瓜好林，一切就開，入面係醬燒排骨。南瓜盅同冬瓜盅原理差唔多，都有互補不足兼鎖住肉汁。加上南瓜整到好林時，南瓜亦自自然然吸左排骨醬。兩者相輔相成。佢個Design 就係要一刀切開，但由於個南瓜好腍，一打就開。正
呢隻芝麻雞聽人講就話攞過獎所以Order 就即時要Order。咁就當然試下啦，無理由咁多人都唔試下咩。平時我唔係好食雞皮，驚肥。今次見佢有沙薑同芝麻，咁香口，無理由唔試下。塊雞皮真香口，但一咬到入肉時就中伏。肉少骨多，又生生地，唔係好熟。No good，佢好大可能唔想Over Cook，所以蒸既時間唔夠。攞獎雞無理由係咁。不過我都係照食。
脆香琵琶豆腐，淨睇個賣相都知唔差。講出根本豆腐本身都唔係D好有味道既一味餸。佢個皮好脆就唔係好厚，所以一夾之下，d豆腐已經Bit 左少少出黎，好清楚咁見到有魚肉同菇&翅。咁我相信幾十蚊個菜，d翅都唔會係d咩特別野。豆腐好滑。尚可。
呢間野叫住家菜，叫左個粟米魚塊就最似住家菜，以前細個時魚塊加少少沾粉然後拎去炸之後再加上粟米汁。講就咁講，做出黎真係個個整都係差唔多味道。個粟米汁都可能係金寶開出黎。所以無乜特式，得閒食下都OK。
鎮江小排骨，先講下第一眼見到既事，就係好多蜜糖醋+排骨。佢既做法應該炸左舊排骨，撈蜜糖同黑醋。十幾隻字就講左佢既整法，但食落就係甜甜地既黑醋排骨，排骨係乾身同脆脆地，Good。但敗北在於油左D。
鐵板牛柳，其實香港人好鐘意食牛柳，話晒拎黎餸飯係一流，因為每人都叫左一碗白飯，但有d蒜，好香口，越食越多，加上熱食，都唔會好難食。呢個菜有驚喜在於佢都幾林，唔似排骨咁多骨，所以好快就KO 左。
黃金蝦，呢個菜就好睇你個人鐘唔鐘意食咸蛋王，因為咸蛋黃醬會搽滿成隻蝦，而隻蝦唔會剝殼，如果唔Like咸蛋王，而你要用口剝殼，即係叫你齋食晒d咸蛋黃醬。蝦同殼好易分開，Over Cook 既情況就應該唔太嚴重。OK 啦, Acceptable.
壞：時間好趕
光顧日期：8 May, 2013
地址 : 銅鑼灣波斯富街99號利舞臺廣場7樓C及D店
Openrice : http://www.openrice.com/restaurant/sr2.htm?shopid=15725
沒有留言:
張貼留言