湯品小棧 (食得肉多都要平衡下食素食)

人均消費：HKD$38

本人乃一名肉食者，三餐唔埋兩餐就已經要食肉，自上星期見到大角咀呢間特色餐廳，升上openrice 既一個好少少既排名，眼見佢係食材方面都D幾特別既野，我又覺得可以一試，好似牛肝菌或松茸，你都未必知道係咩，我自己都唔知，我都係去到，見到佢個Menu ，講話食左有咩好處，佢有好大篇幅講食效。

我見完成堆文字後，已經唔知佢地有咩分別，即係好似中藥，我又唔係中醫，我係唔識分咩食物對咩好。總之食左就對身體某個部位好...下刪一千字。

你平時去食既齋舖，有報導之前講過佢地用既油係比正常餐廳仲要多，但今餐真係少油少鹽少糖，食得多咸野或味精後，食番呢餐平衡下。

黑松露炒飯 ($38)

傳說中既黑松露炒飯，我其實心諗黑松露都係貴野，佢拎黎炒飯，會唔會over左少少，但佢上檯時我唔敢相信自己隻眼又細啦，超清淡，佢係無落鹽既揚洲炒飯。少油少鹽少糖既一餐，我就知道自己健康左唔少，要食得出一餐既鮮味，唔洗好好味，清清淡淡都可以食得出好食。

牛肝菌米線松茸湯 ($38)

佢既份量係無可置疑咁少，好食完全好似無食過野咁，但呢個松茸湯又真係幾好飲。個米線同菜都係一般。食左成餐咁清既野後，我當然係要食番其他野，所以如果你大食既，呢間未必好，但平時食得唔健康，呢餐balance 番。

Menu

好：健康
壞：唔夠飽

光顧日期：23 September, 2014

地址 : 大角咀櫸樹街20號
Openrice : http://www.openrice.com/restaurant/sr2.htm?shopid=173016

我個Facebook 會經常Update，可以Like 埋。 Facebook Link。