2012年8月10日 星期五

點點心 (得獎點心)

人均消費:HKD$57

自米芝蓮熱,Newsweek都搞個 World's 101 Best Place to Eat,我食完添好運之後,呢間都係一間唔錯既餐廳。呢間野無乜點做Promotion,只係上過蘋果日報。唔做Promotion 反而我更要推。有時太多Promotion 太多人去幫襯,個質素反而會降。宜家襯佢仲未好多客就快d去。

佢鋪面唔係好有裝修,但唔好俾佢呢樣野呃左你。坐低比較一下,上多幾個網Search 下間野,再睇下相先落Order 都未遲。點點心都有分店,旺角同灣仔,客人都唔多。我食過佐敦同灣仔兩間分店,佢地有d菜式係時令又有d係每店不同。所以今次推介後,可能到你再去時就食唔到。

師傅咁有諗頭,去諗下有乜好Idea 俾客揀,唔洗食黎食去都係幾味,咁仲好。


推介食物 ─ 真係菠蘿包 ($16)


點點心叫呢個點心名係「真係菠蘿包」。無啦啦加多左「真係」呢兩個字,咁就試下佢有咩特別。之前添好運出左個菠蘿包個皮真係好鬆脆,呢間個皮就唔及添好運咁好食,只係普通酒樓既菠蘿包皮。相反出面酒樓用叉燒做餡料佢就用真正菠蘿作餡料,名個設計好有心思。

佢Really 有Heart 咁去諗D 野食,因為菠蘿包個皮係甜,個餡係咸,咁先好特出菠蘿包個皮既菠蘿香味;呢間菠蘿包不論個皮同餡料佢都係用菠蘿。菠蘿味更突出。都係一句,一定要熱食。

推介食物 ─ 脆皮鮮蝦腸 ($23)


脆皮鮮蝦腸係點點心既招牌,先講腸粉,皮薄仲要唔係係100%熱,佢一定等左一陣先上碟,食既時候又唔會熱親個口,超級細心。佢用既炸粉比較多,一來可避免攤凍時整林成條脆皮卷,就算係整林都只不過整林左一少部份。

餡料係用鮮蝦,鮮味好特出,佢條腸粉唔係好大條,我估佢都係用中蝦作配料,不過都夠。一條腸粉有鮮蝦,有炸卷,有腸粉。三層口感,一個字正。

今次推介食物 ─ 芥末炸粉果 ($16)


芥末一講,你實諗到日式野,點點心將芥末醬加落去個粉果度仲要炸一炸佢,等佢有d 油,餡料入面加芥末,有DD辣,不過都幾野味。

點點心_芥末炸粉果

茶位:$2/位

好:賣相同質素都超正,又平
壞:地方隔涉

簡評:宜家襯佢仲未好出名時,好快d去幫襯

光顧日期:10 August, 2012

地址 : 佐敦文英街文華樓23號地下
Openrice : http://www.openrice.com/restaurant/sr2.htm?shopid=47903

沒有留言:

張貼留言