2013年6月18日 星期二

新仙清湯腩 (油麻地米芝蓮)

人均消費:HKD$37

成日都話車軚人好多正野,我又係一個窮人,無理由搵間幾百蚊埋單既好食餐廳,所以今次就搵間$40有找既車軚人,去油麻地,食牛腩。每一間成功既餐廳都一定有佢出位之處,唔係間間都好似添好運咁好運。呢間新仙主要Sell 牛腩。佢既好處就係可以自己選擇要瘦,半肥瘦或肥。唔係講笑叫牛腩好似叫叉燒咁。問你死未。



今次推介 ─ 招牌牛腩河

我坐低同老細Order 招牌牛腩河,佢反問我要瘦,半肥瘦或肥,我O 左咀,然後下左一聲。我咁大個人,未試過食一間牛腩係可以揀瘦,半肥瘦或肥。燒味就成日食同自己揀。我朋友最終叫左個瘦腩河,上檯時真係好多肉,唔多根,但肥係有少少肥係尾。個老細話全瘦唔好食,都係要俾少少肥既先好食。我試左,個瘦腩,佢略帶少肥,真係幾唔錯+幾分煙韌最重要係無根。我自己都好後悔叫左其他野。(thumbs up)

招牌牛腩河 ($34)

我同個朋友去食,佢叫左個招牌牛腩河,我就叫左個咖喱牛肚撈一丁,呢個咖喱牛肚撈一丁就都唔差,佢既牛肚都有五舊,一D都唔少,而佢既咖喱就係中辣,我平時食開大辣,我都覺得有少少頂唔到辣,佢既辣唔係一味咁辣,而係佢加左D香草落去,你feel到辣之餘仲有香,呢D層次係正。(batting eyelashes)

再者,佢既牛肚係爽口,唔難咬。我呢D懶人,咬多兩啖都怕既,呢個Set 認真唔錯。

咖喱牛肚撈一丁 ($39)

佢既湯俾左我解辣

我食完都同左朋友講,襯佢未係咁出名既時候去食,等到第二時佢出名既時候,想食都要排隊。

好:自己揀牛腩既腍度,唔係間間做到

光顧日期:18 June, 2013

地址 : 油麻地砵蘭街37號地舖
Openrice : http://www.openrice.com/restaurant/sr2.htm?shopid=39254

沒有留言:

張貼留言