之前睇報紙先知台灣人黎到香港好鐘意去澳洲牛奶公司(下稱澳牛)，我都發覺自己已經好一排無去過澳牛，以我記憶，上次去食由坐低到走人都係15分鐘內既事，今次吸取左上次既教訓，識得點樣慢D食。(但伙計既上菜及落單既速度不變，都係咁快)
去親都係食常餐，佢常餐都係包+蛋+火腿+麵+熱飲。佢既好食既都係個蛋同麵。
澳牛，個餐廳名都話左你聽，佢地係用牛奶黎整野。佢既炒蛋方面，就係加左牛奶去炒。而其他出名野好似燉奶，我就今次就無食到。
我本人覺得成餐野，$33都係俾左隻蛋，因為佢既蛋真係好滑，滑得黎，個蛋既蛋味亦都比起華星更勝一籌，尢其澳牛既蛋比較濃，蛋王同蛋白既比較係澳牛多過華星。滑方面就兩間差唔多。
佢個常餐既麵，一係要牛肉，一係就叉燒。唔算話十分突出，又唔係差咁囉。
我今次食澳牛都係覺得速度要食得咁快既時候(大約15~20分鐘食晒)，你係唔係真係享受到好味野食，其實我又覺得有DD浪費美食。如果齋食蛋係OK，但由伙計落單既壓迫感，我寧願食華星。
好：蛋really 好食
壞：趕到死
光顧日期：2 October, 2013
地址 : 佐敦白加士街47-49號地下
Openrice : http://www.openrice.com/restaurant/sr2.htm?shopid=90
沒有留言:
張貼留言