近排唔知抽起乜筋，勁想搵D老字號去食野，上網搵左一排，公和就算啦，已經食左好多次，今次就去到北角既荳品老字號，呢間野又唔係好難搵到，一出地鐵站行5分鐘就到。呢間野置身於街市中間旁邊，街市中間係一列排檔，賣既都係d家庭用品。呢間野同街市都相配合。一個老街市配上老名。
行入舖頭甫見伙計係度轉動著一盤熱哄哄既煎餃或煎包，蒸氣向上。牆上擺放住好多樽腐乳。十分濃郁老店既氣味。呢d荳品老店，多數賣包餃及豆花。好多客人都叫熱豆腐花。聽見我都好想一試，但天氣又唔係好熱，所以我都係叫別的東西。
據說呢間野將於本年十二月因舊樓重建而結業，如果想一試佢既食物就要盡快去。
一隻鍋貼賣$3，正常價錢。但佢地特式在於個小鐵碟仔。一般家居蒸魚，甚至肉餅都用唔上呢d咁細既小鐵碟仔，呢度用得著都係方便伙計去計數，佢只係用黎放一隻鍋貼
牛肉包 ($4)
個包塊皮就厚左dd，但都係好脆。肉汁鎖住係個包入面，見佢剛剛整好，熱辣辣，食就好好食。$4都係正常，Compare 佢同君戶，我就鐘意呢間多d，起碼可以遠離繁囂。
牌照睇個幛照都知係老字號，持有菜館牌照，牌主係廖南都睇得一清二楚，連埋個號碼係4位數字。你就知呢間野咁多年都無搬過。個號碼已經係一個活生生既歷史。
客似雲來，客源唔止係老人家，老中青少都有。想食就快喇。
呢d老店，收既係平常價錢，街坊生意，但假日去下，Relax 下，唔洗成日食埋平時會食既食物，都不失為一個好選擇，不過要快手。隨著時代既巨輪，好多老店唔係做唔住而係舊樓重建被迫結業，唔知係好定壞。
光顧日期：5 October, 2013
地址 : 北角馬寶道1號N地下
Openrice : http://www.openrice.com/restaurant/sr2.htm?shopid=10280
沒有留言:
張貼留言