我上星期都係荃灣，食左蘭香，食唔到嘉樂，所以今日就再黎荃灣，食番以蛋出名既嘉樂。佢出名既係火腿奄列，所以本住肥死就算既心態去幫襯。呢間野出名既奄列係用7隻雞蛋黎整，齋計7隻蛋既卡路里已經有644卡路里，一個常人，每日都係攝取1,800~2,000卡路里。如果齋食晒d蛋未計火腿同汁&飲品，已經係一日既35%。所以係本肥黎食。佢另外出名既有奶昔，我都試埋。
奶昔去老麥都成日飲，黎黎去去都係三隻味，呢間奶昔仲有其他幾隻味好似鮮蛋奶昔、阿華田奶昔、好立克奶昔、雪糕奶昔，不過都係同老麥差唔多。叫就叫多幾款你揀，不過收到成$25一杯就真係貴左少少。不過佢都係即叫即整，因為上檯時個杯入面都有冰碎，可想而知佢個奶昔真係fresh。
阿華田奶昔 ($25)
唔好睇相同聽個名「小奄列」以為好細份，呢個小奄列都係用左4隻蛋做，咁樣都已經368卡路里，佢仲配多個包俾你。蛋汁就唔係十分多，但佢有落其他汁黎吊味就係用左「美極」。但「美極」又唔係好夾d蛋。入面仲有好多火腿，一個火腿小奄列有4隻蛋，好多火腿，仲有個包，佢只係收你$26，呢個係超值。Quality 可以叫中挺，份量叫大。Overall 係好。
佢既火腿大細唔平均，佢應該係買左舊大火腿番黎跟手自己用手切，唔係用機切。
個Menu 上有好多野食都係$30有找，宜家今時今日想食平野，大件夾抵食就真係難。難在d野食仲要有quality 同份量。
星期六日暫停供應蛋類三文治，但其他三文治都有供應
好：平
壞：上菜時間相對較長
光顧日期：20 October, 2013
地址 : 荃灣新村街40B號地下
Openrice : http://www.openrice.com/restaurant/sr2.htm?shopid=10100
沒有留言:
張貼留言