2013年7月28日 星期日

咖啡弄 (台灣甜點名分店)

人均消費:HKD$60

(Revised on 2013年9月25日)

咖啡弄係台灣幾出名既食店,今次佢黎去香港試業,佢試業都已經試左好耐,由今年初開始至今都成半年,佢依然好多客人。我星期日就排左兩個鐘,所以大家下次想食就最好約多幾個朋友一齊去排隊。

攻略
人數:
建議同行人數為4人。食同等都開心點。
排隊:(由9月2日起可以部分拎飛)
兩pair 朋友去食 (4個人),每pair 朋友輪住排隊或行街,每更45分鐘。大約有位時以電話急Call。(拎左飛之後,每半個鐘返去1次Confirm 仲要等幾耐)
落單:
每人都要Order一杯野飲(無論有否Order 野食),咁4個人,每人一杯野飲,可叫曼特寧咖啡,台灣花茶又或者水果茶,再加2客鬆餅,每人約$80埋單。
一個鬆餅有4件,每人2件剛剛好,3件都over左。2 Set 鬆餅有2款口味,所以人數最好係4個或雙數,如果2個人去就只係試到1款口味。
又或者同佢用(香港法例第362章)《商品說明條例》同佢講,叫野食都已經過左最低消費,咁就可以用$60埋單喇。

今次推介 ─ 紅豆抹茶冰淇淋鬆餅

個Set 有4件鬆餅、抹茶冰淇淋、紅豆茸同Cream一舊。佢即叫即整,上檯唔會好耐,佢上碟時件鬆餅仲係好熱,面層同底層都好脆,中層軟。食完之後,你唔會食得番出面$13底格仔餅。因為熱食+脆。仲有食熱鬆餅+上凍雪糕又係另一種層次,冰火交雜。可以將奴綠茶雪糕加快係口腔溶化。

紅豆茸係好棉,食落係D紅豆味係個口度慢慢滲出黎。佢個紅豆茸唔係出面買,係自己將原粒紅豆打到茸咁,你可以從佢既顏色度睇到佢係好足料,上不碟時加左半粒栗子,未食先滿足你眼睛。

個Ice Cream 就唔洗多講,佢都係自己整,你睇下佢色澤就知,買番黎既綠茶雪糕一定會更綠。不過未見特別濃綠茶。

我一路都話甜品要甜但唔可以膩,鬆餅可以溝淡紅豆茸同綠茶雪糕既甜。正。一膩就就Over左,你就好似食左舊方糖落肚。佢個鬆餅既好處係你依晒都唔覺得甜。勁好野。(love struck)

紅豆抹茶冰淇淋鬆餅 ($54)




個Menu 都整到成張報紙咁,超有Heart,佢最底寫明(每人最低消費為一杯野飲)

Menu

葵瓜子芝麻冰淇淋鬆餅要講既係佢個葵瓜子,你可以睇到佢都俾左好多粒葵瓜子落去。新年時食瓜子都係like 佢有D咬口,鬆餅+葵瓜子,一個脆&腍,一個硬身。你未食係估唔到咁有Surprise。

再講埋個堆黃色野,我同3個朋友一齊試都試唔出佢係咩黎,不過我地Come out 覺得係豆茸。如果大家知都可以Comment 俾我。佢同紅豆茸一樣都係好棉,正。

葵瓜子芝麻冰淇淋鬆餅 ($54)

新鮮水果茶,佢呢個係熱飲,佢用熬茶迫晒d水果出味,煲完再飲,其實都好濃,都唔係個個都受到咁濃既茶。其實我Post 張飲完既相好明顯想話俾大家聽佢有幾足料,有橙、蘋果、熱情果、茶包。其實佢d味好濃,你大可以加多d清水溝淡佢。呢暑野Service 好正,佢會俾好多水你。(blushing)

新鮮水果茶

徐濠縈同陳康提都係坐隔離兩張檯,如果陳奕迅都在場就更好。我一定搵佢簽名兼影相。話晒昨日係佢牛一。慶祝下佢都好。(kiss)

徐濠縈 & 陳康提

佢係店舖入面做種植,有晒水管,仲有太陽燈,促進水合作用,係銅鑼灣咁既空氣質素下仍可以改善埋餐廳既空氣質素,大愛。(applause)

種植

入口

要排兩個鐘,其實都好抵,因為真係好食,如果大家聽左我advise 後,應該可以慳時間,更抵食,我應該會再去排隊。

好:野食熱加好食
壞:個個人客都排成個幾鐘

留意事項:每人都要Order一杯野飲(無論有否Order 野食)

光顧日期:28 July, 2013

地址 : 銅鑼灣邊寧頓街9-11號登龍閣1樓B1-B3室
Openrice : http://www.openrice.com/restaurant/sr2.htm?shopid=120973

沒有留言:

張貼留言