2013年7月21日 星期日

金寶甜品 (百搭甜品)

人均消費:HKD$48

平時大把人喜歡飯後黎個甜品,九龍城就係一個甜品聯合國,想點食就點食。我今次同三位朋友係九龍城食過飯後就hea 下,今次就碌左入間叫金寶既甜品舖,事關呢間野好在閂門時間係一點幾,仲有時間食個甜品宵夜。講到九龍城,野食真係唔少,飯後一個甜品,簡直係錦上添花。

甜品舖其實有時都唔係幾有創意,set  好晒咩甜品就之後跟住整。九龍城既甜品舖其實一早已經諗左好多新idea,又會有d諗頭好似食得健康。

好似今次咁芭菲佢有好多種口味,但口味一般偏淡,佢就諗得好細心,因為淡味芭菲加上咖啡果凍,咖啡味濃,突出咖啡奶香。我地今次就叫左個豆乳味芭菲,豆乳芭菲既滑又唔濃,食完我即時想飲盒3.6牛乳。因為超滑,比起雪糕更perfect。

咖啡果凍芭菲(配豆乳芭菲) ($42)


今次推介 ─ 千層薄脆拿破崙

根據識整Cake 既朋友講,大部分甜品舖既profit margin 其實都好高。人工成本絕對唔係想像中咁高,因為好多野食既製作時間短,同唔洗好多技術,拿破崙既製作相對較難整。拿破崙最難保存,因為放入雪櫃好多時會因為製冷時釋出水份而整腍個脆脆。分析番呢間,佢都係即整。預先整好左d薄脆,等到有客人叫時,佢先加上凍吉士。你食落時又唔會覺場得好油,因為吉士係唔用忌廉整。對於我呢d成日食但又想健康d係一個幾唔錯既甜品。(thumbs up)

千層薄脆拿破崙 ($48)

朱古力雪糕我籃,睇落真係好普通,一d都唔起眼,但話晒都係心太軟,佢當然有番少少優點。心太軟加雲呢嗱,因為加雲呢嗱令到心太軟唔洗淨係清一式朱古力咁寡,食落又唔洗咁甜。雲呢嗱醬其實係一個治標唔治本,最終其實係食多左甜野落個口度。所以就算。

心太軟配朱古力雪糕籃(加雲呢嗱)($54)

好:你可以因你口味而轉下d芭菲或雪糕口味

光顧日期:21 July, 2013

地址 : 九龍城打鼓嶺道38號地下
Openrice : http://www.openrice.com/restaurant/sr2.htm?shopid=47189

沒有留言:

張貼留言